( عيني تشوف ) ......

طي
X
 
  • التوقيت
  • إظهار
مسح الكل
المشاركات الجديدة
  • بدرالهبيري
    شـــاعــر
    • Jul 2007
    • 370

    #1

    ( عيني تشوف ) ......

    [align=center]
    اخواني اعضاء وشعراء منتدى الهيلا عتيبه
    السلام عليكم ورحمة الله وبركاته ..........
    اقدم لكم هذه القصيده اتمنى ان تنال
    الرضى والاستحسان ..




    أمس الصباح ادموع عيني مجاذيب
    وادري وش اللي فوق خدْي جذبها

    علم (ن) كميته خوفة الشك والريب
    هرجة غشيم(ن) كلمته ماحسبها

    يطري على بالي وانا آزيد تاديب
    للنفس لين النفس زوْد عطبها

    لكن على الله يالجروح المعاطيب
    مادام نفسي محتفظة(ن)باادبها

    هذي ثلاث شهور بالعدْ تقريب
    والعين معسول الكرى ماقربها

    وانا برجا الله سامع دعاي ومجيب
    اللي جروحي عارف(ن) وش سببها

    يالله دخيلك عن سموم اللواهيب
    اللي تزايد بالضماير لهبها

    عيني تشوف ولاعن الشوف تجنيب
    والشوف خابر هو سبايب تعبها

    سلمت نفسي غصب ماهو على طيب
    وشحيلتي مادام هاذي طببها

    مجبور اغظ الطرف واسمع ولااجيب
    واسكت واداري لو سكوتي نكبها

    ماهو رضى والا عتب غيْ وامصيب
    النفس انا كرْمتها عن عتبها

    تفداك ياراسي كبار العذاريب
    اللي على النيران تجـْـدع حطبها

    ماينتخون الا لشذب العراقيب
    قوم(ن) تقطـْـع في يديها عصبها

    لامن واحدهم ولـَـتـْه المشاعيب
    كب الصحيح وكل موجه ركبها

    مايردعه سلم الرجال المناجيب
    ولاتمنعه شيمة عرب عن عربها

    ناس(ن)مفاخرها بقل ْ المناصيب
    واهل المراتب مادرت عن رتبها

    لاشافت الطيب صفت له مشاريب
    قامت تحك جنوبها من جربها

    بيدينهم صرنا سواة اللعابيب
    لو كان ماهو ودها ذا طربها

    حتى بعد وغدانهم عذبة النيب
    اليوم صرنا وحدة(ن) من لعبها

    ياحيف والله ياطوال الاشانيب
    اللي عريب(ن) فالجزيره نسبها

    والله لو لا خوف لايقال لي عيب
    اني لااقص بكل مجلس شنبها

    حدب الظهور مضيعين المواجيب
    اللي على الغرْات يكثر طلبها

    واخرهم اللي قدْحته بالمشاهيب
    وكل العلوم اللي تنومس عقبها

    اللي خذا روحي بليـْا مناديب
    ولسوق بيْاع النمايم جلبها

    باع برخيص ولاعن البيع تعقيب
    قفى مغرْب والخلوج احتلبها

    يلقى بوجهه كل هرجة ظهر غيب
    لابد ياقع كان عاش بنشبها

    واللي خلق موسى وذا النون وشعيب
    وارسى الجبال الشامخات ونصبها

    ان الجزى لو طالت المده يصيب
    واللعبه امسى خاسر (ن) من لعبها

    وان صار فيها بالليالي عواقيب
    ( كل العقود تعود للي كربها )

    دربي سماح وغيرها وش على الذيب
    يفنى الحسود وحاجته ماقضبها

    ان عشت ياراسي بروس المراقيب
    وان مت خليت الشْجَرْة وعنبها

    سحمان هز الذيل قدم الرعابيب
    وسحمه تلوْح للعفون بذنبها

    مااقول فيها كاسب(ن) لي تجاريب
    الوقت عني خابره ماحجبها

    مغنيني الله والرضى بالمكاتيب
    مفتاح بيبان الفرج من ضببها

    ماني بعازه لاولا لي مطاليب
    ضربت عشر بعشر والله كتبها

    في كل ديره لي ربوع ومعازيب
    ربع(ن) ينومس بالمواقف شببها




    وسلامتكم ..

    تحياتي وتقديري .. بدر عيد الهبـيـري ..
    [/align]
  • عبدالله الجـــذع
    مشرف منتدى قصه وقصيده
    • Sep 2007
    • 8093

    #2
    الله..

    ماشاء الله ..

    قصيده رائعه وجزله يالجزل

    صح لسانك ولافض فوك يالغالي..

    دام لنا ابداعك ..
    قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


    .
    قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
    فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

    .

    موقع يضم جميع القراء


    هنا

    تعليق

    • مرزوق حمدان العتيبي
      مشـرف عام
      • Nov 2003
      • 20403

      #3
      ..
      .
      صح لسانك يابو عيد على هالجزاله
      وبيض الله وجهك ..
      ...
      [align=center]
      [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
      فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
      حط حبه في كياني ماتغيّره السنيني = وانثني من دون عرضه بالذراع وباللساني[/poem]







      @Marzouq_MHD
      [/align]

      تعليق

      • معلا إبراهيم الأسعدي
        شــــاعر نظــم
        • Feb 2007
        • 1405

        #4
        مبدع
        قصيده رائعه تشكر عليها

        تعليق

        • بدرالهبيري
          شـــاعــر
          • Jul 2007
          • 370

          #5
          [align=center]الاخ عبد الله الجذع لاهنت ومشكور
          على حضورك وصح بدنك والجزل ردك
          تشرفت بحضورك يالغالي ..
          تحياتي وتقديري .. بدرعيد ..
          [/align]

          تعليق

          • أبو نجر النفيعي
            مشرف سابق
            • Jun 2006
            • 6683

            #6
            ..
            صح لسانك يابو عيد على هالقصيده الوافيه
            وبيض الله وجهك .. ..

            وفي انتظار جديدك ..

            ..



            أخوك
            .....




            تعليق

            • بدرالهبيري
              شـــاعــر
              • Jul 2007
              • 370

              #7
              [align=center]الشاعر الجزل الاخ العزيز على قلبي جدا ً
              مرزوق حمدان ياهلا والله وغلا وتشرفت بك
              وحضورك اعتبره شرف لي ويعتبر شرف
              لكل راعي عرف يالغالي وصح بدنك ..
              تحياتي وتقديري .. بدرعيد ..
              [/align]
              تم التعديل الأخير بواسطة بدرالهبيري؛ 17-Mar-2008, 06:03 PM.

              تعليق

              • بدرالهبيري
                شـــاعــر
                • Jul 2007
                • 370

                #8
                [align=center]الشاعر شامان الاسعدي حياك الله
                ومشكور على الحضور الرائع ....
                تحياتي وتقديري .. بدرعيد ..
                [/align]

                تعليق

                العمل...