هيلاً..علىآ.كَسْبْ.النوٍآميـ‘س.تجتآآح,,

طي
X
 
  • التوقيت
  • إظهار
مسح الكل
المشاركات الجديدة
  • الغضباني
    عضو نشيط
    • Nov 2006
    • 69

    #1

    هيلاً..علىآ.كَسْبْ.النوٍآميـ‘س.تجتآآح,,

    السلام عليكم ورحمة الله وبركاته

    الاعزاء اعضاء وزوار منتدى قبيلة عتيبه مساء الخير

    اليكم هذه الابيات المعبره عن نفسها ارجو قبولها

    وهي للشاعر/شجاع المشدق الغضباني


    مــاوالله ادلــه وافـقـد الـهـم وارتــاح
    وترزم بكار الفكـر واهتـاض واروق
    الا لـيـا عقـبـت (شـقـراء) ب مــرواح
    وجه طريقي غـرب ومسنـد (ن) فـوق
    ودخلت فـي ديـرة كساسيـب الامـداح
    بـرقـا جنـوبـيّ وشمـالـي بـنــي روق
    ربع(ن) علمهم في سماء المجد ماطاح
    ومكانـهـم فــي قـمـة الـعـز مـرمـوق
    هيـلاً علـى كسـب النواميـس تجـتـاح
    ذبـاحـة الـحـايـل وللمـعـتـدي عـــوق
    الـكــل مـنـهـم للـمـواجـيـب نــطــاح
    رجالهـم ف الطيـب ماهـوب مسبـوق
    العـرف يلبـس (سلمهـم) تـاج ووشـاح
    شيـمـه وتقـديـر ومعـاديـل وحـقــوق
    ودخيلهـم عــن صــدره الـهـم يـنـزاح
    ف وجيههم محمي ومعفـى ومطلـوق
    وان دق زير المعركـه والنـذر صـاح
    وجاء لشهـب البـارود رعـاد وبـروق
    حريبـهـم زاد (ابومـخـلاب وجـنــاح)
    وذيب(ن) يجر عواه فـي كـل شاهـوق
    وان عوّدت منع ومعـه عفـو وصـلاح
    كـم مـن حـريـب(ن) فــك لله معـتـوق.
    مـن الحجـاز ضعونهـم جـات طـفـاح
    يبـون نجـد ونـجـد غـالـي ومعـشـوق
    ولا جـاء ياكـود الا بعـد بـيـع الارواح
    وطـراد ومنـاوخ ولاحــق وملـحـوق
    حتـى ربحناهـا وهـي خيـر الاربــاح
    نجـد النفاهـه والـعـذاء مـرتـع الـنـوق
    من عهـد ابـن هنـدي ومسلـط وسـداح
    لعيونهـا كـم عـمـر شغـمـوم مسـيـوق
    حامينـهـا بخـيـول وسـيـوف ورمــاح
    يوم السنيـن الشهـب والغـدر والبـوق
    احـبـهـا والــحــب لـلـســر فــضــاح
    الحـب هـو الـدافـع مـحـرك الـشـوق
    مـدري هـي المربـى كمـا قـيـل ذبــاح
    والا انهـا تفـرق عــن الغـيـر بـفـروق
    (ارموثهـا) ف عيونـي اشـجـار تـفـاح
    وترابـهـا لـولـو ويـاقـوت مـسـحـوق
    ونفحـة هواهـا مـع ذعاذيـع الاريــاح
    جاوي وكمبودي على الجمر محروق
    وان بكـر الوسمـي وبـرق الحـيـا لاح
    ولابـه مسيـل الا مـن السيـل مشقـوق
    ثـم اكتسـى نبـتـه وريــح النـفـل فــاح
    وصار الزهر مع كل الاكمـام مفتـوق
    وراح العبـل والـعـرق بسـتـان فــلاح
    متشابـك(ن) ربـلـه وقفـعـا ورقــروق
    يطيـب كيـف الـلـي لـلـذواد مـصـلاح
    عشاقـهـا لــو يـدفـع الـطـاق مطـبـوق
    فـي كـل ليـلـه ولــه مـنـزال ومــراح
    فـي حبهـا لاهـي ومـغـرم ومطـفـوق
    لاجر صوته جت على الصوت طياح
    صوتـه يشـوق ودرهمـة ذوده تشـوق
    وليا ارزمـت حولـه مصاغيـر ولقـاح
    كنـه يديـر البورصـه داخــل الـسـوق
    يعيـش عمـره فـي مسـرات وافــراح
    والله هـو الــرزاق والعـبـد مــرزوق


    وسلامتكم
    تم التعديل الأخير بواسطة الغضباني؛ 03-Mar-2008, 02:32 PM.
  • الصف الواحد
    عضو فعال
    • Oct 2007
    • 185

    #2
    [align=center]صح لسانك ولسانه وبيض الله وجه وجهك

    عزالله انه شاعر


    هذا هو الشعر


    ياقوم ياشاعر المليييييييييييييييون



    طلب مع حبة خشم: ياليت تعطينا قصايد كثيره من قصايد هذا الشاعر

    تحياتي[/align]

    تعليق

    • عبدالرحمن الهيلوم
      عضو
      • Apr 2007
      • 21232

      #3
      صح السانه ومشكووووووووووووور يالغالي

      تعليق

      • محب الهيلا
        عضو ممـــيز
        • Nov 2007
        • 20292

        #4
        [align=center]صح لسان الشاعر

        مشكور وماقصرت
        [/align]

        تعليق

        • عبدالله الجـــذع
          مشرف منتدى قصه وقصيده
          • Sep 2007
          • 8093

          #5
          بيض الله وجهه ووجهك ..

          وصح لسانه..
          قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


          .
          قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
          فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

          .

          موقع يضم جميع القراء


          هنا

          تعليق

          • الغضباني
            عضو نشيط
            • Nov 2006
            • 69

            #6
            صح ابدانكم

            جميعا

            ومنورين الصفحـــه

            وابشر بسعدك [الصف الواحد]

            تحياتي

            الغضبآآني

            تعليق

            • معجب العتيبي

              مشرف منتدى المحاوره

              المحاولات الشعرية

              • Dec 2004
              • 8175

              #7
              الغضباني

              شكرا على ماقدمت وصح لسانك


              قصيده رائعه تستحق القراءه اكثر من مره

              تعليق

              • الغضباني
                عضو نشيط
                • Nov 2006
                • 69

                #8
                معجب العتيبي


                صح بدنكـ

                وشاكر لك هالمرور الطيب

                تعليق

                • مرزوق حمدان العتيبي
                  مشـرف عام
                  • Nov 2003
                  • 20403

                  #9
                  ..
                  .
                  صح لسانك .. وبيض الله وجهك
                  ...
                  [align=center]
                  [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                  فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
                  حط حبه في كياني ماتغيّره السنيني = وانثني من دون عرضه بالذراع وباللساني[/poem]







                  @Marzouq_MHD
                  [/align]

                  تعليق

                  • الغضباني
                    عضو نشيط
                    • Nov 2006
                    • 69

                    #10
                    صح بدنك

                    ومنور الصفحه يابو حمدان

                    تعليق

                    • فهيد مقعد الرويس
                      شـــاعــر
                      • Sep 2005
                      • 2284

                      #11
                      بـرقـا جنـوبـيّ وشمـالـي بـنــي روق
                      ربع(ن) علمهم في سماء المجد ماطاح
                      ومكانـهـم فــي قـمـة الـعـز مـرمـوق
                      هيـلاً علـى كسـب النواميـس تجـتـاح
                      ذبـاحـة الـحـايـل وللمـعـتـدي عـــوق
                      الـكــل مـنـهـم للـمـواجـيـب نــطــاح
                      رجالهـم ف الطيـب ماهـوب مسبـوق
                      العـرف يلبـس (سلمهـم) تـاج ووشـاح

                      الغضباني

                      صح السانك

                      مدد بلا عدد

                      ابداع وجزاله لاهنت

                      تقبل تحيتي وتقديري
                      تم التعديل الأخير بواسطة فهيد مقعد الرويس؛ 01-May-2008, 04:37 PM.

                      تعليق

                      • علم
                        عضو
                        • Mar 2008
                        • 20

                        #12
                        صح لسان الشاعر ونتمنى العديد من قصايده


                        ماشاءلله

                        تعليق

                        • فهد العطاوي555
                          عضو ماسي
                          • Jul 2008
                          • 533

                          #13
                          بارك الله بك , شكراً أخي الكريم

                          تعليق

                          العمل...