ياوجود اللي كفوفـه من الأيام بيض

طي
X
 
  • التوقيت
  • إظهار
مسح الكل
المشاركات الجديدة
  • عـايض النفيـعي
    عضو نشيط
    • Mar 2007
    • 35

    #1

    ياوجود اللي كفوفـه من الأيام بيض

    [align=center]إليكم هذه المتواضعه فـ أقبلوها ..[/align]








    [poem=font="Simplified Arabic,5,black,bold,normal" bkcolor="transparent" bkimage="" border="groove,4,gray" type=1 line=0 align=center use=ex num="0,black"]
    ياوجود اللي كفوفه مـن الأيـام بيـض = حاوزن به سـود الايـام مـع شيّابهـا
    أكتب أكتب يا ( عطالله ) وبالخط العريض = الهجـوس مسانعـه والله اللـي جابهـا
    جعله فداك الردي راعي الوجه البغيـض = دوّن وبعلمـك وش يشـيـل كتابـهـا
    لا تكثّرها على اللي يهيض ويستهيـض = والطروق اللي تنقّـد ماقـط غنّـى بهـا
    ينقض ويفتل ومعناه من غيض ٍ وفيـض = ولا نطق له كلمه اللا يحسـب حسابهـا
    أوحني قدّام ياوخي توحي لـي جضيـض = الليالـي ماتومّـن ولا يــدرى بـهـا
    شف بلاويها تحاذف وكل ريع ٍ يفيـض = والبشـر فـي فيّـة سيوفهـا وحرابهـا
    والبشاير حادره مع سحاب ٍ له وميـض = القطا تضماه .. هـذي سـوات ارقابهـا
    لـأستوت عند العرب فالمشتّا والمقيـض = دوك علم ٍ مانقلتـه العـرب لـأعرابهـا
    البنادم صار دمّه مثـل دم ( المحيـض ) = واللحى تكـرم وتكـرم طـوال أشنابهـا
    راحوا الصدقان قـوم ٍ ياربّـي ياحفيـظ = تضحك بوجهك وتوحي ضريس أنيابهـا
    تشتبه برق العبي والقداحين الكضيـض = شالت ولا شالت الـلا تـرى استيعابهـا
    رح وعلّم واحد ٍ جا يبـا منّـا اتعويـض = لا يجينـا كنّـه اللـي تحـرث نصابهـا
    إن سكتنا جا من أقصاه حقد ٍ مستفيـض = وإن تلافتنـا عجـوزه تطـر ثيابـهـا
    علّم اللي عايف ٍ جنبه الطرف الغضيض = رفقة ٍ لا هي بتغـزي ولا يغـزى بهـا
    النميمه جمرة ٍ في ذرى قلـب المريـض = صلوها ياصل وقلب المريض أولى بهـا
    شبعته ترى مثل شبعت أكّـآل القريـض = جايـع ٍ جـا للنقايـد يطـق أبوابـهـا
    نعنبوا هالراس يالدرن أبو لجـن ولفيـظ = هرجة ٍ يبشربها الـدرن مايشقـى بهـا
    والدجاجه تنجب البيض والحـرّه تبيـض = مار ياهنيّ الدجاجـه علـى مخلابهـا !!
    يالك الله دونه الحلم والحكمـه فضيـض = نشّهن بالمـرو والنـار أخـذ مشهابهـا
    الجزا جنس العمل يابن أبويه لا يغيـض = واحـد ٍ قلّـط فعولـه ولا هلّـى بـهـا
    اجني أعلّمك وينه وأعلّمـك الحضيـض = الحضيض اللي حكت بقعة ٍ صلّـى بهـا





    وســلامتكم

    [/poem]
  • ماله امان
    موقوف لمخالفة الأنظمة
    • Apr 2007
    • 581

    #2

    الاخ عايض النفيعي

    صح لسانك يالغالي0تقديري لك،،،

    تعليق

    • مخلف الهقاوي
      عضو ماسي
      • Apr 2007
      • 667

      #3
      رائع ياعائض ..

      بيض الله وجهك يالقرم..

      جزله من راس جزل

      تحياتي لك


      تعليق

      • ابوبجاد الرويس
        عضو مميز
        • Feb 2006
        • 4205

        #4
        الله الله

        صح لسانـكـ

        وبيض اللـه وجهـكـ

        وتقبل مروري يالغااااااااااالي

        تعليق

        العمل...