لاللإهانه لولها الف تبرير***الموت للنفس المهانه دواها

طي
X
 
  • التوقيت
  • إظهار
مسح الكل
المشاركات الجديدة
  • وآآآثق
    عضو
    • Oct 2007
    • 12

    #1

    لاللإهانه لولها الف تبرير***الموت للنفس المهانه دواها



    بسم الله الرحمن الرحيم

    أخوالي الاعزاء . إزددت شرفا على مابي بإنظمامي لمنتداكم

    العظيم بمن فيه من منسوبين وأرجوا أن تتقبلوا هذه المصافحة

    الاولى . عسى ولعل ان تحوز على إعجابكم

    وتقبلوا إحترامي وتقديري

    التوقيع // بناخيكم ياااااعتابه


    وصلت نجد ورفت العين با الخيــــــر***********************واستبشرت لكن خيب رجاهـــا

    بااللي تشوف الخير في عزلة الغير***********************ولاتدري ان الله لها مـــن وراها

    يحيط با الخافي رشيد التدابيــــــــــر**********************يذري ذراها قبل يسقي ثراهـــــا

    اهل المدن تبذر وتصنع نوافـــــــير*********************والبدوماها ما وصله رشــــــــاها

    دنيا العنى ينبت ثمرها مســـامير***********************وتمطرحصاها من سحايب سماها

    هذي حضوظ اللي كمانا معاثيـــر **********************ماتقوم لودجله سقي به اذراهــــــا

    دنيا تهين الحر وتعلي المضارير**********************وترفع وطي قد وطي في وطاهـــــــا

    دنيا بها الحاسد يدق المزاميـــــر ********************يرقص طرب ناجح على مستواهـــــا

    ناجح هزم كل الرجال المناعيــــر*********************خيب ارجال مايخيب رجأهــــــــــــــا

    واباتجه لديرة اهلي بلا ضيـــــــــــر******************* وشم نسمتها واقبل ثراهــــــــــــــــا

    يا عمري يا الطايف ابا حث با السير*****************واجيك لو روحي على منتهاهـــــــــــا

    وافرح ليا شفت الوجيه المسافيــــر******************اهل الحويه والهدا مع شفاهـــــــــــا

    قوم ليا جا الضيف تشعل مســـاعير******************ترحيبها ما ينقطع من جباهــــــــــــــا

    ويِحضر له الغالي ولو كان با النيـر******************في نجد ولا با الحسا من وراهــــــــا

    ومعزبه لو يرهن البيت والديـــــــر*******************وعمهوجتن مكنيتن في خباهــــــــــا

    ولاتسمع الا مرحبا من مصاقيــــــر *****************صفر الدلال امركزه في يداهــــــــــــا

    ما سلمتها الخان ولا لجنشيـــــــــر*****************ولا فلبيني يعكر صفاهــــــــــــــــــــــــا

    ارجال في حرب العدا تشبع الطير*****************وجهالها في الحرب تكتف اعدهـــــــــا

    وتربط بها احبال السواني على البير**************وتشيل ماها مع حطبها علاهـــــــــــــــا

    هذيل أهل فطنه وحكـــمه وتبصير ************** تآصل ولا ياصل مدي(ن)مداهـــــــــــــا

    وعتابه اللي تجبر الكسر تجبـــــير ************** أهل الشجاعه والسيوف بهداهـــــــــــا

    وهذا وانا هذيلي عتيبي التعابــــير ************** في مرتي والساني اللي حـــــــــــواها

    وكل القبايل ما عليها مقاصيــــــــر***************والنعم فيها ما ننقص جداهـــــــــــــــــــا

    ازتني الايام عذب بتزويـــــــــــــــر***************واليوم ابا ازيها عصارة جفاهــــــــــــــا

    لا للاهانه لولها الف تبريــــــــــر***************الموت للنفس المهانه دواهــــــــــــــــــا
  • شاعر القوابعه
    موقوف لمخالفة الأنظمة
    • Oct 2007
    • 341

    #2
    صح لسانك على القصيده

    تعليق

    • الحربي احمد
      عضو
      • Nov 2007
      • 18

      #3
      [align=center]صح الله الساااااااااااااااااااااك وبيض الله وجهك






      تحيتي ,,,,,,,,,,,,,, وتقديري,,,,,,,,,,,,,, لك[/align]

      تعليق

      • وآآآثق
        عضو
        • Oct 2007
        • 12

        #4
        صح بدنك ولا هنت أخوي شاعر القوبعه

        إزداد متصفحي نورا بمرورك


        وتقبل إحترامي وتقديري

        تعليق

        • وآآآثق
          عضو
          • Oct 2007
          • 12

          #5
          صح بدنك ووجهك ابيض أخوي الحربي أحمد

          كلي فخر وإعتزاز بمرورك العطر


          وتقبل إحترامي وتقديري

          تعليق

          • طـــــــــلمس
            عضو فضي
            • Apr 2007
            • 228

            #6
            بيض الله وجهك

            تعليق

            • وآآآثق
              عضو
              • Oct 2007
              • 12

              #7
              وجهكـ ابيض أخوي طلمس

              أسعدني مرورك لا عدمتك ذخرااا وسنداا

              وتقبل إحترامي وتقديري

              تعليق

              العمل...