هـــــــاض الظمـــــــــير ((جديدة))

طي
X
 
  • التوقيت
  • إظهار
مسح الكل
المشاركات الجديدة
  • شبيب شافي الملعبي
    عضو ماسي
    • Sep 2007
    • 472

    #1

    هـــــــاض الظمـــــــــير ((جديدة))

    أضع بين أيديكم هذ القصيدة تسافر في بحر الخيال
    بلا ربان وتعود بالماضي وتشبيه الوجود في حنينة ومأساتة الدنيوية
    عسى ان تنال على أعجابكم

    [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

    هاض الظمير اللي يجر التفاكير = يوم أستوت لة فكرتة مافهقها
    يجرها جر الرشا من على البير = يوم أعتلق بأقصى المحالة شنقها
    وأنزم حبله وأقطعتة الشناتير = يوم المحالة في حبالة نتقها
    دلوه قصير وعقبوه المصادير = في نقرتن قفرن تحترش سلقها
    في خايعن فيه الذيابة محادير = ماكن فيه الناس ربي خلقها
    ماحولة الا صوت شهب الزرازير = وسود الجبال اللي صداها صهقها
    من العطش كبدة على صالي الكير = زفيرها متخالطن مع شهقها
    ورجليه من حر الرمض شلها السير = تعرق على اليبدا وينشف عرقها
    وضاعت علومة وأخلفوه المداوير = اللي عقب ماصدر الماء لحقها
    وأمسى علية الليل من غير تيسير = يتنى تباشير الولي لاوثقها
    عطشن معاليقة .. عيونة مساهير = ويديه ماداوى زهابة شققها
    وقاموا على شفة تدور المناعير = كلن يقول أن شاشت الخيل سقها
    فوق الاصايل روحوا حزة عصير = تترز محازمها الوسيعة تفقها
    وتفرقوا بأمر العويدي زنيهير = من يوم كلمة دورولة نطقها
    أحدن شمال القوع غربن من الدير = وأحدن جنوب الجمع يدرق درقها
    وجابوة من فوق النعش بالتحاسير = عادت لهم دنيا الحسايف محقها
    وأستقبلوه الجمع رعيان وأمير = والصبح عدوا للجنازة خرقها
    وصلوا على الجثمان بآيات تذكير = قبل مغيب الشمس يبدي شفقها
    وحطوه في قبرن عساه الشخاتير = من مزنتن تحيي الشجر مع ورقها
    وأنا سبايب حب سيد الغنادير = اللي عن الخفرات ربي فرقها
    قامت على نفسي همومي طوابير = ومرن سبا عوج الضلوع وفتقها
    وسقمن ليا جاني تجيني حواشير = لولا الدعاوي كان روحي خنقها
    أضيق لة وأنوح وأحن وأغير = وأشفق وتاني خطوتة لاطرقها
    لاشفت زولة شفت بيض التباشير = وأن راح روحي من ضلوعي سرقها
    والعين في طرياه تاخذ مشاوير = يسحب نظرها والجفون يحرقها
    عيني معي لاشك نظراتها غير = حتى على حلو الكرا ماعتقها
    تبغى المنام ولا بغته المقادير = طاريه لو تسبق مجية سبقها
    يلعب بها لعب الورق في المعاصير = وأن غمضت بتلا الطواري صفقها
    وأن قلت ياعين الشقى عييني خير = كني على سقم العنا مغتبقها
    هذة سنة وأنا أنشد الناس وأشير = وأصارع بحور الزمن وأحدقها
    ولاخذت مطلوبي ولانلت تفسير = ولاذقت ميرادي ولاقال ذقها
    دنيا(ن) خسرت بها كثير المخاسير = رشت على ريح السعادة صنقها
    ومن خانتة دنياه شاف التعازير = تصبح على رجواه طرما وصقها
    يشيب في عزة وهو توه صغير = لو عارض اللحية بموسة حلقها
    منها فنا العباس وكليب والزير = والعامري يومن ليلى عشقها
    والامر عند اللة حسين التدابير = اللي جميع الخلق بأمرة رزقها [/poem]


    شبيب شافي الملعبي
  • ابو عطاء الله
    عضو فعال
    • Feb 2008
    • 113

    #2
    صح السانك يا اخوي

    تعليق

    • عبدالرحمن الهيلوم
      عضو
      • Apr 2007
      • 21232

      #3
      صح السانك يالعازمي

      تعليق

      • شبيب شافي الملعبي
        عضو ماسي
        • Sep 2007
        • 472

        #4
        أبو عطاللة مرورك اسعدني وصح ابدانك

        تعليق

        • هيض القصيد
          عضو فعال
          • Dec 2007
          • 163

          #5
          هذة سنة وأنا أنشد النـاس وأشيـروأصارع بحـور الزمـن وأحدقهـا
          ولاخذت مطلوبي ولانلـت تفسيـرولاذقـت ميـرادي ولاقـال ذقهـا


          بيض الله وجهك

          تعليق

          • معجب العتيبي

            مشرف منتدى المحاوره

            المحاولات الشعرية

            • Dec 2004
            • 8175

            #6
            قصيده رائعه من شاعر رائع ومدع

            صح لسانك

            تعليق

            • الحربي احمد
              عضو
              • Nov 2007
              • 18

              #7
              [align=center]الغالي شبيب


              صح السانك


              لله درك ابداع وامتاع



              كل الود لك.......[/align]

              تعليق

              • شبيب شافي الملعبي
                عضو ماسي
                • Sep 2007
                • 472

                #8
                عبدالرحمن الهيلوم لاهنت على المرور ياغالي

                تعليق

                • خالد بن ضمين
                  عضو نشيط
                  • Sep 2007
                  • 86

                  #9
                  صح لسانك ولا هنت يالغالي

                  تعليق

                  • شبيب شافي الملعبي
                    عضو ماسي
                    • Sep 2007
                    • 472

                    #10
                    لاهنتوا على المرور وصحت ابدانكم جميعا

                    تعليق

                    • شوردي العتيبي
                      عضو ماسي
                      • Jun 2007
                      • 424

                      #11
                      صح لسانك وبيض الله وجهك يالغالي

                      تعليق

                      العمل...