صوت / محمد العريدي .. صدى / ناشر العاطفي

طي
X
 
  • التوقيت
  • إظهار
مسح الكل
المشاركات الجديدة
  • محمد الـعـريدي
    عضو فضي
    • Mar 2007
    • 217

    #1

    صوت / محمد العريدي .. صدى / ناشر العاطفي

    [align=center]قصيدة محمد العريدي[/align]

    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    يالعاطفي..للشعر مُوقف وميعاد= خلك معي والكل يحسب حسابه
    وأنته من أهل الشعر يانسل الأجواد= لك ماقف ٍ.. يالقرم كل ٍ درابه
    رجل ولك بالطيب .. مصدر وميراد =ذيب ٍ ولد ذيب ..ٍ سلايل ذيابه
    ياناشر إسمعني .. لك العلم ينقاد= فتحت قلبي .. والصدر فك بابه
    لي صاحب ٍ ماعنّه اليوم نشّاد= أقفت مراسيله.. وطوّل غيابه
    صبرت مير الصبر ياخوك مافاد =ماعاد لي بالصبر حيل وصلابه
    في غيبته شفت العزاير والأنكاد= وهليت دمعي مثل وبل السحابه
    وعفتْ المنام وعفت للشرب والزاد= والحال مايرضي جموع القرابه
    المشكلة .. ماني على الصد معتاد= مير البلا .. قفّى وقفت ركابه
    وش حيلة اللي شوقه اليوم مزتاد= أقفى وليفه .. وأبتعد مادرابه[/poem]



    [align=center]قصيدة ناشر العاطفي .. [/align]

    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

    يامرحبا ياشبل يانسل الاسياد= شبل(ن)سقوه الطيب باول شبابه
    يستاهل الترحيب موروث الاجداد= الشاعر اللي جاد فن الخطابه
    وانا وريث اجداد من ضمن الاحفاد= اهل الوفى والطيب واهل المهابه
    شاعر ورثت الشعر من لهجة الضاد= يطربني المسحوب على الربابه
    قلبي ضحية حب والحب لاعاد= صار اكثر الصدقان يشكي صوابه
    اخرهم محمد حصل عكس ماراد= اقفى وليفه قبل يسمع جوابه
    ترى الهوى ياخوك من عصر الامجاد =كل(ن) على ماقيل مثلك شقابه
    اضرب مثل في قيس والا إبن شداد= عملة لها وجهين دايم تشابه
    ان كان صده منك هجران وعناد= قله مراح امقيط واللي غزابه
    وان كان دونه حال واشي وحساد= قله عسى المعبود يسقي ترابه
    واصبر عسى الايام تلفي بالاعياد= يصير ابوها عم واهله نسابه
    ادري واعرف ان الصبر علة أكباد= لاطول الغيبات حضرت جنابه
    هذى صدى صوتي على بحر الاسناد= والشعر فيه إياب يشبه ذهابه [/poem]
  • خلف العتيبي
    إدارة الأقسام العامة والاقتراحات والشكاوي
    • Aug 2007
    • 2178

    #2
    لاهنت يا محمد العريدي..

    قصيده جميله بارك الله فيك..


    خلف الدعجاني..

    تعليق

    • شاعر القوابعه
      موقوف لمخالفة الأنظمة
      • Oct 2007
      • 341

      #3
      مشكور على القصيده

      تعليق

      • شاعر برقا
        عضو نشيط
        • Jul 2006
        • 66

        #4
        مشكوووووور والله يعطيف الف عافيه

        تعليق

        • خيال الجريبا
          عضو ماسي
          • Nov 2007
          • 432

          #5
          الله يعطيك العافيه

          تعليق

          • عبدالله العريدي
            عضو ماسي
            • May 2005
            • 627

            #6
            [align=center]يا مال العافية يا محمد على الابيات الرائعة

            صح السانك مليار

            تقبل تحياتي
            [/align]

            تعليق

            • محب الهيلا
              عضو ممـــيز
              • Nov 2007
              • 20292

              #7
              مشكور وماقصرت على هذه القصيدة

              تعليق

              العمل...