سبــّة غلاك اليوم !!!!!!!!

طي
X
 
  • التوقيت
  • إظهار
مسح الكل
المشاركات الجديدة
  • عـايض النفيـعي
    عضو نشيط
    • Mar 2007
    • 35

    #1

    سبــّة غلاك اليوم !!!!!!!!

    [align=center]السلام عليكم ورحمة الله وبركاته[/align]

    الاخـوان في هذا الصرح
    ( المدعاة للفــخر )

    بعد أنقطاع لفتره أضع بين أيديكم هذا النص الذي أتمنـّى أن ينال شي بسيط من إعجـابكم وأن يكون في محل أعتذار عن الأنقطاع


    [poem=font="Arabic Transparent,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    سبّة غلاك اليوم ياعذب السجايا والوصوف = شر الزمن عجل ٍ لي ..وخيره ليا جاني وني
    لو أنسج التـّهمه على شانك وادرّعها الصدوف = منت بدني ترضا بها وأنا بعد ماني دني
    عز الله إنـّك ياهوى بالي ماسوّيت امعروف = عزيز قوم ٍ في هواك يذل مافيها كـني
    يالوف قلبي لوف بيت ٍ لافه المعصير لوف = صلف الهبوب تقلـّطه والبيت ساع إنـّه بني
    يطرخ شقاقه فالهوى والارض تخلفها الشعوف = كن الوطى المرجوع عقب شعوفها حزم ٍ سني
    ياسيد تلعات الرقاب اللي شعرهن للردوف = ما اقولها وارجي وراها شي ياسيد البني
    أتعب وإذا شفتك دريت إن التعب معك مخلوف = لو حال دونك برد واللا جوع أجيلك وآعني
    تهرف علي ذيابة الضلع المقنـّف والسنوف = وأقول ياذيب الخلا منت بخشيري فـصحني
    ياذيب والله مادخل فيني من مجاذبك خوف = أوحيت جر اعواك ياذيب الخلا وأنت أوحني
    أنت معروف .. أشهد شهادة حق ياذيب امعروف = وأنا عتيبي من بني ..ياذيب جنـّب من بني
    نشبعك وندمـّي لك الشجعان فالوقت الكلوف = واليوم مالك لاسديس .. ولا رباع .. ولا ثني
    هذي علومي كل ماوجّهت صوبك يالهنوف = أجرّ عزم ٍ جمـّع الاشراف في بيت أردني
    الشوق يدفعني عقب ماصدّع جنوب الهدوف = حتى يجي للنـار والنسناس فالصدر سننـي
    لو طالت الطرقه علي وعوّد الساق معكـوف = يفداك عمـر ٍ دآمه بليـاك عمـر ٍ منفنـي
    كل أدعج ٍ فالدرب لين آصلك مشيوف معيوف = واليا وصلتك للنـّعش رجليّ والثوب كفنـي
    جنازة ٍ فوق النعش .. ومن اليدين اليا الكتوف = من يدك واليا كتفك ومن حيث مـا وجـّهتني
    أسرج ظهر بيت ٍ من الشعـّار ماهو بـ معسوف = لرضاك والطن الكبير يصير قوس ٍ منحنـي
    لو قلت لون الشمس موف أقول لون الشمس موف = ماني عمى لكـنّ في حبّك ليا شفت أعمني
    أسلك على شانك طريق ٍ بالملمـّات محفـوف = واليوم كنـّك ما على بالك ليا قلت .. أعفني
    يوم أنه النوم الهني مافارق عيون الجلوف= عيني ثلاث سنين تسمع فيك يالنوم الهني
    واليوم مالي من جدى ياكود تفريك الكفوف = أمسي غني وأصبح على من مد وال ٍ محسني
    وانته تشوف اللي حصل لي منك كنـّك ماتشوف = تومي علي بسيف ابو زيد الهلالي .. ( وتهني )
    تضربني بحدّه وانا خابرك في وجه الظروف = ادخيل وجه ودونك تقوم الظروف وتنثني
    ماعاد ينفعني ولا ينفعك تكثير الحلوف = وانا على سلم الرجال ولا تغيـّر معدني
    دونك مطاليق ٍ تسلل في محاديب السيوف = وأنته غني عنـّي وانـا عن موقف ٍ محرج غني
    وان ماقعد من حبّك اللا شرط ممنوع الوقوف = على رجـى .. وانا معني .. تراك بالشرط معنــي [/poem]
  • صنداح الزلامي
    عضو ذهبي
    • Apr 2007
    • 365

    #2
    عائض النفيعي

    صح لسانك وبيض الله وجهك نص رائع تشكرعليه

    سجل اعجابي دمت يالغالي في انتظار الجديد

    تعليق

    العمل...