هـذا انـا يـا ناقشـات الأيــادي..؟؟

طي
X
 
  • التوقيت
  • إظهار
مسح الكل
المشاركات الجديدة
  • *النجـــــم*
    عضو ذهبي
    • Jul 2007
    • 308

    #1

    هـذا انـا يـا ناقشـات الأيــادي..؟؟

    أطرح بين أيديكم هذه المتواضعة

    أرجو أن تنال إستحسانكم ورضاكم
    [poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,7,sandybrown" type=2 line=0 align=center use=ex num="0,black"]
    حكم علـي العقـل واوثـق قيـادي=يحسب عليه كـل خطـوة بمقيـاس
    بنى مـن الأحـلام سجـن انفـرادي=واقام لي سجان مـا يعـرف اليـاس
    أتعبـت نفسـي بالكبـر والعـنـادي=لين اصبحت مثل الجمر بعد الاقبـاس
    واحترت ما بين الصبـا والرشـادي=مثل الصويب الّـي ينـازع للانفـاس
    لأجل الهوى كرهـت شربـي وزادي=كني سواة البـن يحمـس بمحمـاس
    وأخــاف لاســري يفجـرفـؤادي=ويشيع مكنون الضمائر مـع النـاس
    وأغدي حديث الخلق رائـح وغـادي=مثل اللبان الّي غدابيـن الأضـراس
    فيما مضى ما كان سهـل(ن) قيـادي=طول السنين الماضيه رافـع الـراس
    ولااحد(ن) كتب اسمي بصفحة سوادي=ولا اخذت لي من سفلة القوم جـلاّس
    أنـا عتيبـي(ن) بوسـق الشـدادي=ليا تنـادوا باللقـا فـوق الافـراس
    هـذا انـا مـن قادحيـن الـزنـادي=من مشعلين النار في روس الاطعاس
    هـذا انـا يـا ناقشـات الأيــادي=يلي لكم في خافق القلـب هوجـاس
    هـذا انـا يـا بـارزات النـهـادي=يا مشغلات قلوبنـا عـذب الاونـاس
    هـذا انــا يالابـسـات الـقـلادي=مانـي بـلا خبـل ولانـي بحـلاّس
    همست همـس الـود مانـي منـادي=خائف يعـرف بقصـة الـود بـلاّس
    خوفي مـن الشمّـات قلـل رقـادي=أسهر طوال الليـل والخلـق نعّـاس
    مدري غصب والالهاالوقـت جـادي=ياعزمني طيـب العـرق والسـا س
    يلـي مثـل ذوب النحـل بالزبـادي=وأطيب من الريحان لن هب نسنـاس
    قصـة هوانـا فــل ورد وكــادي=زرعتهـا بالقلـب باعـز مـغـراس
    وإن كان قام الحض زان الحصـادي=واخضرت الاغصان من بعدالايبـاس
    أرسلت مرسالي ولـن كـان عـادي=جاني بجواب الّي لها القلب حسـاس
    ولابـد مـن علـم يجينـا وكــادي=امـا علـن والا رسالـة بقرطـاس
    وإن كان ما جاني خبـر واعتمـادي=ارسلـت للبلـدان مليـون عسـاس
    مانـي بتـارك بالبسيطـة بــلادي=إلاتنشـدت أهلهـا وكـل الأجنـاس
    لعـل منهـم مـن يحقـق مــرادي=ويدلني على الذهب جوهـر المـاس
    ولالـي مـلاذ الا الصبـر لـو زادي=ولابد بعـد العقـد تنحـل الامـراس [/poem]
  • زيزوم مدركه
    شـــاعــر
    • Sep 2007
    • 351

    #2
    النجم
    صح لسانك على هالرائعه

    تقبل مروري

    تعليق

    • عبدالرحمن الهيلوم
      عضو
      • Apr 2007
      • 21232

      #3
      [blink]((((((النجــــــــــــــــــــــــــم )))))[/blink]



      صح السانك ولسان شعار اعتابة الهيلا كلهم

      تعليق

      • *النجـــــم*
        عضو ذهبي
        • Jul 2007
        • 308

        #4
        تم النشر في الأصل بواسطة زيزوم مدركه عرض المشاركة
        النجم
        صح لسانك على هالرائعه

        تقبل مروري

        صح بدنك ولا هنت

        لك خالص الشكر والتقدير

        تعليق

        • *النجـــــم*
          عضو ذهبي
          • Jul 2007
          • 308

          #5
          تم النشر في الأصل بواسطة الهيلوم1340 عرض المشاركة
          [blink]((((((النجــــــــــــــــــــــــــم )))))[/blink]



          صح السانك ولسان شعار اعتابة الهيلا كلهم

          صح بدنك ولا هنت

          مشكور على المرور والرد العذب

          لك

          تقديري

          تعليق

          العمل...