تكفون خلو رهيف القلب في حاله

طي
X
 
  • التوقيت
  • إظهار
مسح الكل
المشاركات الجديدة
  • حمود الحبيل
    عضو
    • Dec 2006
    • 6

    #1

    تكفون خلو رهيف القلب في حاله

    [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    ياناس خلو رهيف القلب فـي حالـه=خلاص يكفي سكبتو دمعـه الغالـي
    يحب ! يعشق ! يعيش الليـل بأمالـه=يسج ! يسهر ! يناجي ليلـه السالـي
    خلوه يعشق ولومو العشـق وافعالـه=وش تطلبونـه مـدام القلـب ميالـي
    كيفي وكيفه ونبض الشـوق غنالـه=وامسى يغرد خفوقـي يـوم غنالـي
    ايه اقدحي يابيـوت الشعـر بجزالـه=ابعترف بك مـدام الشعـر مدهالـي
    ان كـان للشعـر شيطانـه وموالـه=بعسف شياطين شعري لين ترخالـي
    ايه اعشقه واعشقه واموت بوصالـه=يفز فكـري واهـده يـوم يطرالـي
    اليا فقدته اشوف المـوت واضمالـه=يمـر مثـل السـراب اليـا تهيالـي
    يثور شوقه الي من جيت فـي بالـه=اكيف شوقي وهو دايم علـى بالـي
    يطيب فالي الى من طاب لـه فالـه=ويطيب فاله الامن طاب لـي فالـي
    نوب ٍ اكابر ويسوق هبالـي هبالـه=ونوب ٍ يعاند ويتـل هبالـه هبالـي
    احاول اروي شعوره عشق واروى له=وابيه لامن روى يرجع ويضما لـي
    يابخت منهو سعا له لين يسعـى لـه=يابخت قلبـي بقلبـه يـوم يسعالـي
    لامن سألته عـن الخفـاق واحوالـه=يتوه صوته ويطـرق غيـر موالـي
    وارد واسأل خفوقك هاه وش حالـه=مسوي انـي مغيـر نبـرة سوالـي
    وتثور حمرة خدوده وترعش وصاله=وتضيع نظرة عيونه فالفضاء الخالي
    واليا سمعتـه يتمتـم والحيـا طالـه=فديت عمرك احبـك يابعـد حالـي
    تهيضت هالضلـوع وذابـت قبالـه=وتنكست بالخفوق وجاك مـن عالـي
    احس قلبـي رفـع يمنـاه وشمالـه=يبايعه بالوفـا لـو الزمـن طالـي
    سلـم متاريسه.مفاتيحه.علـى قفالـه=وسلمه كل عـرق ٍ فـاض بأمالـي
    ومره احسـه كـذا ! فجـأه تهيالـه=مكتوب ! مقسوم ! صدفه ! ياهنيالي
    واحس كنـه تجـرا بكفـه وشالـه=وحط له في شمـوخ العـز منزالـي
    ومره احسه تسـرع حيـل وارثالـه=رهن حياتـه بدنيـا ً مالهـا تالـي
    احـس كنـه كسيـر ٍ شـدة حبالـه=تعلقت بـه عيـون النـاس منشالـي
    كسير واعمى ويد السيـاف تختالـه=سلم شعوره وسيـف العشـق قتالـي
    كلما تبـدد شعـور ٍ يظهـر بدالـه=كن المشاعر تصافق ولا لهـا والـي
    ياعاذلـه ياخاذلـه مالـك ومـالـه=ويالايمـي يالايمـي مالـك ومالـي
    يارعد ياليـل يابـرق ٍ تضـوا لـه=عسى سحاب ٍ هطل بي يرأف بحالي
    سيل عـروق ٍ سقاهـا كـل همالـه=وشتت ضلوع ٍ تهاوى نصها البالـي
    وكسر غصون ٍ جفاها الوقت بأهماله=تسابقـت لليبـاس ولالهـا ظلالـي
    في يوم كانت رياض غصون ميالـه=تظل قلبـي وتحـرق كـل عذالـي
    في يوم كانت تظل انسـان تزهالـه=لكن جزاها هجير الوقـت باهمالـي
    اصحى زماني تنبه جرحـي الدالـه=صعبه اعيش الزمـان الـي تعدالـي
    مابغى اتذكرعذاب ٍ كثـرت اشكالـه=مدام ربـي رزقنـي خـل ٍ مثالـي
    فديـت قلبـه وفكـره كلـي فدالـه=يابخـت قلبـي بقلـبـه ياهنيـالـي
    تكفون خلو رهيف القلب فـي حالـه=وش تطلبونـه مـدام القلـب ميالـي [/poem]
    [align=center]
    وسلامتكم[/align]
  • مخلف الهقاوي
    عضو ماسي
    • Apr 2007
    • 667

    #2
    صح لسانك ولي عوده

    تعليق

    • مرزوق حمدان العتيبي
      مشـرف عام
      • Nov 2003
      • 20403

      #3
      ...
      .
      حمود قصيده جزله تستحق الاشاده..
      .. لاهنت ....
      [align=center]
      [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
      فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
      حط حبه في كياني ماتغيّره السنيني = وانثني من دون عرضه بالذراع وباللساني[/poem]







      @Marzouq_MHD
      [/align]

      تعليق

      • ابوبجاد الرويس
        عضو مميز
        • Feb 2006
        • 4205

        #4
        الله الله

        صح لسـانكـ .,,,,,,,,

        تعليق

        العمل...