قسم بالله لو قلبي حدابي للمهانه يوم ^ ولو عزم وهو قلبي لاتله واقطع عروقه

طي
X
 
  • التوقيت
  • إظهار
مسح الكل
المشاركات الجديدة
  • حمود الحبيل
    عضو
    • Dec 2006
    • 6

    #1

    قسم بالله لو قلبي حدابي للمهانه يوم ^ ولو عزم وهو قلبي لاتله واقطع عروقه

    [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    الاياليل لو بشكـي ابشكـي هاجسـي للنـوم=وابصرخ لو بغى حلمي يهز القلـب ويعوقـه

    عرفت ان السعاده كوم وثلثين الكرامـه كـوم=وعرفت ان الزمن مهماحدابي ماجرع حروقه

    عرفت ان العمر فاني واعرف ان القدر محكوم=واعز القلب لو ينزف ولوهـو عذبـه شوقـه

    قسـم بالله لـو قلبـي حدابـي للمهانـه يـوم=ولو عزم وهو قلبي لأتلـه واقطـع عروقـه

    اعرف اني الى مني طعنت بحربـة المقسـوم=مدام الله كتب لي شي بيجي لي يـوم واذوقـه

    تعلمت ان الصبر طبعي ولا تثر علـي همـوم=امني نفسي بنفسي واعسـف الفكـر واسوقـه

    اقدر خوة الطيـب ويربطنـي وفـا وسلـوم=واعاف الكاذب التايه وعمري ماطرق طروقـه

    تعلمت اشلع بعزي ولا ارخي نظرتي لرخـوم=اشوف ان القمر شامخ واحس بعزتـي فوقـه

    احب اليل لامنه سهابـي عـن عتـاب ولـوم=واحب اساهر نجومي واحب الصبح وشروقـه

    واحب البر ودروبـه وشبـة ضـوه الملمـوم=واحب الطير لامنه كفـخ واحتاسـت سبوقـه

    تعلمت اشمخ بأصلي ولا لي في الردى ملزوم=رفعني ربي بعـزي وحكُـم للـردي طوقـه

    تربينا على العزه قروم ٍ مـن ظهـور قـروم=ولانسكت على باطـل وكـل ٍ ياخـذ حقوقـه

    لطمنا هيبة العايـل شمخنـا والعـدو ملطـوم=لنافي قمـة العـزه شمـوخ امجـاد موثوقـه

    سلكنا منهج العـزه صبرنـا والعلـوم علـوم=شهد خيل وشهد رمح ٍ وسيف ٍ )شعت بروقـه

    طلال وقادها مسلـط وصفـت للقايدالزيـزوم=نهار ٍ ثار به عجه وعلت بـه رايـة الروقـه

    ومن بعده ابن هندي برز صيته حريب القوم=برز صيته اخو نوضا رجح رايـه ومنطوقـه

    ومن بعده الين اليوم رجال ٍ قدرهـا محشـوم=وعزي ربعي عتابه مـن برقـا ومـن روقـه
    [/poem]
  • مخلف الهقاوي
    عضو ماسي
    • Apr 2007
    • 667

    #2
    حمود الحبيل رااااااائعه راااائعه

    جزل جزل وانا اخوك ..

    صح لساااانك حتى انك ترضى

    احتراماتي لك ولأبداعك

    تعليق

    • عايض بن زوير
      شـــاعــر
      • Jul 2007
      • 407

      #3
      ..ياولد الحبيل..

      صح لسانك 00والجزالة ماهي غريبه على من ختمها بالحبيل00

      ..أخوك..

      ؛؛؛؛

      ؛؛؛

      ؛؛
      ؛
      مقاطي الحجاز

      تعليق

      • فارس الباديه
        عضو ماسي
        • Sep 2006
        • 632

        #4
        صح لسانك يالغالي جزله وبيض الله وجهك ولا هنت

        تعليق

        • حمود الحبيل
          عضو
          • Dec 2006
          • 6

          #5
          [align=center]مخلف الهقاوي


          مقاطي الحجاز


          فارس الباديه


          يعطيكم العافيه على هالحضور الفاخر


          صحت ابدانكم ولاهنتم


          تقبلو تحيتي
          [/align]

          تعليق

          • محب الهيلا
            عضو ممـــيز
            • Nov 2007
            • 20292

            #6
            [align=center]صح لسانك

            مشكور وماقصرت
            [/align]

            تعليق

            • عبدالله الجـــذع
              مشرف منتدى قصه وقصيده
              • Sep 2007
              • 8093

              #7
              صح لسانك مليون وقصيده جزله يالجزل...
              قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


              .
              قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
              فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

              .

              موقع يضم جميع القراء


              هنا

              تعليق

              العمل...