نشكي نفوس(ن)للشفيحه لقيحه؟؟؟؟

طي
X
 
  • التوقيت
  • إظهار
مسح الكل
المشاركات الجديدة
  • عبيد المسعودي
    (مهتم باللغة والشعر)
    • Jan 2007
    • 87

    #1

    نشكي نفوس(ن)للشفيحه لقيحه؟؟؟؟

    السلام عليكم
    هذه قصيدة تحاكي واقعاً موجوداً
    واقعاً تغيرت فيه المبادىء
    واصبح الحليم حيراناً
    أسأل الله جل وعلا
    أن يكفينا وإياكم كل شر.................آميين
    وإليكم القصيدة

    [poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    الله لِقلب(ن)للشبايب قديحـــه =ودم(ن)بعرْقِهْ من صوادف رِشَاحي
    على جمّة القاف نَـغْرِف قريحــــه = واثْر القريحه مع دموعي طِيـاحي
    انْزَع شمالة ديد ذيك المنيــحه = واثر الدّيود مغرزات(ن)شَحَـــــــاحي
    نَشْكي نفوس(ن)للشّفيحَه لقِــيحَه = وصَقْه(ن)يحالي عويها بالنّبـَاحي
    ناس(ن)تصنّعْ لك وجيه(ن)سميحـه = ونفوسها لسُود المباغض مَرَاحي
    كـنّك عملت الباس ويّا جنـــــيحه = ولاّطعَنْت كبودها بالرِّمــَــــــــاحي
    لاسَمْعت نصيحه تضيق الفسيحــه = كنّك تذرّ المِلْح وسْط الجــِــراحي
    غدَرْها زمان(ن) للمزيحه صريحـــه = وعين(ن)تبارق من لثام الوشـاحي
    ويش العجوز الّلي تخزّك شِبِـــيحَه= بعين(ن)تصيب اهدافها كالسّلاحي
    تصبح نفوس العز هلكى جــــريحه = واجسادهاتعشعش بدود(ن)طفاحي
    سِبّت عجوز(ن)للمرودن لفـيحه = تلبس ردون الغِروْ مَمْسى وصــباحي
    تِغْوي رديّ الحظّ يوم النّطـيحه = بغَنْج(ن)لِدُوغ(ن)بالسّموم الذحــــاحي

    ولاّ عزيز النفس نفسه سبــيحه = غاصت بحور العزّ ملْح وقــــــــراحي

    نفسه عن الغنْجات نفس(ن)سميحه = نفس(ن)بعلم الطيب تصبح لقاحي
    ياالله عفوك عن خطايا قبـــيحه = ومن قيد نفس السّو تطلق ســراحي
    وبجنة الفردوس نِعْمَ الربـيحه = نهر(ن)ونور(ن)بيض حور(ن)نــطاحي[/poem]
    أخوكم /عبيد فهيد المسعودي النفيعي
  • بحر القوافي
    عضو نشيط
    • Jun 2007
    • 30

    #2
    المسعودي



    صح لسانك وعلا شانك




    لاهنت على الجزله

    تعليق

    • ابوبجاد الرويس
      عضو مميز
      • Feb 2006
      • 4205

      #3
      الله الله

      صح لسانكـ

      وبيض الله وجهكـ

      وتقبل مروري يالمسعودي

      تعليق

      • فالح الكرنافـ
        عضو ذهبي
        • May 2007
        • 359

        #4
        صح السانكـ

        وبيضـ اللهـ وجهكـ

        تحياتيـ لكـ

        تعليق

        • أبو صقر

          مشرف انساب وديار قبيلة عتيبه

          • Oct 2005
          • 1710

          #5
          صح لسانك وسلمت يمناك




          تحيتي .......

          تعليق

          • مرزوق حمدان العتيبي
            مشـرف عام
            • Nov 2003
            • 20403

            #6
            ...
            .
            قصيده شامخه مثل شموخ قايلها ..
            ...
            صح لسانك يابو فهيد ..
            ...
            [align=center]
            [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
            فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
            حط حبه في كياني ماتغيّره السنيني = وانثني من دون عرضه بالذراع وباللساني[/poem]







            @Marzouq_MHD
            [/align]

            تعليق

            • أبو نجر النفيعي
              مشرف سابق
              • Jun 2006
              • 6683

              #7
              ..

              صح لساااانك واعتلااااا شاااانك يابو فهيد ...

              قصيدةٍ جزله من راس جزل ...

              بيض الله وجهك ..

              .

              اخوك
              .....




              تعليق

              • عبيد المسعودي
                (مهتم باللغة والشعر)
                • Jan 2007
                • 87

                #8
                بحر القوافي
                أبو بجاد الرويس
                فالح الكرناف
                سطام روق
                مرزوق العتيبي
                أبونجر النفيعي




                لاهنتو يالنشامى
                وصح بدانكم
                وعلاااااااااااااااااااااااااا شانكم
                والله يجزل حظنا وحظكم دنيا وآخرة
                بس لكن في آخر القصيدة لغز؟؟؟؟
                هل لاحظه أحد؟؟؟
                وهو الذي يبدأ بقوله(ويش العجوز...........) ومابعدها من الأبيات؟؟؟
                يله همتكم يالنشامى
                لازم تحلونه
                وسلامتكم

                تعليق

                • أبو نجر النفيعي
                  مشرف سابق
                  • Jun 2006
                  • 6683

                  #9
                  ..

                  وش رايك .. بــ (( الدنيا ))

                  .
                  .....




                  تعليق

                  • راجح النفيعي
                    عضو ماسي
                    • Apr 2007
                    • 935

                    #10


                    الله عليك يا عبيد المسعودي صح لسانك يا الغالي
                    قصيده جزله وطيبه وبيض الله وجهك يا الغالي تقبل شكري وتحياتي



                    أخوك: راجح النفيعي

                    تعليق

                    • مخلف الهقاوي
                      عضو ماسي
                      • Apr 2007
                      • 667

                      #11
                      الله الله ..

                      عبيد رائعه يارائع .. صح لساانك حتى ترضى..

                      اما بالنسبه للغز اللي بدا من قولك
                      ((ويش العجوز))

                      فأعتقد انها ...الدنيا.. كما ذكر اخوي ابو نجر,,

                      تحياتي ومووودتي

                      تعليق

                      • عبيد المسعودي
                        (مهتم باللغة والشعر)
                        • Jan 2007
                        • 87

                        #12
                        ماشاء الله عليك؟؟؟
                        جبتها يابو نجر؟؟
                        بس انتبه يابونجر من هالعجوز؟؟؟؟
                        لاتلعب عليك؟؟؟
                        هههههههههههههههههههههههههههه؟؟


                        هلا والله ياراجح النفيعي
                        وصح بدانك وعلا شانك
                        وجهك أبيض
                        وجعلك حظك جزل دنيا وآخرة
                        أسعدني مرورك


                        مخلف الهقاوي
                        هلا بك يامخلف الهقاوي
                        وصح بدانك
                        والله يعطيك العافية
                        ومشكور على التفاعل
                        ورأيك في محله أنت وأبو نجر
                        مرورك أبهجني

                        تعليق

                        • فيصل المسعودي
                          مشرف عام
                          • May 2005
                          • 8296

                          #13
                          صح لسانك ياعبيد مدد بلا عدد


                          على هالجزله


                          في انتظار جديدك بكل شوق



                          تقديري


                          أخوك


                          فيصل منيف النفيعي

                          تعليق

                          • عبيد المسعودي
                            (مهتم باللغة والشعر)
                            • Jan 2007
                            • 87

                            #14
                            صح بدانك وعلا شانك
                            وشكرا على مرورك
                            تحياتي يابو منيف

                            تعليق

                            العمل...