مشاركة شعرية بمناسبة ملتقى اعتيبه لمزايين الأبل

طي
X
 
  • التوقيت
  • إظهار
مسح الكل
المشاركات الجديدة
  • **عبدالعزيز الفهيد**
    عضو
    • Oct 2007
    • 4

    #1

    مشاركة شعرية بمناسبة ملتقى اعتيبه لمزايين الأبل

    بسم الله الرحمن الرحيم

    مشاركة شعرية بمناسبة ملتقى اعتيبه لمزايين الأبل في نفود السر مابين مدينة ساجر ومدينة الدوادمي مابين 10-10-1428هـ إلى يوم الخميس 20-10-1428هـ

    ربعي اعتيبة أهل العز وافيــــــــــن
    تشهد لهم كل الأمم والقبايـــــــــل
    هم لآبتي اللي على الطيب راسيـن
    رسية جبال اطويق وجبال حايـــــــل
    على الشجاعه والكرم سلم ماشيـــن
    أفعالهم برهانهم والدلايــــــــــــــــل
    هيلا وعلى طيب المعاني امهليــــــــن
    وليا غظبوا تشهد لهم الأصايــــــــل
    أولاد روق وولاد برقا امتساويـــــــــــن
    ميزانهم واحد بكل الفعايـــــــــــــل
    ونا اعتيبي ولجل اعتيبة املبيــــــــــن
    هم عزوتي بين الأمم والقبايــــــــــل
    عاشت اعتيبة وحفلها ناجح آميـــــــن
    الله يوفق كاسبين الجمايــــــــــــــل
    من غير اقصور والقبايل عزيزيـــــــــن
    كل على عانية يفخر أو طايـــــــــــل
    ودخل على الله ماظلم اللي امجيديـن
    وكل طيب أوسامه على الراس شايل
    في ظل منه يشرع الحق والديــــــن
    اللي جعل منا شعوب وقبايـــــــــــــل
    اللي خلقنا جعل الفرق بالديــــــــــــن
    ومن فاز بالتقوى ينال الفضايـــــــل
    والحكم لله ثم حكم السلاطيـــــــــــن
    آل السعـــــــود معدلة كل مايـــــــــل
    في حكمهم الشعب كله متصافيــــن
    وحب الوطن هو الفخر والصمايــــــــــل
    وصلاة ربي عد ماهم ملبيــــــــــــــن
    عــلـى نبي الله خــاتم الرسايــــــــــل


    شعر / عبدالعزيز عبدالرحمن الرعوجي الفهيد الأسعدي العتيبي

    عين بن فهيد - محافظة الأسياح - القصيم
  • عبيد المسعودي
    (مهتم باللغة والشعر)
    • Jan 2007
    • 87

    #2
    صح لسانك
    على هالجزلة
    تناغم رائع وطرق قوي
    يعطيك العافية

    تعليق

    • فيصل الدرباس
      عضو
      • Sep 2007
      • 15

      #3
      صح لسانك


      ولا هنت على هالرائعه

      تستاهل المدح

      تعليق

      • **عبدالعزيز الفهيد**
        عضو
        • Oct 2007
        • 4

        #4
        صح بدنكم

        والله يعطيكم العافية على المرور

        تعليق

        • &**(الروقــــي)**&
          عضو
          • Oct 2007
          • 15

          #5
          الله يعطيك العافيه

          وصح لسانك على القصيده الجزله

          ولاهنت يا أبو عبد الرحمن

          تعليق

          العمل...