عندي نصيحه في بيوتٍ مقفاه

طي
X
 
  • التوقيت
  • إظهار
مسح الكل
المشاركات الجديدة
  • الشامخ.العتيبي
    عضو فضي
    • Dec 2007
    • 250

    #1

    عندي نصيحه في بيوتٍ مقفاه

    [poem=font="Tahoma,4,orange,bold,normal" bkcolor="darkred" bkimage="" border="outset,10,orange" type=2 line=0 align=center use=ex num="0,black"]
    قرب لي الفنجال والكيف صبه=عندي نصيحه في بيوتٍ مقفاه
    الجاهل اللي ما نشد عنك كبه=خله يروح بسكته لا تحراه
    إن ما مدحته فالقفا لا تسبه=هرج القفا مذموم لو زان مرماه
    ماهو على شانه على شان ربه=اللي جميع الناس تركع وتخشاه
    تراك منت بـ مقنعٍ من تحبه=لو كان تاصل عند بابه ترجاه
    واللي ينزل لحيته للمكبه=ينفض غبار الذل عنها بيسراه
    وسوق الردا ياذيب حذرا تطبه=يفرح عدوك بالخبر يوم يلقاه
    وترى الفتى قلبه سوات المنبه=اذا غفى في وقت جاء وقت نباه
    وكان الفتى للعلم مالد لبه=ترى النصايح والمعاني تعداه
    وهرج الردا ياذيب لا تنكبه=يجيك ميسم ماتحمّل كواياه
    والناس فيهم بالرجّال امتشبه=يبا يسوي مثلهم مير ممداه
    ياراعي المشعاب لا تنضربه=من لا يحسب الناس فالدرب تاطاه
    ياغافل افطن لاتحول بغبه=من لا يحسّب عالي الموج يغشاه
    خلك سوات الذيب والريع ذبه=العاقل اللي ينتبه وين ممشاه
    العقل زينه والوفا فيك ربه=ترى حلات الرجل عقله ويمناه
    وإذا سمعت آذان مولاك لبه=الضايع اللي ضاع دينه ودنياه
    كم واحد الشيطان قبلك لعبه=لو لحيته شبرين ضايع بعمياه
    والأحمق اللي مالقى الطـب طبـه=بيـن الوهـم والـهـم ماحـصّـل ادوه
    فتح عيونك للطريق ومطبه=لا تسلك إلاّ درب تعرف خفاياه
    وإن كان ماجاك الولد في مشبه=لاشاب مايلحق على العز وابناه
    العز وصفه معتلي فوق تبه=يبا الصبر والباس من شان ترقاه
    والجو لوهو زان لك في مهبه=ماهو بدايم لك على ماتمناه
    قولي وعلمي من على راس قبه=شامخ شموخ طويق من عز مولاه
    وكان الفتى للعلم مالد لبه=ترى النصايح والمعاني تعداه[/poem]

    وسلامتكم

    [align=left]الشامخ.العتيبي[/align]
  • معلا إبراهيم الأسعدي
    شــــاعر نظــم
    • Feb 2007
    • 1405

    #2
    بيض الله وجهك قصيده شامخه كا شموخ راعيها

    جزاله في الكلام وضوح في النصح والتشبيه

    تقبل مروري اخوك

    تعليق

    • الشامخ.العتيبي
      عضو فضي
      • Dec 2007
      • 250

      #3
      تم النشر في الأصل بواسطة شامان الاسعدي عرض المشاركة
      بيض الله وجهك قصيده شامخه كا شموخ راعيها

      جزاله في الكلام وضوح في النصح والتشبيه

      تقبل مروري اخوك
      حيّاك الله وياهلا بالأخ شامان
      صح بدنك والله يعطيك العافية
      جزيل الشكر لك على هذا الإطراء

      ويامرحبا فيك

      تعليق

      • وصل العطياني؟؟؟
        مشرف عام
        • Jul 2003
        • 3809

        #4


        اللي ينزل لحيته للمكبة .. ينفض غبار الذل عنها بيسراه


        يا شيخ انت مبدع بمعنى الكلمة ...

        وصح لســـااااانك لين ترضى ..

        قصيدة إذا قالوا قصيدة فهذه هي القصيدة صح ...

        لله درّك...



        تحيااااااااتي .
        [align=center][/align]




        [align=center][move=right]na111na@hotmail.com[/move][/align]

        تعليق

        • الشامخ.العتيبي
          عضو فضي
          • Dec 2007
          • 250

          #5
          تم النشر في الأصل بواسطة وصل العطياني؟؟؟ عرض المشاركة


          اللي ينزل لحيته للمكبة .. ينفض غبار الذل عنها بيسراه


          يا شيخ انت مبدع بمعنى الكلمة ...

          وصح لســـااااانك لين ترضى ..

          قصيدة إذا قالوا قصيدة فهذه هي القصيدة صح ...

          لله درّك...



          تحيااااااااتي .
          أخي واستاذي وصل العطياني
          مثلك لو ينتقد القصيدة فالقصيدة تكون قد وصلت لأعلى مراتب الشرف
          فما بالك وأنت تمتدحها

          أشكرك أخي وصل جزيل الشكر على هذا التشريف

          تعليق

          • زيزوم مدركه
            شـــاعــر
            • Sep 2007
            • 351

            #6
            الشامخ

            انت اسم على مسمى


            شمخت بقصيدتك الى قمم الابداع

            تعليق

            • الشامخ.العتيبي
              عضو فضي
              • Dec 2007
              • 250

              #7
              تم النشر في الأصل بواسطة زيزوم مدركه عرض المشاركة
              الشامخ

              انت اسم على مسمى


              شمخت بقصيدتك الى قمم الابداع
              ماعليك زود يازيزوم مدركه
              وجزيل الشكر لك على تشريفك وإطراءك
              وحيّاك الله ويامرحبا فيك

              تعليق

              • مرزوق حمدان العتيبي
                مشـرف عام
                • Nov 2003
                • 20403

                #8
                ..
                .
                صح لسانك ... وبيض الله وجهك ...
                ..
                [align=center]
                [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
                حط حبه في كياني ماتغيّره السنيني = وانثني من دون عرضه بالذراع وباللساني[/poem]







                @Marzouq_MHD
                [/align]

                تعليق

                • الشامخ.العتيبي
                  عضو فضي
                  • Dec 2007
                  • 250

                  #9
                  تم النشر في الأصل بواسطة مرزوق حمدان العتيبي عرض المشاركة
                  ..
                  .
                  صح لسانك ... وبيض الله وجهك ...
                  ..
                  صح بدنك ووجهك أبيض دايم الدوم
                  والله لا يهينك يابو حمدان

                  تحياتي لك

                  تعليق

                  • الدندون
                    عضو
                    • Oct 2006
                    • 23

                    #10

                    تعليق

                    • الدندون
                      عضو
                      • Oct 2006
                      • 23

                      #11
                      ﻻعاد تسرق القصيد الله يصلحك وتنسبه لنفسك
                      يالشامخ عيب والله عيب

                      تعليق

                      العمل...