قيلت في احدى المناسبات في شيخ النفعة (شبيب بن علوش بن حجنه)

طي
X
 
  • التوقيت
  • إظهار
مسح الكل
المشاركات الجديدة
  • mohmmedot
    عضو فعال
    • May 2005
    • 109

    #1

    قيلت في احدى المناسبات في شيخ النفعة (شبيب بن علوش بن حجنه)

    [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    سلام يا حضرة جناب الفضيله=شيخ الشيوخ اللي سما بالشكاله
    ازهم بنات الفكر ولا هي ابخيله=وأنقــا من الابيــــات عمــــق وجزاله
    وآخذ سمـين القول واتـرك هزيله=وأمـوت ما قالوا هــــل العرف عاله
    وإن كان راع القيل صرب حصيله=أنا لها لا كــف كــــلٍ حباله
    آرد لجم البير وأمـلا صميله=ويروي عطاش الكبــد صافي زلاله
    وإن كان راس العلم يقـدح فتيله=الزنــد يـــوري والمواقف إجلاله
    جيتك وراع العرف قلبه دليله=وأنا الجواب اللي يسابق سؤاله
    افتح كتاب الطيب وأقرا الفصيله=وأدري بجدانك جذور الاصاله
    ياابن العظيم اللي يقود القبيله=يا أبن الشيوخ محققة كل طاله
    (شبيب) يا نافل على كل جيله=اسمٍ من المدحات يا كم ناله
    الطير يرفع فوق وكره هديله=والشعر يسما فالجالس جماله
    يا مرحبا لا جيت علم الصميله=باسمٍ تعلى من المعالي إطواله
    الدار دارك والتحايا وسيله=وإلك القلوب الحب تحمل جباله
    ولا جابكم علم العميـل لعميله=أقول يا نعم الاسم والسلاله
    من راس (علوش) المراجل سليله=بالطيب تشرب لين حد الثماله
    وأدري أنا بـ(نجر) المسمى وأخيله=كمٍ حريبٍ بأبتر الحد شاله
    جاه العرافا قبل وادخل دخيله=وأرخا عليه أطراف بشته عداله
    لين الشريف اعياه طردت سبيله=والمـوت من دونـه تـــراديد قاله
    وبشلفا شبيب أمثال تُضرب مهيله=وتُذكر فعول الطيب مع كل حاله
    كمٍ صبين راح يبكي خليله=ينثر عليه الدمع هاله وهاله
    والجيـل الأول كان يخـلق مثيله=أنا أقول إن الله وهبنا بداله
    لانك بعد بأفعال مثله نبيله=تصعد سما للطيب رمز ودلاله
    اسمٍ على مسمى وحمله تشيله=من العهد الأول لين تالي عياله
    (شبيب بن حجنه) افعولك جميله=شرفت راع الحفل يوم احتفاله
    فيك التواضع والتواصل فضيله=وكلٍ يقول الخير باقبال فاله
    يا شجرة المعروف عيشي ظليله=خضرا ورق ما هيب يابس هلاله
    وأقول كلمة حق في كل ليله=الله يديم اللي نتفيا ظلاله[/poem]
    تم التعديل الأخير بواسطة mohmmedot؛ 12-Sep-2007, 11:26 PM.
  • مرزوق حمدان العتيبي
    مشـرف عام
    • Nov 2003
    • 20403

    #2
    ...
    .
    اولا مرحبابك يامحمد افتقدناك والحمدلله على سلامتك
    .....
    افتح كتاب الطيب وأقرا الفصيله
    .......... وأدري بجدانك جذور الاصاله
    ياابن العظيم اللي يقود القبيله
    ..........يا أبن الشيوخ محققة كل طاله
    (شبيب) يا نافل على كل جيله
    .......... اسمٍ من المدحات يا كم ناله

    كفو كفو وصح لسانك ....
    [align=center]
    [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
    حط حبه في كياني ماتغيّره السنيني = وانثني من دون عرضه بالذراع وباللساني[/poem]







    @Marzouq_MHD
    [/align]

    تعليق

    • مخلف الهقاوي
      عضو ماسي
      • Apr 2007
      • 667

      #3
      من راس (علوش) المراجل سليله
      ............بالطيب تشرب لين حد الثماله
      وأدري أنا بـ(نجر) المسمى وأخيله
      ............كمٍ حريبٍ بأبتر الحد شاله
      جاه العرافا قبل وادخل دخيله
      ............وأرخا عليه أطراف بشته عداله

      محمد يامرحبا حياك الله

      وصح لسانك حتى ترضى

      احتراماتي

      تعليق

      • فهد النفيعي
        مشرف سابق
        • Dec 2005
        • 11363

        #4
        كفو بن حجنه يستاهل اكثر
        ولاهنت على القصيده

        تعليق

        • mohmmedot
          عضو فعال
          • May 2005
          • 109

          #5
          الأخ / مرزوق العتيبي المشرف العام ومدير المنتديات الأدبية

          الأخ / مخلف الهقاوي

          الأخ / ابن الدلوح

          أشكر لكم كريم المرور وطيب المشاعر

          تعليق

          العمل...