::..المحايا اللي مضاربها عطيبه ...::

طي
X
 
  • التوقيت
  • إظهار
مسح الكل
المشاركات الجديدة
  • ماجد المحياني
    عضو فعال
    • Jul 2007
    • 161

    #1

    ::..المحايا اللي مضاربها عطيبه ...::

    [align=center]السلام عليكم ورحمة الله وبركاته

    مساكم الله بالخير

    هذه قصيده تشرفت في القاءها في أجتماع فخذ المحايا من النفعه وذلك لدعم ملتقى مزاين أبل عتيبه

    والله يوفق الجميع[/align]






    [poem=font="Simplified Arabic,5,black,bold,normal" bkcolor="transparent" bkimage="backgrounds/47.gif" border="double,5,gray" type=1 line=0 align=center use=ex num="0,black"]
    فاح صدري وأنتشى عوده وطيبه = وأظهر اللي مايجيبه كود غالي
    أظهر اللولو ومسك (ن) ينتشيبه = وأظهر بيوت(ن) مثل عذب الزلالي
    ثم سرت مع هاجسي طوع ورغيبه = عارفه منزالها بروس الطوالي
    ياقصيدي هات وعطني ماتجيبه = خابرك ماتعطي الا من الجزالي
    شاش رأسي يوم أبمدح في عتيبه = عزوة(ن) مع مدحها برمي عقالي
    عزوة(ن) أتبرك الأمجاد طيبه = مثل تبريك الفحول من الجمالي
    ماخذينا مجدنا حكي وطليبه = ولا كسبنا مجدنا بكثر الجدالي
    كاسبينه في السنين اللي عصيبه = بالبنادق والفشق تال الليالي
    وأنشدوا واد الرشا ولا شعيبه = ثم يجاوبكم على قد السؤالي
    أنتزعنا نجد بالروس الصليبه = والسيوف اللي تنومس بالقتالي
    ثم تربعنا على عز(ن) وهيبه = هيبة(ن) تخضع لها أرقاب الرجالي
    لارضينا تصبح الدنيا عشيبه = بعد وبل(ن) هيضه شوف الخيالي
    ولازعلنا نلطم وجيه(ن) شهيبه = ولاتهم ولوها كبر الجبالي
    ذا وأنا من لابة(ن) تهوى الصعيبه = ترتكي لحمول مافوق الثقالي
    المحايا اللي مضاربها عطيبه = تارد حياض المنايا ماتبالي
    في نهار الغاره والنار اللهيبه = ننطح أعدانا ونصلاها بصالي
    لين يلعب ذيبنا ونسمع قنيبه = والحريب نفهمه درب العدالي
    سطر التاريخ الأفعال العجيبه = من مضارب لابتي طوال الحبالي
    لين جاء عبدالعزيز الله يثيبه = وأنطفت نار الجهل ويا الظلالي
    وحد الدوله بسيف (ن)ينرضيبه = لين تخاوا كل جنوبي مع شمالي
    ثم نعمنا تحت الأشجار الرطيبه = في ذرى حكامنا كرام السبالي
    وختامها صلوا على اللي نقتديبه = الرسول اللي قطع رأس الظلالي[/poem]
  • الاد الكريزي
    عضو فعال
    • Mar 2007
    • 132

    #2
    صح لسانك يالمحياني
    وكفووو يابني عمي

    تعليق

    • ماجد المحياني
      عضو فعال
      • Jul 2007
      • 161

      #3
      ألاد الكريزي


      صح بدنك وماعليك زود


      ومشكور على المرور

      تعليق

      • امرؤ القيس
        عضو نشيط
        • Sep 2007
        • 73

        #4
        ماخذينـا مجدنـا حكـي وطليبـه
        ولا كسبنا مجدنا بكثـر الجدالـي

        صح لسانك ياماجد
        ولاهنت

        تعليق

        • متعب العصيمي
          مشرف سابق
          • Aug 2006
          • 4855

          #5
          صح لسانك وبيض الله وجهك على القصيدة ..

          دام عطائك ..

          ولك كل التقدير..

          تعليق

          • ماجد المحياني
            عضو فعال
            • Jul 2007
            • 161

            #6
            أمروء القيس



            صح بدنك والله لايهينك على المرور الطيب

            تعليق

            العمل...