يومي برأسه مثل رأس الشاه!!!!!!!!!!!!!!!!!!!!!

طي
X
 
  • التوقيت
  • إظهار
مسح الكل
المشاركات الجديدة
  • وصل العطياني؟؟؟
    مشرف عام
    • Jul 2003
    • 3809

    #1

    يومي برأسه مثل رأس الشاه!!!!!!!!!!!!!!!!!!!!!

    [poet font="Simplified Arabic,4,black,normal,normal" bkcolor="silver" bkimage="" border="none,4,gray" type=0 line=200% align=center use=ex length=0 char="" num="0,black" filter=" dropshadow(color=teal,offx=2,offy=2)"]
    الرجاء قراءتها كاملة للفائدة
    [/poet]


    [poet font="Simplified Arabic,4,black,normal,normal" bkcolor="transparent" bkimage="backgrounds/11.gif" border="ridge,6,teal" type=2 line=200% align=center use=ex length=0 char="" num="0,black" filter=""]
    يالله يا معبود ياراعي الفرج=تفرج لعبدٍ يطلبك يالله
    يرفع يداه ويطلبك وأنت خالقه=وإلا لغيرك ما يمد يداه
    يطلبك من فضلك وجودك ومدك=وتكون في عونه على دنياه
    دنيا العنا اللي ماعرفنا طبوعها=تبرم مثل ما تبرم الرحاه
    ناسٍ تجيهم مقبلة تبتسم لهم=يهنون بالبنين والرفاه
    وناسٍ تلقيهم عوارض كتوفها=وتحط فيهم غير حق الله
    والعدل من رب الملأ خالق الملأ=الواحد اللي لا إله سواه
    وإلا الزمن قامت تغير طبايعه=ماينعرف جوده ولا رداه
    وقتٍ تغير والأوادم تغيروا=شيٍ يشيب رمش من يراه
    اللي منول كلمته دوب تطلع=ينشب لسانه في طرف جماه
    جاله لسان وصار كل ٍ يهابه=وأصبح جري وابوك من جراه
    واللي منول يطلب الناس عطفهم=صار يتكبر بعد رزق الله
    حتى السلام الشرعي أزرى يرده=وأصابه الغرور لنا الله
    والطيّب الخيّر يذلون جانبه=والنذل كل من قابله حياه
    وعلوم ما تحصى على شأن أعدها=الله يكافي وقتنا هذاه
    مدري عن العربان لكن أقول أنا=أشوف جاء في الوقت ماكفاه
    أظن في إحساس زايد عن البشر=والأدمي ماينعلم خفاه
    لا مادحٍ نفسي ولا أهضم حقوقها=عشت متواضع والثنا لله
    اللي يصافيني على الطيب والوفاء=راع الوفاء يلقى مثل وفاه
    يمناي للي مد يمناه ليّه=ويسراي للي مد لي يسراه
    وراع القشر لو أنه أقرب قرايبي=ماأجي لا من دونه ولا وراه
    ماني بمحتاجه ولا هو فحاجتي=لو مافالأرض يكود أنا وإياه
    ماني بمحتاجه لحيث إن مامعه=إلا القشر وأنا القشر ما أبغاه
    ولا هو يبغاني لحيث إن مامعي=إلا الوفاء مير الوفاء يعضاه
    لكن حظي معه سقمٍ ملابطه=أرجي من الله الكريم شفاه
    والحظ ليا عاكس وقام يتعثر=وجهه يجيك اخسّ من قفاه
    واللي يجي من خالقي مرحبابه=راضي بحكمه جل في علاه
    لكن انا عندي نصايح كتبتها=والحر حرّ ولا يريد وصاه
    أول نصيحة ودي اقولها لكم=الدين حيث انه هو النجاه
    والحرص على الدين وصى به النبي=وجا في الحديث اللي فيما معناه
    ان البنادم في نهار القيامة=اول مايتحاسب على الصلاه
    ليا صلحت فقد صلح ساير العمل=للجنة وياهنيّه هنياه
    وليا بطلت يقعد في مقعاده الذري=فالنار يصلاها وهي تصلاه
    وان الفتى يسأل نهار التلاقي=عن عمره الفايت فيم أفناه؟
    وزهرة شباب العمر مسؤول عنها=يقال شبابه فيم أبلاه؟
    والمال يسأل عنه من وين مصدره=من وين مكتسبه ووين أغداه؟
    يالله تحت عطفك ولطفك ورحمتك=يامن ندور طاعته ورضاه
    نطلبك تعتقنا وتعتق رقابنا=من الجحيم ولا توصلناه
    والرجل فالدنيا يحسّن علاقته=لاينشغل بأعراض خلق الله
    يمشي على دربه ولن شاف مبتلى=يتحمد الله الذي عافاه
    ويكون مع ربعه على اللين والقسى=والمسعد اللي ماتقل عزاه
    سيفٍ بدون نصاب مايلطم العدى=ولا يارد الظامي بغير رشاه
    وقد قيل كفٍ واحدة ماتصفق=وعزي لمن هو تنشقر عصاه
    والمرجلة تبغى غلامٍ صميدع=مع دربها يحفي بطن رجلاه
    من لا يغبر شاربه مايدسمه=عزي لمن يمشي يعد خطاه
    والرجل له شيمه وقيمة ومذهب=لو الزمن ماجاء على هواه
    ويحكم على الرجال من حيث فعله=وإلا الحلى والزين للفتاه
    والرجل من عاداته الجود والكرم=يضيّف يكيّف ليا احدٍ جاه
    الضيف له واجب يبى من يكمله=يقطع بخيلٍ شح من عشاه
    وأنصحك يارجلٍ تبى تزرع الذرى=كلٍ يقول الحب تبع ذراه
    تنبّه وخذ حذرك من اللاش والردي=ترى الردي ما تنوخذ عذراه
    يجي ولدها هبلةٍ ماينومس=مبدول والدرعة على علباه
    لا رأي يفتل به ولارأي ينقضه=يومي برأسه مثل رأس الشاه
    تعلمه تسعة وتسعين مرة=وكمالة الميّة يقول لك هااااااه
    الله لا يجزاك بالخير يالذي=ولدك ماعمقت له مجناه
    الخال والد مثل ما قالوا العرب=يقعد لبنيخيه فالمثناه
    لن كان وإنه شيخ أبشرك بالسعد=يجي ولدك المحترم كماه
    يكود ماللي مصلح الناس مصلحه=ينحى المسيل وشرهته علاه
    عبّرت على قد عرفي ونظرتي=وبقدر ماشاهدت فالحياه
    عشرين عام سنيني اللي قضيتها=مرت وطافت وأمرنا لله
    واللي بقي من عمري الله يعلمه=ما أعلم عليه العلم عند الله
    وأنا ما أقول العرف ملكي لوحدي=العرف موهبةٍ من الإله
    مجزاي أخذته والبقية من العرب=يسدني مجزاي عن مجزاه
    والعارفة رجلٍ وسيع البنايد=لن عمست الإرياء تصيب إرياه
    يفتل , وينقض, يعطي الرأي, يأخذه=وكل علمٍ يوصله منهاه
    مثل البحر ما كل رجال يسبحه=ومثل الجبل عسرٍ لمن يرقاه
    وفي سابق الأيام عوارف العرب=كانوا يقولون إلهم القضاه
    واللي يعاكسهم يسمونه اللوي=اللي يحسب العلم علج لحاه
    ما تقنعه لو كان حاولت تقنعه=يبغى الامور تسير منه إلياه
    دايم يشوف انه على الحق والسنع=لو إن ميه فالميه خطاه
    ما اقول غير اللهم لا شماته=والله لايبلانا بما بلاه
    واللي كلامي معجبه لا يضيعه=يطبق النصايح المهداه
    واللي كلامي مادخل في مزاجه=يضرب براسه في ضهر حصاااه!!!!!
    [/poet]





    وسلاااااااااامتكم
    [align=center][/align]




    [align=center][move=right]na111na@hotmail.com[/move][/align]
  • نهيان الحمادي
    عضو ماسي
    • Jul 2003
    • 677

    #2
    وصل دايم و كعادنك واصل القصيد الجزال
    و تختار من الجميل اجمله .
    صح لسانك

    تعليق

    • ناصر العصيمي
      عضو ممـــيز
      • Apr 2003
      • 5301

      #3
      عزيزي وصل

      بعد التحيه

      المبدع دائماً مبدع

      يعطيك العافيه على مكتبت

      وصح لسانك

      تعليق

      • خالدالعصيمي
        عضو ماسي
        • Aug 2003
        • 688

        #4
        بيض الله وجهك اخوي وصل
        وفيت وكفيت
        اشهدانها وافيه ياوافي الاصل
        وشي ليس بمستغرب



        تمنياتي لك بالتوفيق الدايم

        اخوك خالد العصيمي

        تعليق

        • ابن جدعــان
          عضو ذهبي
          • Mar 2003
          • 362

          #5
          اخوي وصل

          بيض الله وجهك

          وصح لسانك.

          تعليق

          • وصل العطياني؟؟؟
            مشرف عام
            • Jul 2003
            • 3809

            #6
            سحاب نجد

            صح بدنك

            وأشكر لك ثناءك



            تحياااااااااااااااتي
            [align=center][/align]




            [align=center][move=right]na111na@hotmail.com[/move][/align]

            تعليق

            • وصل العطياني؟؟؟
              مشرف عام
              • Jul 2003
              • 3809

              #7
              ناصر العصيمي

              صح بدنك وسر خاطري مرورك وردك الكريم
              [align=center][/align]




              [align=center][move=right]na111na@hotmail.com[/move][/align]

              تعليق

              • وصل العطياني؟؟؟
                مشرف عام
                • Jul 2003
                • 3809

                #8
                خالدالعصيمي

                وجهك أبيض

                وأشكرك على شهادتك ولا عليك زود




                تحياااااااااااااااااتي
                [align=center][/align]




                [align=center][move=right]na111na@hotmail.com[/move][/align]

                تعليق

                • وصل العطياني؟؟؟
                  مشرف عام
                  • Jul 2003
                  • 3809

                  #9
                  ابن جدعــان


                  صح بدنك


                  ووجهك أبيض




                  تحياااااااااااااااتي
                  [align=center][/align]




                  [align=center][move=right]na111na@hotmail.com[/move][/align]

                  تعليق

                  • طلال الثعلي
                    مشرف سابق
                    • Sep 2003
                    • 828

                    #10
                    وصل العطياني
                    مشكور وما قصرت

                    وصح لسانك..

                    اخوك طلال

                    تعليق

                    • ذياب المرشدي
                      عضو فضي
                      • Aug 2003
                      • 238

                      #11
                      بيض الله وجهك

                      يالعطياني عز الله انك عودتنا على القصايد الجزله

                      والله يعافيك ويطول بعمرك

                      وتقبل مني التحيه والاحترام

                      تعليق

                      • ابو فراس
                        مراقب سابق
                        • Jun 2003
                        • 1421

                        #12
                        صح لسانك يا وصل على هالقصيده الجزله



                        تحياتي

                        تعليق

                        • ابن مشيب
                          إدارة أقسام القبيلة
                          • Nov 2002
                          • 9791

                          #13
                          تـنـبّـه وخــذ حــذرك مــن الــلاش iiوالــردي
                          ..................تـــرى الـــردي مــــا تـنــوخــذ iiعـــذراه
                          يـجــي ولــدهــا هـبــلــةٍ iiمـــــــــايـنــومــس
                          ..................مــبــــــدول والــدرعــة عــلــى عــلــبــاه
                          لا رأي يـفــتــل بــــــه ولارأي iiيـنــقــضــه
                          .................يــومــي بــرأســه مــثــل رأس iiالــشــاه
                          تـعـلـمــه تـســعــة وتـسـعــيــن مـــــــــــرة
                          ................وكـمـالــة الـمـيّــة يـقــــول لــك هـــااااااه

                          عز الله انك عرفت تصور بناخي الرديان في هالبيات الرائعة , قال الشاعر:
                          لاتاخذ الى بنت قوماً حميدة...............حتى الولد منها يجيب الحمايد

                          وصح السانك ياخوي وصل العطياني؟؟؟ , وعزالله انها قصيدة اكثر من رائعة , وقمة في الجزاله , وهذا ماعودتنا عليه يابن العم.

                          تعليق

                          • وصل العطياني؟؟؟
                            مشرف عام
                            • Jul 2003
                            • 3809

                            #14
                            طلال الثعلي


                            صح بدنك يابن ثعلي


                            أنت يوم تمر على القصيدة أونس العافية!!!



                            يا بعد حيي


                            مرورك أحلى من عد مقيد


                            تحياااااااااااتي
                            [align=center][/align]




                            [align=center][move=right]na111na@hotmail.com[/move][/align]

                            تعليق

                            • الصبيحي
                              عضو نشيط
                              • Jul 2003
                              • 35

                              #15
                              أخوي وصــــــــــــــــــــل

                              بيــــــــض الله وجهــــــــــــــــــك



                              تعودنا منـــــــــــــــك الإبـــــداع دائمــــــا

                              وأصبـــــــــح ملازما لقصــــــائدك الجميــــــــــــــلة


                              تحياتـــــــــــــــــــي

                              تعليق

                              العمل...