((((( أحد لو تنادي كل ليله سرالها )))))

طي
X
 
  • التوقيت
  • إظهار
مسح الكل
المشاركات الجديدة
  • الازوري
    شــاعر
    • Apr 2005
    • 166

    #1

    ((((( أحد لو تنادي كل ليله سرالها )))))

    [poem=font="Arial,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    يا الله يا عالم بروحي وحالها=يا عالم(ن) يا الله حتى نوالها
    يا رب يا معبود يا خير مرتجى=يا من اليه النفس زاد ابتهالها
    ارجيه واسترجيه في غاية المنى=ليا كان نفسي فالملاقا دعا لها
    فيا قلب لا تشقى بدنيا وتشتقي=ترى ان الليالي ما وفت من عنالها
    ومن لا عمل فيها لطاعتك يا ولي=يضيع مكاسبها على راس مالها
    فنا شفتها شوف الذي حد بالنظر=وقيس وشاف اخفافها من ثقالها
    فلاهي كما بنت الرجال بخوانها=ولا هي كما الأم الحنون بعيالها
    ليا عاكست لك عاكست قبلك العرب=ولن طاوعت لك ما يطول اعتدالها
    احد لو تنادي ما تلفت لزولها=واحد لو تنادي كل ليله سرالها
    فحذراك تمسي يا بن خالي خلافها=وحذراك تصبح يا بن عمي قبالها
    وكم قالو العراف قول(ن) وعيت به=من لا تجي له عند بابه غدالها
    يقول الذي شاف الهوايل وعدها=ولا فيه نجمه فالسما ألاّ شكالها
    بوقت(ن) سوات البير ماها نضب بها=ويا ما أكبر ادليها وما أقصر حبالها
    زمان(ن) تقول انه لنا ثالث العدا=مصافي نفر وألا ميه ما صفالها
    ليا شاف لك كلمه تسليك ردها=ولن شاف لك كلمه تعنيك قالها
    قلوب العرب ماهي سوا لن تصنفت=ولن روحن اقلوب يضهر بدالها
    فقلب(ن) سوات الصين سوره ملاذ له=سهوم العدا طول المدى ما تنالها
    وقلب(ن) كما لبنان يلعب به العدو=ولا ضرّ في لبنان غير احتلالها
    وناس(ن) سوات الشمس في ساعة الضحى=ابمشراقها بين وبين ضلالها
    ليا سرت فيها ما تغرك رسومها=عيونك تشوف اقصارها من طوالها
    وناس(ن) سوات الغيم في حالك الدجى=تعدت وتبّاع الحيا ما اشتقا لها
    ليا كان ما لاحت لعينه بروقها=لو يبات ساهر ما يخّيل خيالها
    الا وا وجودي وجد من حده الدهر=على قوم ما تدناه وأمسى بجالها
    ولا وا وجودي وجد من ضده الزمن=على هضبة(ن) تشدى طميه وشالها
    نعم قالو العراف قول(ن) وعيت به=من لا تجي له عند بابه غدالها
    ابجفا ليال الهم ما عاد اعدها=وابترك جميع الناس مالي ومالها
    بعد صارت الأيام هاذي فعولها=وصارو جموع الناس عزي لحالها
    وصارت رخال الضان تركب فحولها=وانا اذكر فحول الضان تركب رخالها
    رجال(ن) يمرجلها الزمان بفعولها =وناس يمرجلها الزمان بريالها
    فلا خير في وقت(ن) تسّيد به الردي=ولا في ليالي شاين(ن) كل فالها[/poem]

    صالح الازوري
  • الــوآفــي
    عضو اداره
    • Mar 2003
    • 3629

    #2
    صالح الأزوري



    راائع بكل حالاتك



    اتمنى من كل قلبي لك التوفيق في قصيدة التحدي


    وانتظر جديدك كعادتي



    اخوك
    [align=center][flash=http://assa97.jeeran.com/azzoz.swf]WIDTH=450 HEIGHT=350[/flash]



    [align=center]



    [align=center]ليا جاء طاري الهيــــــلا يفز القلب فزة شوق[/align]






    ألبوم صور



    مدونه مميزه



    [/align][/align]

    تعليق

    • نواف العصيمي
      مشرف عــام
      • Sep 2006
      • 10282

      #3
      صح لسانك القصيده رائعه

      لاهنت

      ..

      تعليق

      • بـرق الـذيب
        عضو ذهبي
        • Apr 2007
        • 341

        #4
        صح لسانك وبيض الله وجهك

        تعليق

        • الازوري
          شــاعر
          • Apr 2005
          • 166

          #5
          مليون

          صحت ابدانكم


          ولا هانت روسكم

          وشكرا لمروركم


          العطر


          احترامي


          صالح الازوري

          تعليق

          العمل...