شهيد الوطن ظافر النفيعي

طي
X
 
  • التوقيت
  • إظهار
مسح الكل
المشاركات الجديدة
  • عايض التوم
    عضو
    • Aug 2007
    • 24

    #1

    شهيد الوطن ظافر النفيعي

    [align=center]هذه القصيدة مجاره لقصيدة / حامد القحطاني وغازي بن عون في شهيد الوطن ظافر النفيعي

    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    قصيد حامد وغازي فيه علما مفيد= فيه الثناء والشكر والفخر والاعتدال
    الحمد لله على ما صار يا أبو مزيد= نقولها في العزا والمدح والابتهال
    الله هو يدبرنا على ما يريد= نؤمن بحكم القدر وحساب سود الليالي
    يا هاجس الشعر يلي لك ليالي مهيد= لا والله إلا عاد داعيك ما به جدال
    ما بين غرة محرم والنهار السعيد= أشوف خيلك تهيأت للطرب والقتال
    ما هوب داعيك لازم زيد ولا عبيد= إلا قصيدا خياله فوق كل الخيال
    خيال ذكرني ابن زهير وابن لبيد= والبحتري هو أبو تمام يا أهل الفعال
    بين الفخر والعزا والمدح عقد فريد= الله يبيض وجيه الطيبين الجزال
    أهل الوفاء ألي لهم بالعرف رأي سديد= أمثال حامد وغازي طيبين المقال
    و أنا ليا جات للوقفه ورد النشيد= ماني بمعذور يا تركي على كل حال
    أبا أفتخر و أرثي ربوعي ولا لي محيد= ظافر شهيد الوطن يفخر به الربع و آل
    آل السعود الشيوخ ألي تضد الضديد= ولاة الأمر وهل المعروف و أهل العدال
    يفخر به أبو عبدا لله ومجدا مجيد=و أيضا عيال وبني عم وعمام وخوال
    قم يا نديبي ترا شوقي لربعي يزيد= بلغ عزايه هل الطائف وكل الرجال
    ذو سنان الزحول الي مداهم بعيد= حرارنا ألي مواكرها بروس الجبال
    رصيدنا يوم كلن له حلال ورصيد= ألي يشيلون حمل ما تشيل الجمال
    ما مات ظافر وعبدا لله لجده حفيد= عبدا لله ومثله محمد ونعم العيال
    وغلا غلاها بقلب أميرنا والعقيد= والابه إلي فخرهم بالقنا والسلال
    خوالهم هم خوالي وفتهم يا عبيد= مالي ومال العلوم ألي تجيب السؤال
    ظافر شجيع تقدم قبل يوم الوعيد= ما خاف من شلة الإرهاب و أهل الضلال
    معه صناديد من شرواه ما هو وحيد= لكن تقدم على الغدار بالانفعال
    في يدك يا سيدي نايف وريع حديد=ومثله سيوف صقيله في يدك لا تزال
    و أنا ولدكم وراسي للمنافق عنيد= يا جعل من خانكم يا سيدي بزوال
    و يالله يا ذل الكرم يالمبتدي يالمعيد= تحفظ زعامة هل العوجا زحول الرجال
    وتحما وطنا من أحقاد الحسود المكيد= وتعز الإسلام و ألي مركزه عال عال
    عبدا لله الحاكم العادل و بأسه شديد= على هل الغدر و ألي يعبدون الريال
    وحامد ونعم الخوي حرا يهد ويصيد= وافي مع أهل الوفاء هذا حميد الخصال
    من لابة ساسهم بالطيب ساسا جويد= قحطان ساس العرب والرأس فوقه عقال
    وختامها يا هل العوجا ويا أهل الشهيد= الله يجبر عزانا في كريم السبال[/poem]


    أخوكم عايض بن عواض التوم الفليت النفيعي
    [/align]
  • محمد العتيبي

    مشرف منتدى شعراء قبيلة عتيبه

    • Mar 2005
    • 10789

    #2
    [align=center]بيض الله وجهك
    وافيه من شاعر وافي..
    صح لسانك ..
    [/align]
    [align=center][/align]








    [align=center]للتواصل عبر twitter تويتر


    al_bargawy@
    [/align]

    تعليق

    • عبدالله هادي ناشي الفليت.

      رابطة محبي الهيلا

      • Sep 2007
      • 1791

      #3
      صح لسااااااانك ياعايض الفليت


      ومشاللـه عليك قصيـــده رائــعه

      تعليق

      • محب الهيلا
        عضو ممـــيز
        • Nov 2007
        • 20292

        #4
        مشكور وماقصرت على القصيدة

        تعليق

        • عبدالمجيد النفيعي
          مشرف القسم الإسلامي والاقسام العامة
          • Jul 2007
          • 2048

          #5
          صح لسانك ياعايض
          ومشكور على المرثيه
          وحنا فخورين بـ الشهيد ظافر العتيبي
          تذكر

          قول الرسول صلى الله عليه وسلم :-"المسلم من سلم المسلمون من لسانه ويده"





          أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

          تعليق

          • عايض التوم
            عضو
            • Aug 2007
            • 24

            #6
            [align=center]بيض الله وجيهكم جميعا على المرور وهذا من طيب ذاتكم وبعد نظراتكم

            وآسف على عدم التواصل معكم بشكل مستمر


            أخوكم

            عايض التوم
            [/align]

            تعليق

            العمل...