الشيباني والخواجه

طي
X
 
  • التوقيت
  • إظهار
مسح الكل
المشاركات الجديدة
  • راعي الأوله
    عضو
    • Nov 2003
    • 6

    #1

    الشيباني والخواجه

    في مره من المرات كان عندنا في الجامعة إختبار مادة ميكانيكا عامة وكان معنا شخص يدعى/ جمال خان وكان وزاني في الإختبار والرجال من استلم الورقه وهو مدهر ونا اقلب الأوراق البيض يمين ويسار ويوم بقى من الوقت حوالي ربع ساعه الرجال سلم ورقته والياني ماكتبت شي ومدري اسلم الورقه ولا لا قمت وكتبت بيتين وكملتها في البيت وصدق يقولو الشعر فيض من غيض

    هاكم الأبيات

    هميت اقــلب البيــض وبدالي شــان شـــانن يوديــني وشــانن يجـيبي

    مــدري اسلــــم ومـاحصــل كــــان ولااتصبر لعـــل فـــكري يصــــيبي

    جــاوب جـــوابه وســلم ولــد خــان وأنــا ابن مشــيب جــوابي عطيبي

    مــاهوب نقصن بي ونا ولد شـيبان مــير الخـواجـــه حلولــه تصــــيبي

    مــدري جــياده ولاتفـانين فنــــان لابعـث ابو سيـــده يحل الصعيبي

    وانا هايمـن مابين وادي ووديــان ساعه أجيب الصيد وساعه يغديبي

    وياالله انا طالبك يامنشي الأكوان تصلح مساري لين انا اشوف طيبي


    وانشــــــــــــــاء الله تحوز على رضاكم مع اني ماعندي خبره كافيه في الشعر وهذه تعد اول قصيده انظمها في حياتي والله الموفق


    ومع ذلك هنا ملاحظه نلاحظ ان هؤلاء القادمون من بلاد ماوراء النهر ههههههه فيهم جياده في الدروس مدري وش السر هذا سؤال مطرووووووووووح مثل ماقال البيت مدري جياده ولاتفانين فنان........................؟؟؟؟؟






    ملاحظه أن الله هو أعلم بما في انفسهم وهو الوحيد الذي يعلم سر تفوقهم الدائم مير الله يقدرنا عليهم والسلام عليكم ورحمة الله وبركاته


    أخوكم راع الأوله
  • طلال الثعلي
    مشرف سابق
    • Sep 2003
    • 828

    #2
    ونعم ياراع الاوله

    صح لسانك

    ودائما اول قصيده لاي شاعر

    تحتاج الى الوزن

    مع ان هذه القصيده تحتاج الى وزن بسيط

    تحياتي...

    تعليق

    • نهيان الحمادي
      عضو ماسي
      • Jul 2003
      • 677

      #3
      صح لسانك
      و القادم اجمل

      تعليق

      • ابن مشيب
        إدارة أقسام القبيلة
        • Nov 2002
        • 9791

        #4
        قصة وقصيدة ممتعة يابن العم , تسلم والله على هذة المشاركة , ونتمنى منك المزيد.

        ووزن القصيدة كما قال الاخ طلال الثعلي تحتاج لوزن بسيط , ودام هذي اول قصيدة لك , اعتبرها وافيه الوزن.


        تحياتي:
        ابن مشيب.

        تعليق

        • راعي الأوله
          عضو
          • Nov 2003
          • 6

          #5
          صحت أبدانكم ياطلال ويانهيان وياولد العم ابن مشيب وشكراً على النويه

          أخوكم راع الأوله

          تعليق

          • الطيــــــــــر
            عضو
            • Aug 2003
            • 11

            #6
            صح لسانك

            وشد حيلك وانا اخوك
            وتصير ازين من الباكستاني

            تعليق

            • المختلف
              عضو نشيط
              • Nov 2003
              • 40

              #7
              قصيده رائعه لكن الوزن لك عليه شوي لكنها مشاركه حلوه

              تعليق

              • راعي الأوله
                عضو
                • Nov 2003
                • 6

                #8
                مشكور على مرورك اخوي المختلف ومشكور على التنويه

                تعليق

                • العطاوي.
                  عضو
                  • Nov 2003
                  • 24

                  #9
                  ماعليها

                  والله قصه ماعليها

                  والقصيده ( أهه) شوي وتضبط
                  بس يبن مشيب ياراع الأوله مدام تقوووول هذه اول مشاركه
                  اجل الله يستر من تاليها شكللك بتطلع شااااعر بحر

                  أخوكم ( العطاوي)
                  الدوادمي حاليا ( داورد سابقا)

                  تعليق

                  • سطام بن فهيد
                    موقوف لمخالفة الأنظمة
                    • Jan 2003
                    • 325

                    #10
                    العطاوي قل ماشاء الله =ههه

                    صح لسانك يالقرم لو ان عيال العم قالوا فيها كسر بس انا عكسهم=================>لو انها مكسوره تسوى عندي مية قصيده مدام مجملها اسمك والبيتين اللي بتوقيعك



                    ياناشدن عنا ترانا الشيابين
                    من عهد ابونا نشيل الجمايل
                    وقت النشب بالاد مشيب معتزين
                    اهل الكرم والجود بين القبايل

                    والله يرعاك لعين ترتجيك

                    ولا خلا ولاعدم


                    تحياتي وتقديري لك

                    اخوك


                    سطام بن سلطان بن فهيد

                    تعليق

                    • راعي الأوله
                      عضو
                      • Nov 2003
                      • 6

                      #11
                      مشكور يالعطاوي وياسطام على المرور وعلي بالحرام اني مستانس يومنكم قريتوها والا الوزن ههههههههههه نبا نسمكر ونمشي الحال ومشكورين على التنويه

                      وسؤال الى الاخ سطام

                      انت ولد سلطان بن ماجد بن فهيد امير الشيابين

                      تعليق

                      • سطام بن فهيد
                        موقوف لمخالفة الأنظمة
                        • Jan 2003
                        • 325

                        #12
                        نعم وصلت انا ولده واطلب عزك


                        تحياتي

                        تعليق

                        • راعي الأوله
                          عضو
                          • Nov 2003
                          • 6

                          #13
                          مايامر علاك ظالم والله ونعم بولد العم الامير بن الامير
                          وتراني جاركم ماني ببعيد عنكم هه كلها عشرين كيلو
                          ههههههههه

                          تعليق

                          العمل...