الشــعر مـــوقف

طي
X
 
  • التوقيت
  • إظهار
مسح الكل
المشاركات الجديدة
  • سلطان بـن ربيــعان
    عضو
    • Sep 2007
    • 25

    #1

    الشــعر مـــوقف

    [align=center]اخاوني واخواتي اعضاء وزوار منتدى عتيبه الهيلا

    السلام عليكم ورحمة الله وبركاته

    مبروك عليكم قرب قدوم شهر رمضان المبارك,

    الشعر يأتي من ثلاث ابواب:

    ياموقف , ياهاجس , يامجاراه


    واقدم بين يديكم هذه المتواضعه وارجوا ان تنال استحسانكم.


    اخوكم \\ سلطان بن ذعار بن عمر بن ربيعان
    [/align]



    [poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    الشعر موقف وأكثر العمر وقفات=ومن لاتجمل به وطته الملامه

    اما رقابه فوق روس الطويلات= ولا حدر به مثل فرخ الحمامه

    سلاح ذو حدين في كل الأوقات = ان مارفع رقده يقل احترامه

    مكيال في كف العقول الرزينات = وكل ٍ على ماقيل وزنه كلامه

    ومن لاحبك معناه في عرض الأبيات = اخير من ذكر الهزيل انعدامه

    وانا قصيدي لاغزا الفكر بسكات = أرخى هماليله سوات الغمامه

    يشدني له شي في داخل الذات = وان صرت ما مسيه اصبح امامه

    ديموم شعري لو نزل با السروات = حول على الساحل واغرق تهامه

    ارفع مقامه عن طمان الهزيلات = والبّسـه ثوب الشرف والفخامه

    رقيت به اعلى الجبال المنيفات = وبنيت قصر ٍ مثل قصر اليمامه

    ونقيت من بكر البيوت الجزيلات = واخذت من فحل المعاني سنامه

    واقيم ابعاده بكل القياسات = وافرش على دربه من الزل خامه

    يا الله تجملني بها الوقت با الذات = فا الموقف الي زايد ٍ احتدامه

    في حق ربعي ياجزيل الشعر هات = هات النوادر واترك الها علامه

    قوم ٍ لهم في صرح الامجاد رايات = ولبسوا لباس الطيب لبس العمامه

    ليا ارتفع هامات من فوق هامات = احس اني اطول الخلق قامه

    زدنا على هقوات الابطال هقوات = حتى غدينا بشاهق العز هامه

    عتبان يوم ان الليالي عسيرات = عدونا مايهتني في منامه

    صغيرنا ماينفطم با الملذات = على الشجاعه والشهامه فطامه

    وكبيرنا يسعى لمرامه بهمات = لو هو ورا سهيل اليماني مرامه

    وخوينا يامن من الخوف مابات = وياسعد منهو با الملاقا حزامه

    ويديننا من المكارم نديات = تجود ماجاد (الذويبي) بطعامه

    حنا سيوف الدين وقت المهمات = اليا اشتبه بين الحلال وحرامه

    ماننحني للوقت وصدوف الازمات = نزود لازادت علينا صرامه

    تاريخ غز ٍممتلي با البطولات = من قبل ابو زيد الهلالي.. سلامه

    ابا افتخر وانثر من الشعر باقات = ومع كل بيت ٍ اذكره ابتسامه

    ومن لامني او شك في كل مافات = يدس راسه با الثرى كا النعامه

    وتبقى القبايل شامخات ٍ عزيزات = وكلن لحقه خابرن اقتسامه

    والله يعز ملوكنا والقيادات = هم فخر لشعب السعودي وسامه

    اهل الكرم واهل العدل والمساوات = في حكمهم عاش الجميع بكرامه

    وختامها عدد نجوم المجرات = وعد انبلاج النور عقب الجهامه

    صلو على المختار بازكى الصلوات = شفيع كل الخلق يوم القيامه



    سلـطان بن ربيـعان[/size][/color][/poem]
    تم التعديل الأخير بواسطة سلطان بـن ربيــعان؛ 27-Sep-2007, 03:12 AM.
  • مرزوق حمدان العتيبي
    مشـرف عام
    • Nov 2003
    • 20403

    #2
    ...
    ..
    .
    عتبان يـوم ان الليالـي عسيـرات
    عدونـا مايهتنـي فــي منـامـه
    صغيرنـا ماينفطـم بـا المـلـذات
    على الشجاعـه والشهامـه فطامـه
    وكبيرنـا يسعـى لمرامـه بهمـات
    لو هو ورا سهيل اليمانـي مرامـه
    وخوينا يامن مـن الخـوف مابـات
    وياسعد منهو بـا الملاقـا حزامـه

    ...
    حياك الله تحيات المطر ياسلطان...
    بيض الله وجهك وصح الله لسانك على هالجزاله
    الغير مستغربه ...
    [align=center]
    [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
    حط حبه في كياني ماتغيّره السنيني = وانثني من دون عرضه بالذراع وباللساني[/poem]







    @Marzouq_MHD
    [/align]

    تعليق

    • ابن نميان
      فريق التصميم والتطوير
      • Jul 2005
      • 2581

      #3
      أرحب والله وحي الله الجزاله كلها
      ..
      .
      حنا سيوف الدين وقـت المهمـات
      ......................اليا اشتبه بيـن الحـلال وحرامـه

      أنا أشهد كفو يالقرم
      أشهد أنك سمرت القاف تسمير

      بيض الله وجهكـ يابن ربيعان
      ’,’




      ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’,

      [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

      تعليق

      • ناهس بن نايف
        عضو نشيط
        • Apr 2006
        • 44

        #4
        صح لسانك يابن ربيعان وماقصرت

        تعليق

        • أبو نجر النفيعي
          مشرف سابق
          • Jun 2006
          • 6683

          #5
          ..

          الله الله الله ..

          قصيده في قمّه الجزاله والابداع ..

          وصح لسانك واعتلا شانك , يا سلطان ..

          وسجل اعجابي بأسطرك

          .

          وفي انتظار جديدك بشغف ..

          ..

          أخوك..
          .....




          تعليق

          • البارع
            عضو فضي
            • May 2007
            • 208

            #6
            كفو ثم كفو ثم كفو

            ولاهي غريبه منك وانت حفيد (مسلط...وسلطان..وعمر)


            واسجل اعجابي ....... يابن العـــــــــــــــــــــــم

            تعليق

            • :: الغربـــي::
              عضو
              • Aug 2007
              • 6

              #7
              السلام عليكم ورحمة الله وبركاته


              ماقصرت يابن ربيعان بيض الله وجهك
              على القصيده الجميله

              تعليق

              • سلطان بـن ربيــعان
                عضو
                • Sep 2007
                • 25

                #8
                اخي الشاعر مرزوق العتيبي

                صح بدنك

                ويشرفني مرورك الكريم

                تعليق

                • سلطان بـن ربيــعان
                  عضو
                  • Sep 2007
                  • 25

                  #9
                  الشاعر بن نميان
                  لاهنت ولاهان مرورك


                  وماعليك زود طال عمرك

                  تعليق

                  • سلطان بـن ربيــعان
                    عضو
                    • Sep 2007
                    • 25

                    #10
                    الشاعر ناهس بن نايف


                    صح بدنك ويشرفني مرورك

                    تعليق

                    • سلطان بـن ربيــعان
                      عضو
                      • Sep 2007
                      • 25

                      #11
                      الشاعر ابونجر


                      لاهنت


                      الابداع هوا كلماتك ومرورك الجميل

                      تعليق

                      • سلطان بـن ربيــعان
                        عضو
                        • Sep 2007
                        • 25

                        #12
                        الشاعر البارع


                        ماعليك زود يابن العم

                        وسلمت وسلمت يمناك

                        تعليق

                        • سلطان بـن ربيــعان
                          عضو
                          • Sep 2007
                          • 25

                          #13
                          الشاعر الغربي

                          صح بدنك

                          مرور ٍ كريم من رجل ٍ كريم
                          تم التعديل الأخير بواسطة سلطان بـن ربيــعان؛ 23-Sep-2007, 01:08 AM. السبب: خطا

                          تعليق

                          • فهيد مقعد الرويس
                            شـــاعــر
                            • Sep 2005
                            • 2284

                            #14
                            صح السانك ياسلطان

                            مدد بلاعدد

                            عقد فريد زهته النوادر الجزله من المعاني الحقيقه

                            التي تدل على الشعر الحقيقي

                            الله يعطيك العافيه يابن ربيعان

                            شكري وتقديري

                            تعليق

                            • سلطان بـن ربيــعان
                              عضو
                              • Sep 2007
                              • 25

                              #15
                              شكري وتقديري لك يا الشاعر المحترم


                              مرورك وكلماتك زادت على هذاا الصفحه جمال


                              لاهنت وبيض الله وجهك

                              تعليق

                              العمل...