صوت للشاعر/ جزا شارع العازمي وصدى / مطر العازمي

طي
X
 
  • التوقيت
  • إظهار
مسح الكل
المشاركات الجديدة
  • مطر العازمي
    شـــاعــر
    • Dec 2006
    • 60

    #1

    صوت للشاعر/ جزا شارع العازمي وصدى / مطر العازمي

    صوت وصدى اتمنى ان يحوز على رضا الجميع


    هذه القصيده اسندها لي الشاعر / جزا بن شارع العازمي العتيبي


    [poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    عطني علومك يامطر عبر الارسال = ترى بيوت الشعر هذا وعدها
    الشعر كيف رجال خذ منه فنجال= والشعر ديوان الرجال وسندها
    ماهيب مجروره وشيله وموال= شعر النبط والخافي امرّ وادهى
    وبعض بيوت الشعر فيها سعت بال= تشرح نفوسٍ قد تزايد نكدها
    والله يوفق من يشا فال وعقال= من حيث لا يعلم يقابل سعدها
    واحدٍ نصيبه كل ماعدله مال= لازم يروح برجلها عقب يدها
    دنياً تقلب ما استقرت على حال= تسرح وتضوي بالمصايب جهدها
    ماكل رجالٍ يعوضك برجال= ولا كلم من دور لحاجه وجدها
    صارت علوم المرجله جمع الاموال= وام العيوب السبع ما احدٍ نقدها
    عندك ريال تقدر بقيمة ريال= والمال هو سقم العيون ورمدها
    يالله وانا اسآله وهو خير مااسآل= ياربها يافردها ياصمدها
    يالله يامنزل تبارك والانفال=يانازعٍ روح الفتى من جسدها
    زلزل بشلات النمايم والانذال= واحرق كبود اهل الحسد في حسدها
    شرارة الفتنه خبيثين الاعمال= والطاغي اللي نعمة الله جحدها
    احثالةٍ عاشت على القيل والقال=تجيك بالاخبار ما احدٍ نشدها
    ترسل وتستقبل على كل جوال= وتنافق وتفتن وتوثق عقدها
    يامفني اجيالٍ ويامحيي اجيال=ويامتمن النعمه على من حمدها
    بالناس عقالٍ وبالناس جهال= وبنت الاصيله غصب تطلع بيدها
    للخير مكيالٍ وللشر مكيال= ولافيه شك اللي بذرها حصدها
    وانته وانا في سد ماضين الافعال= هم غيثها هم برقها هم رعدها
    غيثٍ يرد الروح سيله ليا سال= وانهار يبشر بالروى من وردها
    نحشم بحشمتهم على كل الاحوال= هم ساس سيسان البيوت وعمدها
    الله يحفظهم لنا درع وظلال=قومٍ على نهج النبي معتقدها
    في مالهم رزق الارامل والاطفال= تنعم بخير الارمله مع ولدها
    رجالهم يسوى ثمانين رجال= والا الضعوف تموت ما احدٍ فقدها
    هذي خلاصة ماحدث شهر شوال= يعني شهادة حق للي شهدها[/poem]


    وهذا الرد مني

    [poem=font="Simplified Arabic,6,sienna,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    علوم خير ومن فريدات الامثال= طلبت صندوق الضمير ونقدها
    شعرٍ لو ابطى جاك بالصدق همّال = سحابة قام يتخابط بردها
    انحت معانيها طرب نحت تمثال= واضبط قوافيها وارتب عددها
    واسوقها سوق الجمل قدم جمّال= حتى تحط حمولها في بلدها
    اكيد ماش عقالٍ الا بعد فال= وان جات هذي جات الاخرى بعدها
    ترى المطالب ماتحقق بالامال= سقها ولن نشبت مع الدرب قدها
    وانكان حظك زان وايامك طوال= عشت الحياه اللي يسرك رغدها
    وان شان حظك حاش ذله وغربال= والليله اللي تنتظرها رقدها
    والوقت لو طاب لك مرات ميال= والعمر تاليه القبور ولحدها
    مايستوي فالناس طيب وبطال= اللي خلقها عن بعضها فردها
    منول الرجال فارس وخيال= قومٍ يصبحها وقوم يهجدها
    يوم العرب قسمين فريس وابطال= من عند رب البيت تطلب مددها
    واليوم خلك رجل واجمع من المال= وان قلت اموالك من الخلق زدها
    حط الك بشت وثوب وشماغ وعقال= واضحك بحكام الدول وانتقدها
    والذم مانزل من الرجل مثقال = والمدح ماشال الرخوم وسندها
    والحر اله في ماكر العز منزال= والبوم ماتقدر تعيش بصددها
    والنذل خله قدمه هضاب وجبال= يقضي حياته دونها ماصعدها
    طراد للغرات لوقام ماطال= شبّاب فتنه والوجيه يعبدها
    نمام واعوانه يشيلون الاغلال= الله يقطعها ويفني بددها
    ماله يكود ندق فعيونه خلال= ونكّحل عيونه ونعمي بردها
    الله يكافينا المصايب والاهوال= ويعوذ من شر النفوس وكبدها
    والطيب اله مذهب ومله ومدهال= واهل الوفا فسلومها تعتقدها
    الله يخليهم لنا ايام وليال= فرز الوغى سقم العداه وعتدها
    تاريخهم ماضي وحاضر ولا زال= وافعالهم كلٍ بعينه رصدها
    قومٍ لهم تقدير واكبار واجلال= تمشي على وضح النقا من مهدها
    قلت الكلام اللي مايبغى له جدال=واللي يصيب من البيوت اعتمدها[/poem]
    مطر العتيبي
  • ابن نميان
    فريق التصميم والتطوير
    • Jul 2005
    • 2581

    #2
    أنعم وأكرم يـابن عاصي حياك الله

    ماشاء الله تبارك الله

    قصيدة جزلة بكـ ل ماتعنيه الكلمة من جزاله

    حكم ودرر

    صح لسانك وصح لسان جزا

    كل الشكر والأحترام والتقدير لكـ

    وبإذن الله نرى كل ماهو جديد لكـ

    دمت في حفظ الله
    ’,’




    ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’,

    [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

    تعليق

    • على الغيم
      عضو فعال
      • Jun 2005
      • 114

      #3
      صح لسانك اخوي

      تعليق

      العمل...