لميع مشيدات الصياوين

طي
X
 
  • التوقيت
  • إظهار
مسح الكل
المشاركات الجديدة
  • ظافر العتيبي
    عضو فعال
    • Mar 2008
    • 104

    #1

    لميع مشيدات الصياوين

    السلام عليكم

    هذه القصيده يسرني أن تكون اطلالتي الأولى في هذا المنتدى الذي يجمع ابناء القبيله ويشرفني أن تحوز على شيء من رضاكم

    [align=center]لميع مشيدات الصياوين[/align][poem=font="Simplified Arabic,6,white,normal,normal" bkcolor="blue" bkimage="backgrounds/2.gif" border="solid,4,deeppink" type=0 line=0 align=center use=ex num="0,black"]
    نوٍ على القرنه تراكم اسبوعين=واسبوعه الثالث تنثر خياله
    صوت رعده لرزم هدير البعارين=والا حنين اللي زهتها الشماله
    وبروقه اللي لاحت يسار ويمين= بيض الخيام اللي عليها المقاله
    والا لميع مشيدات الصياوين= اللي جنوب الخط واللي شماله
    تلقى بها رجالٍ على الطيب ظارين= ترحيبهم بالضيف يسبق سؤاله
    ما ينشدون الضيف من وين لاوين= إلا بعد مالضيف تكرم سباله
    وتلقى بها صفر الدلال المزايين= صفرٍ كما ضوٍ يزيد اشتعاله
    ومفطحات الحيل والا الخرافين= من غير حشوٍ بركوها قباله
    والعود فوق الجمر جاله دخاخين= مثل الضباب اللي بعالي جباله
    جابوه تجارٍ يبون الملايين= مايشتريه اللي قليل رياله
    ريحه تشمه قبل ما تشوفه العين= كن الهواء ماخذ عليه الكفاله
    هذا الكرم يوم الكرم له عناوين= وحنا عناوين الكرم والشكاله
    برقا وروق بعسر الايام واللين= دايم سوا في كل موقف وحاله
    يوم الزمان الشين وقت الأكاوين= وقت مضى لا عاد ربي لياله
    صولاتهم ترهب قلوب المعادين= عدوهم منهم تزايد جفاله
    ياويل من عادوه يافاله الشين= لا ياردي حظه وياشين فاله
    هذاك وقتٍ راح والناس دارين= والماضي اللي راح مالي وماله
    ولا ابخس حقوق الرجال الوفيين= كل القبايل مثلنا بالجزاله
    واليوم في حكم السعود الميامين= حكام نجد اهل الوفاء والعداله
    سلايل معزي سند كل مسكين= ريف الضعوف عن الفقر والبطاله
    وليا حداك الوقت والفقر والدين= عليك باللي ما يشح بحلاله
    هذاك ابو متعب وريث السلاطين= ساس المراجل والكرم والأصاله
    اسياسي ودكتور علم القوانين= والا الشجاعه ورث جده وخاله
    ولا ني بناسٍ حبيب الملايين= سلطان ابو خالد عريب السلاله
    على العدا سيفٍ نسله بحدين= حامي حدود الدار من كل عاله
    ليث شجيع صابر صامد ذهين= حلال صعبات الحيل باحتياله
    يالربع ابدعي ربي وقولوا آمين=الواحد الغفار جلا جلاله
    الله يمد بعمر ابو متعب سنين=والدار يحميها من أهل الظلاله
    وختامها صلوا معي يامصلين= على نبي الله محمد وآله[/poem]

    [align=center]وسلامتكم[/align]
  • عبدالرحمن الهيلوم
    عضو
    • Apr 2007
    • 21232

    #2
    [frame="4 80"]صح السانك يالغالي وفي انتظار ابداعانك [/frame]

    تعليق

    • ظافر العتيبي
      عضو فعال
      • Mar 2008
      • 104

      #3
      الهيلوم صح بدنك


      اسعدني مرورك


      الأخوان المشرفين أرجو تكبير خط القصيده لأني

      ما انتبهت للخط الا في الاخير وماقدرت اعدل القصيده

      ولكم من كل الحب والتقدير والاحترام

      تعليق

      • بندر المرشدي
        إدارة الأقسام الأدبية
        • Nov 2006
        • 4292

        #4
        برقا وروق بعسر الايـام والليـن دايم سوا في كل موقـف وحالـه




        الله ..الله


        ياسلام صح لساااااااانك ملاييين
        [poem=font="Simplified Arabic,3,tomato,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
        يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان
        لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان
        الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان
        اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان
        مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان
        [/poem]

        ::

        ديواني من إعداد الزميل/ عمر الدغيلبي ... بيض الله وجهه

        تعليق

        • نواف العصيمي
          مشرف عــام
          • Sep 2006
          • 10282

          #5
          صلى الله عليه وسلم ..

          وصح لسانك قصيده رائعه ..

          وتم التعديل


          ولك التقدير والإحترام

          تعليق

          • سفن اب
            عضو ماسي
            • Dec 2007
            • 493

            #6
            صح السانك وفالك البيرق يا الطيب

            تعليق

            • ظافر العتيبي
              عضو فعال
              • Mar 2008
              • 104

              #7
              بندر المرشدي


              صح بدنك ولاهنت يالغالي

              تعليق

              • ظافر العتيبي
                عضو فعال
                • Mar 2008
                • 104

                #8
                نواف العصيمي


                صح بدنك واشكرك على التعديل


                والتجاوب مع طلبي باسرع وقت وهذا ان دل على شيء

                فإنما يدل على اهتمام المشرفين على هذا الصرح بما يخدم الجميع

                اجمل التحايا لشخص الكريم

                تعليق

                • أبو نجر النفيعي
                  مشرف سابق
                  • Jun 2006
                  • 6683

                  #9
                  ..
                  الله الله يا ظافر ..

                  صح لسانك ملالالالايين ..


                  أخوك
                  .....




                  تعليق

                  • عبدالرحمن الهيلوم
                    عضو
                    • Apr 2007
                    • 21232

                    #10
                    صح السانك يالغالي

                    تعليق

                    • ابن البجاديه

                      رابطة محبي الهيلا

                      • Oct 2007
                      • 1349

                      #11
                      صح لساااانك


                      انشهد انك ماقصرت




                      تقبل مروري واعجابي..

                      تعليق

                      • ظافر العتيبي
                        عضو فعال
                        • Mar 2008
                        • 104

                        #12
                        ابن البجاديه


                        اشكرك على المرور واعجابك وصل

                        تحياتي لك

                        تعليق

                        العمل...