صربي وصهيوني على علماني!!

طي
X
 
  • التوقيت
  • إظهار
مسح الكل
المشاركات الجديدة
  • مخلف الهقاوي
    عضو ماسي
    • Apr 2007
    • 667

    #1

    صربي وصهيوني على علماني!!

    السلام عليكم ورحمة الله وبركاته

    بعد غيبه ليست بالقصيره اضع بين ايديكم هذه المتواضعه وتقبلوها

    ياعزوتي


    [poem=font="Times New Roman,6,royalblue,normal,normal" bkcolor="transparent" bkimage="" border="double,4,blue" type=1 line=0 align=center use=ex num="0,black"]
    يالله تعافيني ولاتبلاني=يارب عفو(ن) منْك يارحماني
    يارب انا مذنب ولا لي غيرك=اغفر ذنوب المستجير الجاني
    اغفر لأبويه واشتمْله بعفوك=وامي وربعي مع جميع اخواني
    والمسلمين المؤمنين ارحمهم=القاصي اغفر زلّته والداني
    ماينقفل من دون مسلم بابك=وفلان بابه ينقفل وفلاني
    مديت كفّي واطلبِك ياربي=عزّيت نفسي واْقصرت ذرعاني
    مارحت ادوّر مال من خلق الله=لو ان فقري هدّني واشقاني
    انت العظيم المعتلي في عرشك=انت الكريم المعطي المناني
    احمدْك ياربي على نعمائك=سمعي وتفكيري وشوف اعياني
    فضلِك كثير ونعمتِك لاتحصى=ياذا الجلال وصاحب السلطاني
    يارب صبرني ولاتشقيني=يارب تنصرني على عدواني
    اصبر على الدنيا ولا لي حيله=بعض الصبِر مايبري الوجعاني
    مشكاي للي سائله يفْرِج لي=هم(ن) من اسبابه غديت اعاني
    ماكنت احسبْني تخور عزومي=ماكنت احسب ان الزمن يقواني
    لين اصطدمت بواقعي واشوفه=يبتر جذوري يستبيح اغصاني
    الوقت غيّر بالسّواد الوانه=غيّر ملامح بهجتي والواني
    واشوف امور(ن) قبْل كنت اجهلها=مدري وش اللي صابني واعماني
    وابصرْت..ويش ابصرت بآخر دربي؟=ابصرت والظلما تحوف اركاني
    ماكنت اظنْ الغدْر فعله كايد=خص(ن) من اقرب ناسي وخلاني
    لين اكتويت وبان لي مفعوله=منّي وفيني جمرة(ن) تصلاني
    واصحابي اللي لابغيت احصيهم=وقت الشدايد ينحني ميزاني
    امحق رفاقه فالسّعه مااوسعها=لاضاقت..اسمح لي ولا تلقاني
    دستور يالصاحب ولا لك قيمه=تلميع وجهك غرّني واغراني
    الصّحبه اللي دون طيب اقلعها=مقلاع جد(ن) راح مع جدّاني
    من دون فضل(ن) لي ولا لي منّه=اعطيت محد(ن) من عطاه اعطاني
    الاّ الاله اللي عطاه اغرقني=من زود فضله سالت الودياني
    اكتبْك ياشعري واجرّ لحونك=معناك ضيف معزبه قيفاني
    البيت صدره لا طربت وشلْتِه=بالهون..قال العجز:ياطرباني
    مال الشّجر طربان حتى غصنه=قام يتمايل فيه عود الباني
    ياهيه ياللي ميلتِك في نهجك=اعدّلك من قولي الملياني
    ارْسم طريقك بأحتراف وخبره=ماوافقك في فكرك الشيطاني
    خيّرتني مابين نار وجنّه=جنّتْك فتنه تشعل النيراني
    لو فكّر لساني يردد قولك=قصّيت دون احتار عِرْق لساني
    عقلك مزيج افكار صار الناتج=صربي وصهيوني على علماني
    ماتدري ان الدين قدْ وحّدنا=الجيل ينقل عزّته للثاني
    واليوم في حكم الســعود اصبحنا=للدين حصن(ن) دونه الفرساني
    دوله وشعب(ن) مايبيع الدوله=عشنا بأمن بجوها الروحاني
    دستورنا بالنور صاغ احكامه=وحي(ن)..وقانون البلد ربّاني
    دستورنا معروف شرع(ن) منزل=سنّة نبي الله مع القرآني
    يارب تحفظ ذخرنا عبدالله=مالك قلوب الناس بالاحساني
    يارب تحفظ اسرته واخوانه=وعيالهم وسلالة الشجعاني
    يارب شاعر نوب اهيم بوادي=وادندن بدانه يالا لا داني
    اقوال من بنك الخيال اصرفها=لعلّها تطفي لهيب احزاني
    يارب تغْفر زلّتي واخطائي=يارب ثبّتني على ايماني
    وختام قولي مسْك مااختم به=اعداد مز(ن) يسقي الريضاني
    ازكى صلاتي يرْدفه تسليمي=على الرسول المصطفى العدناني[/poem]

    اخوكمــ فالح المصعوك الغنّامي
  • مخلف الهقاوي
    عضو ماسي
    • Apr 2007
    • 667

    #2
    دولـــه وشـعــب(ن) مايـبـيـع الــدولــه
    عـشـنـا بــأمــن بـجـوهــا الـروحـانــي


    المعذره خطأ املائي هنا والتعديل:


    دولـــه وشـعــب(ن) مايـبـيـع الــدولــه
    عـشـنـا (بــأمــان )بـجـوهــا الـروحـانــي

    تعليق

    • البارع
      عضو فضي
      • May 2007
      • 208

      #3
      مخلف الهقاوي وقصيده رائعه ووافيه....وصح لسانك

      تعليق

      • مخلف الهقاوي
        عضو ماسي
        • Apr 2007
        • 667

        #4
        البارع

        صح بدنك اخوي وبيض الله وجهك على هالطله

        تعليق

        • طـــــــــلمس
          عضو فضي
          • Apr 2007
          • 228

          #5
          بوبيض الله وجهك على القصيده الرائعه

          تعليق

          • عبدالله الجـــذع
            مشرف منتدى قصه وقصيده
            • Sep 2007
            • 8093

            #6
            صح لسانكـ ولافــض فوكـ قصيــدهـ جزلــه يالجـــزل...
            قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


            .
            قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
            فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

            .

            موقع يضم جميع القراء


            هنا

            تعليق

            • مرزوق حمدان العتيبي
              مشـرف عام
              • Nov 2003
              • 20403

              #7
              ..
              .
              بيض الله وجهك وصح لسانك
              .... تقديري يالغالي ...
              [align=center]
              [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
              فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
              حط حبه في كياني ماتغيّره السنيني = وانثني من دون عرضه بالذراع وباللساني[/poem]







              @Marzouq_MHD
              [/align]

              تعليق

              • مخلف الهقاوي
                عضو ماسي
                • Apr 2007
                • 667

                #8
                تم النشر في الأصل بواسطة طـــــــــلمس عرض المشاركة
                بوبيض الله وجهك على القصيده الرائعه
                ووجهك طال عمرك

                تعليق

                • مخلف الهقاوي
                  عضو ماسي
                  • Apr 2007
                  • 667

                  #9
                  تم النشر في الأصل بواسطة عبدالله الجـــذع عرض المشاركة
                  صح لسانكـ ولافــض فوكـ قصيــدهـ جزلــه يالجـــزل...
                  صح بدنك يالغالي .. اشكرك على المرور الجميل

                  تعليق

                  • مخلف الهقاوي
                    عضو ماسي
                    • Apr 2007
                    • 667

                    #10
                    تم النشر في الأصل بواسطة مرزوق العتيبي عرض المشاركة
                    ..
                    .
                    بيض الله وجهك وصح لسانك
                    .... تقديري يالغالي ...
                    ووجهك يامدير وصح بدنك

                    احتراماتي وموودتي

                    تعليق

                    • شاعر مكة
                      عضو
                      • Oct 2007
                      • 1

                      #11
                      فالح جعلها ماتجيني فيك اي والله يالبطل

                      تعليق

                      • مخلف الهقاوي
                        عضو ماسي
                        • Apr 2007
                        • 667

                        #12
                        شاعر مكه

                        بيض الله وجهك وجعلها ماتجيني فيك ولافي غاليك

                        تعليق

                        العمل...