أعيش في نجد العذية على الطيب

طي
X
 
  • التوقيت
  • إظهار
مسح الكل
المشاركات الجديدة
  • النايع

    رابطة محبي الهيلا

    • Jul 2006
    • 1050

    #1

    أعيش في نجد العذية على الطيب

    أعيش في نجد العذية على الطيب

    سلام
    إليكم هذه الأبيات المتواضعة أتمنى أن تحوز على رضاكم. ومناسبتها هو أني بعد أن من الله علي بالتخرج قدمت على مجموعة من الوظائف في إحدى الوزارات. وتم قبولي. ويوم جيتهم. قالوا أن مقر الوظيفة في بيشة هناك في الجنوب!
    يوم دريت أنها بعيد تركتها. وقلت خيرها بغيرها. عقب ما دروا الجماعة إني رفضت الوظيفة. بدوا العذال. (أنت مهبول. الناس ماعاد تلقى وظايف. الناس ذبحها الجوع... إلخ. وانت جايك رزق من الله وترفضه يالمهبول!).
    قلت لهم: يالربع على هونكم. أعيش أطق بيبان الروقة واشحذهم. أشوى من إني عيش ميسور الحال في دير الأجناب. أتركوني الله يرحم والديكم!

    عاد تمثلت بها الأبيات..... أقول

    [poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    يالله يا معبود يا عالم الغيب = يا كاسي الحيد الطويل بحشيشه
    تفرج لمن قلّت عليه المهاذيب = راح الزمان وسهم قوسه يريشه
    كني بغارٍ رابضٍ قدمي الذيب = و وراي دابٍ هد قلبي وشيشه
    تلعب بي العالم وانا اعيل واصيب = وإبليس حطوني وزيرٍ بجيشه
    والله يا لولا الميز وادرى من العيب = لا اقول كل الناس هاذي خريشة
    ناسٍ تلقّف ما تعرف المواجيب = منطق نباهم حط راسك بخيشة
    واللي تحسب انه حصان الاطاليب = صيّور ما تلقى علومه كديشة
    ويا خوي يا مشكاي كب العذاريب = تكفى يا ابو نواف صك الدريشة
    يا خوك انا عن نجد ما ودي أغيب = وشمّة هبايب نجد شطر المعيشة
    أعيش في نجد المسمى على الطيب = آرَد ركايا ماه واقضم هبيشه
    وجوٍ يروده من سحيتة عواقيب = أخير من طخ البرد فوق بيشة
    إن كنت ثاوي في ديار الأجانيب = أصبر على ضيم القلوب الغشيشة
    ولاني وانا نايف على كل ما اجيب = أخاوي البيشي واجاور عريشه
    وقد قيل بالأمثال حقٍ بلا ريب= ما من ورى بيشة يا بو زيد عيشة[/poem]

    وسلامتكم
  • أبو نجر النفيعي
    مشرف سابق
    • Jun 2006
    • 6683

    #2
    ..
    .
    الله الله الله يالنايع ...
    ابداـــــع ابداـــــــع..
    صح لسانك واعتلا شانك .. قصيده تستحق الثنى عليها ..
    دومت للابداع ..
    .
    .....




    تعليق

    • النايع

      رابطة محبي الهيلا

      • Jul 2006
      • 1050

      #3
      شاعرنا المميز أبو نجر النفيعي

      والله مرورك يشرفني

      صح بدنك

      تعليق

      • مرزوق حمدان العتيبي
        مشـرف عام
        • Nov 2003
        • 20403

        #4
        ويا خوي يا مشكاي كب العذاريب
        تكفى يا ابو نواف صـك الدريشـة
        يا خوك انا عن نجد ما ودي أغيب
        وشمّة هبايب نجد شطر المعيشـة
        ....
        .

        ان كان بي عذروب حبي لهل نجد
        ------------- احبها واحب شمة هواها
        ..
        النايع الاكيد انك رائع ....
        قصيده جزله من جزل
        عليها نقول الف صح لسانك ...
        ...
        [align=center]
        [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
        فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
        حط حبه في كياني ماتغيّره السنيني = وانثني من دون عرضه بالذراع وباللساني[/poem]







        @Marzouq_MHD
        [/align]

        تعليق

        • رشيد النقريني
          عضو فعال
          • Apr 2007
          • 194

          #5
          صح لسانك وعلى شااانك وبيض الله وجهك اخوي

          قصيدة جزله من رجالٍ جزل


          ولاهنـــــــــــــــــــــــــــــــــــــــــــــ ـــــــــت

          تعليق

          • مخلف الهقاوي
            عضو ماسي
            • Apr 2007
            • 667

            #6
            النايع..ابداع حقيقي لاهنت وصح لسااانك ننتظر ابداعك القادم

            تعليق

            • الــوآفــي
              عضو اداره
              • Mar 2003
              • 3629

              #7
              الله لا يلومك في نجد وفي بيشه


              قصيده جزله جزله جزله جزله


              صح لساااااانك يا نايف مليووون


              معاناه نعانيها من بعض القريبين منا وهو الحرص الزايد وعدم بعد النظر


              والمكتوب حاااااااااااصل لنا على كل حال


              لك كل التحيه يابن العم
              [align=center][flash=http://assa97.jeeran.com/azzoz.swf]WIDTH=450 HEIGHT=350[/flash]



              [align=center]



              [align=center]ليا جاء طاري الهيــــــلا يفز القلب فزة شوق[/align]






              ألبوم صور



              مدونه مميزه



              [/align][/align]

              تعليق

              • ابوبجاد الرويس
                عضو مميز
                • Feb 2006
                • 4205

                #8
                مشكور ولاهنت يالنايع

                على القصيده الرائعه

                ولك مني احلى تحيه من اخوك اوبجاد

                تعليق

                • النايع

                  رابطة محبي الهيلا

                  • Jul 2006
                  • 1050

                  #9
                  أبناء العمومة الكرام

                  مرزوق العتيبي
                  رشيد النقريني
                  مخلف الهقاوي
                  ذيبان
                  ابو بجاد الرويس

                  صحت أبدانكم جميع

                  وحياكم الله

                  تعليق

                  • عاشق النور
                    عضو فعال
                    • May 2007
                    • 117

                    #10
                    [align=center]اخوي النايع ( نايف )

                    قصيده رائعه بكلماتها وبعانيها والصور التعبيريه

                    والقافيه صعبه وانت ابدعت فيها

                    مهما اقول عاجز عن التعبير ومجارات ابياتك الرائعه

                    والله لايلومك في نجد وعشانك هيضتني بقولك بيتين لي

                    جيتك وانا يانجد بالحيل مشتاق وقلبي من اللوعات يانجد محروق

                    ياكثر حبي لك وياكثر الاشواق وغلاي لك مايعرفه اي مخلوق

                    لا ابعدت عنها ياهلي خاطري ضاق مارتاح احس اني على طول مخنوق

                    هذي بعض ابيات القصيده واتمنى ان تعجبك

                    وتقبل تقديري[/align]

                    تعليق

                    • النايع

                      رابطة محبي الهيلا

                      • Jul 2006
                      • 1050

                      #11
                      [poem= font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                      جيتك وانا يانجد بالحيل مشتاق = وقلبي من اللوعات يانجد محروق

                      ياكثر حبي لك وياكثر الاشواق = وغلاي لك مايعرفه اي مخلوق

                      لا ابعدت عنها ياهلي خاطري ضاق = مارتاح احس اني على طول مخنوق [/poem]

                      أبن العم عاشق النور

                      أبياتك مقبولة وبلا شك هي محل إعجابي بسبب قوة الحبك والسبك وشرف المعنى

                      شرفني مرورك
                      تحياتي

                      تعليق

                      • عبدالعزيزالسلولي
                        عضو نشيط
                        • Jun 2007
                        • 63

                        #12
                        يا عــــــتيبه ولـــــدكم بين (قوســـين) ضـــاع

                        ما سكن ديـــــــرة الأبطال غــــــــير الــــشجاع
                        000000000ديــــــرةً ماسكنها الا كــــــريم الـــــسبال

                        ما ســــــــكنها بــــــخيل ولا سـكنها رعــــــاع
                        000000000اذعـــــــن العلم وأفهم يا طويل الـــــخطال

                        بيشة الـــــــــخير يا نــــايف تـــراها شـــــعاع
                        000000000نـورها اللي تلائلئ فـــــوق شم الــــــجبال

                        شاهده بأم عــــــينك لانــــــــــزعت الـــــــقناع
                        000000000ما يصيب الـــــكلام الا بـــــصدق الــــــمقال

                        الـــــــكرم والـــــشهامه في ولــــــدنا طـــــباع
                        000000000راضع(ن) من حليب أمــه حــــــميد الــخصال

                        الـــخصال الــــــحميده ما تـــــــجى بــــــصتناع
                        000000000ولا يشد بالظهر غير الـــــــــرجال الــــشكال

                        الــــــشجيع الـــــمعرب له صـــــفه وانـــــــطباع
                        000000000الشجاعه ورثــــــها من أســـــود الــــحيال

                        من ســـباع(ن) تـــربت في عـــــرين الـــــــسباع
                        000000000من سباع(ن) ترفع مــــــن جحور الــــــثعال

                        بيشة الــــــخير غـــــابه يا وغــــــيد الــــــرضاع
                        000000000كان تجهل نباها خـــذ من الــــــعلم فـــــال

                        بيشة الـــــعيش فيها ومــــــا ورهـــــا جـــــــياع
                        000000000الــعذر يا قبائل يــــوم ضــــــربنا الـــــمثال

                        ودي أشرح و يـــــفهم عـــلـــــــــــمنا بـــقتناع
                        000000000كل جــــاهل يجاوب لا طــــرح له ســــــــؤال

                        وان تطاول عــــــقب فهمه غـــــسلـنا الـــــشراع
                        000000000لين يـــرضى ويـــــعدل عقب ذاك الــــــميال

                        والهجوم ما يجي ضـــــده يـــــوكون الــــدفــــاع
                        000000000ضــــربة(ن) باليمين ولا طـــمة(ن) بالــــشمال

                        من يكيل الــــــخزى قــــــنطار نـــــعطيه صـــــاع
                        000000000وأقصري يا حـــباله بالـــــــسيوف الـــسلال

                        الــــــمثل يا الـــعتيبي لـــــــه بـــــــنود وســـــاع
                        000000000لا تكـــــــرر ســــــوات الببغاء رح تــــــعال

                        المثل يا طـــويل الـــــــــعمرصـــــــيت(ن) يــــــذاع
                        000000000من عصور(ن) قـــــديمه والــــمثل ذا يـــــقال

                        الـــــقبائل فــــــي بـــــيشة كــــــلبوها شــــــباع
                        000000000من فـــــضل ربي الـرحمن راعـــــــي الكمال

                        التمر في عــــــذوق الــــــغرس يـــــــهدا ويــــــباع
                        000000000كا الـــجواهر معلق في عـــــنوق الــــــطوال

                        صفري بيشه ولـــــونه كا الـــــذهب لـــــــه لـــــماع
                        000000000مـــــن مناجم بـــــــلدنا رزقـــــنا بالــــــحلال

                        سٌوقه كــــــــل تاجـــــــر في جـــــــميع الــــــبقاع
                        000000000ثروة(ن) تشبه الــــبترول لــــــه راس مـــــــال

                        كـــــم كــــريم(ن) شرى مـــن تــــمرنا مــــــستطاع
                        000000000قــــــدمه في صــــــحونه بين صفر الـــــــدلال

                        وبـــــــــيشة الـــــخير فيها يا الــــــعتيبي مـــــتاع
                        000000000شوفة البل عطايا الله عــــــــــظيم الـــــــجلال

                        بين مجهم وصــــــفراء وبين وضــــــــح(ن) ربــــــاع
                        000000000مربعه دون راعــــي ولا تـــــــعرف الـــــــعقال

                        أمنه مــــــــــن نماره وأمـــــــنه مــــــــن ضــــــباع
                        000000000أمنه في حمى الله ثم رجـــــــــال(ن) عــــــتال

                        ثم شــــــــــاهد قلوب الناس بــــــيض(ن) نــــــــصاع
                        000000000ذي قلوب أهـــل بيشه لا وصــــــفنا بــــــخيال

                        تــــــــشبه الــــــــصايره والمجد قــــــمه وقـــــــاع
                        000000000في شموخ الجبل عــــــزه ورمـــــز ومـــــــثال

                        هــــذي علـــــومنا والــــــــعلم قــــــــله قـــــــناع
                        000000000وأن قـــــــصر علمنا وأن طال جبنا الـــــــجزال

                        ولا عـــــندي السوالف والــــــورق والــــــــــــطباع
                        000000000 شاعـــــــر(ن) ما نقلت الا الـــــــعلوم الـــــثقال

                        فــــيه عــــــــلوم(ن) يخالف أمــــــرها ما يــــــطاع
                        000000000هاجسي ما نقلها فــــي جـــــــميع الــــــمجال

                        وفـــيه عـــلوم(ن) لها فــــي القلب رنــــه ويــــقاع
                        000000000لا نــــطقها لـــــــساني يـــــــنطلق بــــــنفعال

                        والــــــعلوم الـــــهزيله حبلها فــــــــي انــــــقطاع
                        000000000ما نقلها يكون رجــــل(ن) بــــــراسه خـــــــبال

                        ياعتيبه ولــــــــــدكم بين (قــــــــوسين) ضـــــــاع
                        000000000ضـــــاع بين السمان وضــــــاع بين الــــــهزال

                        لــــــين علمه تــــــسرب عــــــندنا ثـــــــم فــــــاع
                        000000000نحسبه مــــــــن شغاميم الــــــقروم الـــــــعيال

                        ما يجاري الزحـــــــــول الا زحــــــول(ن) تـــــــراع
                        000000000جـــــــــيرة اللي تـــــــنومس جيرته للـــــــرجال

                        طيبنا بلسم(ن) يشفي الكـــــــبود الــــــوجـــــــاع
                        000000000دلــــــة(ن) من شـــربها ما أنقطع بالـــــــوصال

                        دلــــــة الــــــطيب ماهي مثل قـــــــدر الـــــقطاع
                        000000000والــــــنفوس الــــــــمريضه شـــــــربها من زلال

                        كب بيشه وهــــــــــــلها وانت ربـــــعك رفــــــاع
                        000000000روق وأن قلت بـــــرقا لا طـــــــمين الـــــــعٌيال

                        يا عــــــتيبه لـــــــكم با لـــــــطيب قامه وبــــــاع
                        000000000ولا يسب الــــــــرجال الــــــــطيبه الا هـــــــتال

                        يا عـــــــتيبه تـــــــرى ولى زمــــــــان الــــــــنزاع
                        000000000كــــــــلنا شعب واحـــــــد راح وقت الــــــقتال

                        لوبقت كـــــــل قبيله في حــــــــريٌب وصـــــــراع
                        000000000كــــــان شـفت الـقبايل نارها في اشـــــــتعال

                        يا عتيبه لكم صــــــــــيت(ن) قديــــــــم مــــــــذاع
                        000000000صــــــــيتكم يا عتيبه دايم(ن) في أعــــــــتدال

                        لا طــــمين الــــــعياله ومـــــــطعمين الــــــــجياع
                        000000000وأن لفى الــــــضيف قمتوا تنحرون الــــــــجمال

                        هذا علـــــــم الـمعاوي وقـــــــبل قـــــــولت وداع
                        000000000ننتظر عـــــلمكم يأتي ســـــــريع(ن) عـــــــجال

                        تعليق

                        • الاد الكريزي
                          عضو فعال
                          • Mar 2007
                          • 132

                          #13
                          [align=center]صح لسانك
                          وبيض الله وجهك
                          وقصيدة مؤثره[/align]

                          تعليق

                          • الشيباني 2000
                            عضو فضي
                            • Sep 2007
                            • 241

                            #14
                            مشكور ياالنايع وماتقصر








                            الشيباني ((2000))

                            تعليق

                            • النايع

                              رابطة محبي الهيلا

                              • Jul 2006
                              • 1050

                              #15
                              [align=center]أبناء العمومة

                              آلاد الكريزي

                              الشيباني2000

                              صحت ابدانكم

                              تحياتي[/align]

                              تعليق

                              العمل...