تشهدلك العتبان ومطيرشهٌاد..وتشهدجهينه مقدم العارفيني,, في( صياف الحربي)

طي
X
 
  • التوقيت
  • إظهار
مسح الكل
المشاركات الجديدة
  • بدرالهبيري
    شـــاعــر
    • Jul 2007
    • 370

    #1

    تشهدلك العتبان ومطيرشهٌاد..وتشهدجهينه مقدم العارفيني,, في( صياف الحربي)

    [align=center] ......... بسم الله الرحمن الرحيم .........




    السلام عليكم ورحمة الله وبركاته وبعد ..............................
    رحم الله شاعرنا الكبير شاعر الخليج :صياف بن عواد السحيمي
    هذه مرثيه في فقيد حرب وفقيد شعرالمحاوره وفقيد جمهور شعر
    المحاوره الشاعر الكبير شاعر الخليج (( صياف بن عوادالسحيمي
    الحربي )) عليه رحمة الله , والله انها قليله بحقه ولكن هذاماجادت
    به قريحتي فالموقف والعلم البارز الشاعر صياف الحربي اكبربكثير
    من حروف تقال ولكن لابد من وضع مشاعري بفقد هذا الشاعرواثره
    عليْ وعلى قبيلة حرب كوني احدافرادها فمهما كتبت وكتبت لن اصل
    الى حجم هذا الشاعرالكبير الذي خدم قبيلة حرب على مدى50عاما ً
    قارع بهارموزشعرالمحاوره في الخليج وكان لسان حرب خلال نصف
    قرن ابلا بها بلاء ا ًحسنا ًوشهد له الكثيرين من رموزالمحاوره من
    قديم الزمان وفي جديده وموقف الشاعر الكبيرحبيب العازمي العتيبي
    بااعتذاره عن المهرجان المقام في دولة قطر الشقيقه لوقوفه بجانب
    ابناء الفقيدعليه رحمة الله بالعزاء لهواكبردليل على قدرالشاعرصياف
    عند كبار الشعراء مثل ابوفيصل وايضا ً اعلانه التوقف عن المحاوره
    الى اجل غير مسمى ...............................................
    كذلك يبين مقداره كأخ بغض النضر عن زمالة ابوفيصل معه لسنين
    عديده ومشاركته بعزاء صياف ووقوفه مع ابناءه موقف يشكر عليه
    من القلب وليس بمستغرب على ابو فيصل وأشكره بالنيابه عن قبيلة
    حرب على موقفه النبيل وايضا ً جميع من آلمه فقد صياف من جميع
    القبائل والافراد وجمهور المحاوره بشكل عام ففقده له اثركبير على
    المحاوره وسوف يحدث خلل كبير ولكن البركه بمن هو موجود من
    شعراء حرب وغيرهم وانا هنا لااستطيع ان اتحدث عن مسيرة صياف
    ولن استطيع لأن الحروف لن تعطي شاعرنا العلم لو ربع حقه ولكن
    علينا الاجتهاد والباقي على الله ولااطيل عليكم واترككم الآن مع هذه
    القصيده الرثائيه المتواضعه التي ابين فيها مشاعري وحزني :
    [/align]

    [poem=font="Arial,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]


    يامن يعزيني بفقد ابن عواد = وانا من امس محارب النوم عيني
    تبكيك ياصياف ربعك والاجواد= ويبكيك ود(ن) بالضماير دفيني
    ياحصان حرب اللي اليا قال ماحاد= ياشاعر المعنى بقاف(ن) سميني
    تشهد لك العتبان ومطير شهٌاد = وتشهد جهينه مقدم العارفيني
    وتشهد سليم بحلة الربع من غاد=وهذيل تشهد والعرب شاهديني
    عليك عيني تذرف دموعها ابداد=ولاالوم عيني يابليس اللعيني
    الموت حق وكلنا بندخل الحاد=والمسعد اللي حازدنيا وديني
    مااحد(ن)اليا جت حزته لحظة(ن)ناد= لاشك يذكر غفـْـلْ والافطيني
    وانا بطاري قاف والقاف له جاد= صياف ابن عواد طلق اليميني
    الملعبه من عقب ابو مفلح انكاد= قامت تخاطفها سباع القطيني
    من صغرسنه مامشى درب الانقاد=ولمقارع الشعار ماله عويني
    صياف يارمز(ن)للاشعار واستاد=ياللي لفقدك قام يندى جبيني
    حملت راية حرب ياعرْب الاجداد=وابليت زين ولاتلفــْـظــٌت شيني
    لك ماقف(ن) مابين مصدر وميراد=ومثـبْـته راع الكلام الرزيني
    يافخـْرَنا وسط المحافل والاعياد=يادرعنا اللي قاسي (ن) مايليني
    تاريخ حافل بالمعالي والامجاد=من مثل ابن عواد ياسامعيني
    لاعاد يوم(ن) غاب صياف لاعاد = عقبه محاجر ناضري شوك تيني
    مابه منام ولاتهنيت برقاد=والعين تدمع والشقا زاد فيني
    وانا ادري ان بكاي فرقاه مافاد=لاشك مابه حيلة(ن) في يديني
    مالي جدا كود البكا والتنهْاد= يسراي تصفق من فراقه يميني
    الله يبيحك عد ماينطق الضاد=اليعربي .. بلسان فصحه .. يبيني
    عسى ان لك في جنة الخلد ميعاد=وبك نجتمع مع ساير المسلميني
    وعسى بقبرك بارق النور ينقاد=عساه جنه وردها له يزيني
    مرحوم ياتاج (ن) على الراس واضماد= مرحوم ياذخر(ن)لنا كل حيني
    عسى البقا في حرب شعْار وافراد=وعسى آخر الاحزان يامْحزْنيني[/poem]

    [align=center]
    والله انها قليله بحق العلم البارز شاعرنا الكبير (( صياف الحربي ))
    ولكن ان كان هناك تقصير فالتقصير مني والعذر منكم والله يرحمه
    ويسكنه الجنه آآآآآآآآآآآآآآآآآآآآآآآآآآآآآآآآآآآآآآآآمييييييييي يييييييييييييين
    تحياتي وتقديري .. بدر عيد ..
    [/align]
  • ابوبجاد الرويس
    عضو مميز
    • Feb 2006
    • 4205

    #2
    الله يرحم ابوعواد والله يسكنه الجنة

    وصح لسانك يابدر على القصيدة الجزله

    ,,,,,,,,,,,,,,,,,,,,,,,,,

    تعليق

    • مرزوق حمدان العتيبي
      مشـرف عام
      • Nov 2003
      • 20403

      #3
      ...
      .
      رحم الله العلم صياف الحربي ....
      وصح لسانك يابدر وبيض الله وجهك ....
      [align=center]
      [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
      فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
      حط حبه في كياني ماتغيّره السنيني = وانثني من دون عرضه بالذراع وباللساني[/poem]







      @Marzouq_MHD
      [/align]

      تعليق

      • بدرالهبيري
        شـــاعــر
        • Jul 2007
        • 370

        #4
        الاخ ابو بجاد الرويس صح بدنك يالغالي
        وامين الله يرحم صياف وشكرا ً على
        حضورك ....
        تحياتي وتقديري .. بدرعيد ..

        تعليق

        • الفراهيدي
          مشرف سابق
          • Jan 2005
          • 3188

          #5
          رحم الله الشاعر العلم صياف الحربي
          ويرحم اموات المسلمين
          وصح لسانك يابدر الحربي


          AL-frahedi@hotmail.com


          تعليق

          • محمد الـعـريدي
            عضو فضي
            • Mar 2007
            • 217

            #6
            الله يرحم صياف الحربي.. ويسـكنه فسيـح جناته . آميــن ..


            بدر الحربي..


            صـح الله لسـانك يالقـرم ولاهـان شـأأأأنك .

            ابدعت طال عمرك ..

            سـجل اعجابي ومتابعـتي ..

            تقبل تحيـات أخـوك : محمد العريدي

            دمت سالما من كل مكروه . .

            تعليق

            • مخلف الهقاوي
              عضو ماسي
              • Apr 2007
              • 667

              #7
              الله يرحمه رحمه واسعه

              ماقصرت يابدر وصح لسانك

              تعليق

              • عز ربعه
                عضو نشيط
                • Nov 2006
                • 70

                #8
                الله يرحمه رحمة واسعة ويسكنه فسيح جناته

                صح لسانك


                دمت بود

                ....عز ربعه

                تعليق

                • بدرالهبيري
                  شـــاعــر
                  • Jul 2007
                  • 370

                  #9
                  [align=center]الشاعر مرزوق العتيبي صح بدنك
                  ومشكور على الحضور والرد ..
                  تحياتي وتقديري .. بدرعيد ..
                  [/align]

                  تعليق

                  • بدرالهبيري
                    شـــاعــر
                    • Jul 2007
                    • 370

                    #10
                    الفراهيدي صح بدنك يالغالي وماقصرت
                    اللهم امين لاهنت على الحضور ..
                    تحياتي وتقديري .. بدرالهبيري ..

                    تعليق

                    • بدرالهبيري
                      شـــاعــر
                      • Jul 2007
                      • 370

                      #11
                      تم النشر في الأصل بواسطة محمد الـعـريدي عرض المشاركة
                      الله يرحم صياف الحربي.. ويسـكنه فسيـح جناته . آميــن ..


                      بدر الحربي..


                      صـح الله لسـانك يالقـرم ولاهـان شـأأأأنك .

                      ابدعت طال عمرك ..

                      سـجل اعجابي ومتابعـتي ..

                      تقبل تحيـات أخـوك : محمد العريدي

                      دمت سالما من كل مكروه . .
                      الاخ العزيز محمد العريدي
                      صح بدنك ولاهنت على الحضور اعجابك تاج اضعه على راسي
                      والله يبيض وجهك على حضورك الجميل ..
                      تحياتي وتقديري .. بدرعيد ..

                      تعليق

                      • بدرالهبيري
                        شـــاعــر
                        • Jul 2007
                        • 370

                        #12
                        الاخ الكريم مخلف الهقاوي : صح بدنك يالغالي
                        حضورك شرفني لاهنت على المشاهده والرد ..
                        تحياتي وتقديري .. بدرعيد ..

                        تعليق

                        • بدرالهبيري
                          شـــاعــر
                          • Jul 2007
                          • 370

                          #13
                          الاخ العزيز عز ربعه : صح بدنك والله
                          يرحم صياف اامين ولك مني كل الود
                          والاحترام والتقدير لاهنت على الحضور ..
                          تحياتي وتقديري .. بدرعيد ..

                          تعليق

                          العمل...