}{! لاضاع فكري !}{

طي
X
 
  • التوقيت
  • إظهار
مسح الكل
المشاركات الجديدة
  • بدر بن قرفان
    عضو نشيط
    • Nov 2004
    • 66

    #1

    }{! لاضاع فكري !}{

    [align=center]هذي القصيده ماخلصت منها الا امس

    اوردها لكم وانشالله تحوز على اعجابكم


    اقول:

    لاضاع فكري وانقلب خاطري شين ** وقمت اتشوف في دواه وعلاجه

    ثم صار راسي ملعب(ن) للشياطين ** وكلن يدور قبل الآخر خراجه

    ماقام يطري غير سيد المزايين ** الي على بالي مروق مزاجه

    جبرت فكري واوصفه بيت بيتين ** لو الوصف بيني وبينه عواجه

    العين لو تنظره عين الشواهين ** يضربك برق(ن) لو نظرك بغناجه

    والخد صبح(ن) شع درب المحبين ** لو شفت خده خل شوفك وهاجه

    والعنق عنق(ن) ياصحيبي على الدين ** ياويش اوصف يانديبي لجاجه

    والقذله الي واصله حد رمشين ** تعمي عيونه دون شوف المواجه

    شعره سواد الليل زين(ن) على زين ** لمعت جديله مثل لمع الزجاجه

    وليا زهق منه يحذفه على يمين ** ويلف طوله ثم يربط نهاجه

    وليا تعب يتكي بجنبه على اللين ** ثم بان جسم(ن) مايعيب بحاجه

    خصر(ن) مقوس تعترف به عناوين ** وانا اشهد انه مايرد الحداجه

    والساق سيف(ن) يقسم الحجل قسمين ** مرسوم واتبين عليه انعواجه

    افصح طريقه توصفه قول ثنتين ** (حلاه يقطر) ماذكر به هماجه

    هو ماخذ(ن) قلبي بعد قرة العين ** والشوق لعيونه يزيد اندراجه

    واليا على وصله نهاك المليعين ** قله صحيح وكل علمه سماجه

    وانكث كلامك واتجه لاريش العين ** واسمع علومه ثم قلب حجاجه

    لامن طلبته قال اهلن وسهلين ** ياعين ابوي ونبض قلبي وتاجه

    لاصار خلك مثل هذا ونعمين ** يلطف بقلبك مايكدر مزاجه

    وهذاك والله من سوا له ملايين ** وحبه بقلبي عاليات(ن) ابراجه

    يفداه راسي والشعر والدواوين ** واسمه على صدري ينور سراجه

    وسلامتكم


    وودي اسمع نقدكم بكل صراحه وبدون مجاملات


    دمتم بود



    بدر بن قرفان.. .[/align]
    تم التعديل الأخير بواسطة بدر بن قرفان؛ 11-Nov-2007, 11:03 PM.
  • بدر بن قرفان
    عضو نشيط
    • Nov 2004
    • 66

    #2
    [align=center]افاااا


    ولا رد [/align]

    تعليق

    • عامر بن جشم الهوازني
      موقوف لمخالفة الأنظمة
      • Apr 2007
      • 346

      #3
      صح لسانك يابن قرفان

      والاعضاء اكثرهم مشغول لايجي في خاطرك شي على عيال عمك

      ترى اكثر الزيارات من الزوار وهم لا يستطيعون الرد

      تقبل تحياتي

      تعليق

      • الـثـقـفـي
        عضو ماسي
        • Oct 2007
        • 533

        #4
        صح لسان يا ذيبان والله القصيده جزله
        شعره سواد الليل زين(ن) على زين ......... لمعته جديله مثل لمع الزجاجه
        وتقبل تحياتي
        ...ابن عمك (عزيز الثقفي)

        تعليق

        • ابا الرووس
          موقوف لمخالفة الأنظمة
          • Oct 2007
          • 8

          #5
          والله كفوووو





          لكن طلب نسقها عشااااااان يطلع منظرها احسن




          وصح لسااااااااانك

          تعليق

          • عبدالله الجـــذع
            مشرف منتدى قصه وقصيده
            • Sep 2007
            • 8093

            #6
            غزليــه رائـــعه أبدعــت يالغالـــي وماقصـــرت وبيض الله وجهكـ...






            جزله يالجــزل.
            قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


            .
            قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
            فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

            .

            موقع يضم جميع القراء


            هنا

            تعليق

            • بدر بن قرفان
              عضو نشيط
              • Nov 2004
              • 66

              #7
              [align=center]عامر بن جشم الهوازني

              الثقفي

              ابا الرووس

              عبدالله الجذع



              صحت ابدانكم

              وماقصرتوا وبيض الله وجيهكم على هالمروور العطر

              بس ماسمعت نقد للحين

              تحياتي لكم.. .[/align]

              تعليق

              العمل...