هذا ماوعدكم به الديري ‍‍‍‍‍‍‍‍‍‍ّّ‍‍ّّ‍‍‍‍‍... وماوعدني به الزمن..؟

طي
X
 
  • التوقيت
  • إظهار
مسح الكل
المشاركات الجديدة
  • الدّيري
    عضو
    • Jul 2003
    • 13

    #1

    هذا ماوعدكم به الديري ‍‍‍‍‍‍‍‍‍‍ّّ‍‍ّّ‍‍‍‍‍... وماوعدني به الزمن..؟

    هذه الدنيا كالمرأة اللعوووب ...؟

    ليله تضحكك ... وليله تبكيك ...؟

    وانا اقول بصوتي العالي ...

    أتــعـــــــــــب يازمــــــن....

    وأرفع هذه القصيده لاخي العزيز..

    فلاح فهد الديري...

    ولكم يا اعضاء الهيــلا الكرام....


    [poet font="Simplified Arabic,4,black,normal,normal" bkcolor="transparent" bkimage="backgrounds/23.gif" border="none,4,gray" type=0 line=200% align=center use=ex length=0 char="" num="0,black" filter=""]
    بأبـدى بك اللـه في حلّي وترحالي=بأبدى في ذكرك وغيرك مانبا ذكــره
    يالخالــق الفــرد يا رزّاق ياوالي=يا فارج الضيــق والكربا ت والعسره
    ألطــف بعبدن طواه الهم مـن تالي=عبــدن ضعيفـن ولا له يالولي قــدره
    أبشتكيــــلك و لا غيــرك يورّالي=أنتـه بصيــري ودونــك مالنا بصـره
    اهتـزّت القاع وصاح اليوم زلزالي=والعيــن عـميا ورجـلي طبّت الحفــره
    باسنّــد القاف للّي قام يــجتالي=عن حرّة الشمــس ربي حطّلــه ستـره
    اللـه يزيــده حلال ومال واعيالي=وأعمـــالن اللـّـه يوسعله بها قبــره
    ولاّ تـرى الوقت جاير والعمر بالي= والرابـــح اللّي خــذا من دنيته عبـره
    مــن عادة الوقت وانا خوك ميالي=نوبـن في خيره ونوبن نتّـقي ضـــرّه
    أمّـا صــفالك وتارد شطّه الحالي=ولاّ تعــومس و ورّدبـك على مــــرّه
    هــذا وانا اللي بسوق القاف متوالي= قافــن حبانيبــه اللّــه وافي ن حبــره‍‍ ؟
    ألعـب على القاف لعب الجنّ واحتالي= وأنـــوّخ البيت لا هــزّه و لا كـسره..
    مانـــي بسـوق القوافي للتسـوّالي=عزيـــز وأرضا برزقي لو يجي كسـره ؟
    في منّــة الناس ما وطّيـت منزالي=أشـوم ورزقي على اللّي فاطر الفطره..
    ميـــر الليالي حدنّي شرّ واهبالي=وأنا من اول على العـقلات لي نظره ..
    يا بو فهــد جاك طاروقي وموّالي= وبأرفــــع الصوت لأجــلك حيل وأجــرّه
    ما يسكـت اعن الخطا كـود السمردالي= المفســد اللّي يعــمّ الناس في شـــرّه..
    و لا يبلــع الضـيم والتشهيـر رجّالي=ومن لايحــك النشايب حكحكــت صفره
    ما عــاد به عــزّ لا .........................؟=كلــن في حالــه سلكلــه مسلك وجرّه
    هــم يحسبــون المراجل لبس وأموالي=أم يحسبــون الفعايـل سكبة الغتــره
    هم مادروا بالــر‍خـا والخيـــر زوّالي ؟؟= ولا حالــن ألا يزول وينتهـــي أمــره ؟
    و لا عاد يبقـى سوا اللّي طيّب الفالي= شــــرواك وأنته سليل الحرّ والحــــرّه
    أحـــدن محـــلّه تحت ماطاي وأنعالي= وأحــــدن نشيـــله على الهامات وأنقرّه
    هــذا وتمـّــت عــدد ما هلّ همّـــالي..= على النبـــي الكــريم وصحبتــن غـــرّه
    [/poet]


    وسامحونا على الاطاله ...

    والقصيده والله ثم والله اني متردد حيل في نشرها ليش لشيئ ما ؟؟

    ولكن لانها خصوصيه شئاً ما....

    ونريد ردودكم الصادق وعسى اللي يجامل مايلقى ....؟



    اخوكم/ أبو عمر فاضل الديري العتيبي
  • حسين
    عضو
    • Apr 2003
    • 22

    #2
    صح لسانك قصيده معبره

    وقت على الوافين بالحيل ميال *** دار الفلك للدون والأمعانه
    الرزق عند اللي نعبده والآجال *** عند المقدر ماتفيد الذهانه
    احد لباسه من ردا الحظ دسمال *** واحد يفصل من ثمانين خانه

    التميمي

    الاخ فاضل قصيده وافيه في معانيها

    ولك مني الف تحيه على هالمشاركه

    ولا تحرمنا من الجديد

    تعليق

    • ابن عاصم
      عضو ادارة سابق
      • Nov 2002
      • 415

      #3
      صح السانك

      ثم

      صح السانك

      علي هالقصيده


      وتقبل تحياتي

      تعليق

      • ابن فرحان

        رابطة محبي الهيلا

        • Jul 2003
        • 1264

        #4
        والله يا الديري مافيها مجاملات قصيده وافيه سبكا وحبكا

        الله يعطيك العافيه

        اخوك \ ابن فرحان

        تعليق

        • فيصل محمد

          رابطة محبي الهيلا

          • Apr 2003
          • 1079

          #5
          صح لسانك.. قصيده متكامله جزله..

          وللمعلوميه أكـره ماعندي المجاملات..

          وقصيدتك فيها من الصدق والحكم مايجبرني على الاشاده بها..

          وعضيدك أبو فهد فلاح الديري كفو والله ومليون كفو..

          أخي فاضل الديري اذا عندك قصايد وماهي خاصه لاتحرمنا منها..

          تحياتي وتقديري وأعجابي..

          تعليق

          • نهيان الحمادي
            عضو ماسي
            • Jul 2003
            • 677

            #6
            صح لسانك لاهنت على ها القصيدة

            تعليق

            • سطام بن فهيد
              موقوف لمخالفة الأنظمة
              • Jan 2003
              • 325

              #7
              وقت على الوافين بالحيل ميال *** دار الفلك للدون والأمعانه
              الرزق عند اللي نعبده والآجال *** عند المقدر ماتفيد الذهانه
              احد لباسه من ردا الحظ دسمال *** واحد يفصل من ثمانين خانه


              صح السانك مليوووووووووون


              وانت سالم وغانم




              لاعدمناك



              ولك تحياتي

              تعليق

              • ابو فراس
                مراقب سابق
                • Jun 2003
                • 1421

                #8
                صح لسانك يا لديري

                قصيده جزله ورائعه ويعلم الله اننا لانجامل في هذا

                تحياتي

                تعليق

                • الرويس515
                  عضو
                  • Sep 2003
                  • 14

                  #9
                  صح السانك يالديري
                  القصيده جزله
                  ولاهي غريبه تجي منك يالجزل

                  تعليق

                  • ابو وعيل
                    مراقب سابق
                    • Aug 2002
                    • 1707

                    #10
                    صح لسانك يالديري


                    قصيدة معبره جداً


                    تحياتي

                    تعليق

                    • الديري
                      عضو
                      • Mar 2003
                      • 7

                      #11
                      صح لسانك يا بن العم
                      ومثل ماقالوا الاخوان
                      لاتبخل عليهم بالقصايد
                      ياجماعه ترى عنده الكثير
                      حيلكم فيه

                      تعليق

                      • الدّيري
                        عضو
                        • Jul 2003
                        • 13

                        #12
                        صح بدنك ياحسين
                        وابشر بالخير.. قصيدة جديدة سوف انزلها قريب جدا

                        تعليق

                        • المورقي22
                          مراقب سابق
                          • Sep 2003
                          • 493

                          #13
                          الديري



                          صح السانك ملايين على هالجزله





                          وتقبل تحياتي

                          تعليق

                          • عتيبي عفيف
                            عضو فضي
                            • Mar 2004
                            • 263

                            #14
                            الاخ / الديري

                            انا اتكلم عن نفسي فليس هناك ما يدعوني الى المجامله

                            ولكن اقول لك بصوتٍ عالٍ

                            صح لسااااااااااااااااااااااااااااانك والقصيده رائعه

                            ولك تحيات عتيبي عفيف

                            تعليق

                            • الدّيري
                              عضو
                              • Jul 2003
                              • 13

                              #15
                              ابن عاصم

                              صح بدنك

                              ثم

                              صح بدنك

                              تعليق

                              العمل...