قصيدة قد تكون مؤلمة ؟؟؟ممنوع دخول أصحاب القلوب الضعيفة؟!!!!

طي
X
 
  • التوقيت
  • إظهار
مسح الكل
المشاركات الجديدة
  • عبيد المسعودي
    (مهتم باللغة والشعر)
    • Jan 2007
    • 87

    #1

    قصيدة قد تكون مؤلمة ؟؟؟ممنوع دخول أصحاب القلوب الضعيفة؟!!!!

    يالربع هذه قصيدة كتبتها إثر موقف تعرضت له
    بالطبع مؤلمممممممممممممممم؟؟
    الله يكفينا وإياكم الشر ويسهّل دروبنا واياكم
    وإليكم القصيدة

    [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

    للوقت لوف(ن) مثل لوف المعاصــــــــــير = وزلازل(ن) ماينْتوقّع زمــــــــــــــــــــــنْها
    تكسر عمود البيت دون المخاطـــــــــــير = ترجف خفوت البيت حزّت سكنْها
    يقصر طويل القاف دون التعابــــــــــــــــــير = يعلن حداد الحِزِنْ ساعة حـــــــــــزِنْها
    وجنايز الحاد القوافي مساطـــــــــــــــــــــير = ترجي كفوف الجَزْل مسّت كفــــــــنْها
    اسمع هروج(ن)واضحات(ن)مظاهــير = قادت هريم الجاش جرّت رســـــــنْها
    وش هالزمان الّي ثباته تغايـــــــــــــــــــــــير= عكس الهوا تِشْرِع شرايع سفـــــــــنْها
    أصبح دقيم الحدّحدّ السّواطـــــــــــــــــير = تمطر سحاب القيظ شِدّة سخَـــــــنْها
    شابه ركيك الر اي ذَرْب التّدابـــــــــــــــير = وطِيِب(ن) بنوك الذِلّ شَرّه رهَـــــــنْها
    عَمْيَتْ عيون(ن)سابرات المناظـــــــــــير = ظنّت كِدِير الشّربْ صافي لبـــــــــــــنْها
    اسمع نصيحي يافطين التفاكـــــــــــــــــــــير = تفهم صعيب القول تذْهَن ذَهَــــــــــنْها
    دخلتِ حرب(ن)قاصِفَات المغاويـــــــــر = يصبح كسير(ن)سابْـقَاتِه غـــــــــــبنْها
    تدفر صتيم(ن)نابيات المدافـــــــــــــــــــير = يدبر كديش(ن)ون تزبّن زبــــــــــــــنْها
    تبرد فشوق النار يوم المساعـــــــــــــــــــــير = يحسب اصاب الموت يوم(ن)طعـــنْها
    ياويل قلبي من جهود المخاســــــــــــــــــــير = ومطامح(ن) ماينْتسمّن بـــــــــــــــدنْها
    تِلْحِقْ توالي الليل صِبْح المساهـــــــــــــــير = وخْراجْ الوَرَمْ ظنّته من سِمَـــــــــــــــنها
    هاذي سلوم اليوم يابن المناعــــــــــــــــــــير = لاوهني الّي صلاتــــــــــــــــــــه رِزَنــــْها
    وطيب النّوايا لاتمنّيت بالخـــــــــــــــــــــير = وابْرَك القسمه يرتجى لك ثمــــــــــــــــنْها

    وعقّل ذلولك عن كثير المشاويــــــــــــــر = وكِبّ العوالي لين يعافك طمــــــــــــــنْها

    وشهق العوالي مبدياتــه محاديـــــــــــــــــر = ورمالها لِعِلْي المداين دفــــــــــــــــــــنْها
    ولايفتننّك فاتنات(ن) معاطـــــــــــــــير = و ماتفْتن غنوج(ن)إلهي لعــــــــــــــــنْها
    من دقِّ باب الناس جَاْ لِه مسايـــــــــــير = لو من سهول الشّام واقصى يمــــــــــــنْها
    ولازم تنوشك شاهبات المغابــــــــــــير = وماتصلح البلّ والمبارِك سجــــــــــــنْها
    مايضرب جهام اللون بيض المغاتــــــــير = إلا بقوم(ن)بالحناجر رطــــــــــــــــــــنْها
    وصلّو على ناقي صِفِي المخابـــــــــــير = مُوعَد جنان(ن) عند ربه ضمـــــــنْها[/poem]


    أخوكم /عبيد فهيد المسعودي النفيعي
  • السميــــــري
    مشرف سابق
    • Jan 2006
    • 2524

    #2



    .

    الاخ عبيــــــــد المسعودي ..

    أبياات في قمة الروعة والجزالة ..

    صح لسانك والله يبيض وجهك ..
    [poem=font="Simplified Arabic,5,sienna,normal,normal" bkcolor="white" bkimage="" border="solid,4,sienna" type=2 line=1 align=center use=ex num="0,black"]
    ربيت في حضن الزمانُ وتربيتْ = وأخذت لي من مرّ الأيام قرطوع
    ومن دون حدي ماغلطت وتعديتْ = ولا آطى الخطاء لو كان للناس مشروع
    وأمشي على نهج الرجال النعاتيتْ = واتعب لها لو هي كما حبةَ الكوع
    ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع[/poem]

    تعليق

    • عبدالله البرقاوي
      عضو فضي
      • Jun 2007
      • 247

      #3
      اخوي عبيد
      ابيات جزله ومؤثره في النفس
      ماقول غير بيض الله وجهك
      وصح لساااانك ملااااااااااااااااااااااااااااااااااااااايين
      انااشهد انها جزله من جزل

      تعليق

      • البدر2006
        عضو ماسي
        • Jun 2006
        • 944

        #4
        الاخ عبيد المسعودي
        بيض الله وجهك والقصيده جزله وجايت من جزل
        ومشكور

        تعليق

        • متعب العصيمي
          مشرف سابق
          • Aug 2006
          • 4855

          #5
          صح لسانك ياعبيد على ألقصيده , وبيض الله وجهك..

          دام العطا..

          ولك كل ألتقدير..

          تعليق

          • مخلف الهقاوي
            عضو ماسي
            • Apr 2007
            • 667

            #6
            اخوي عبيد..رائع ..مبدع ..قصيده مؤثره وجزله بيض الله وجهك.. وصح لساااانك

            تعليق

            • عبيد المسعودي
              (مهتم باللغة والشعر)
              • Jan 2007
              • 87

              #7
              الاخ/السميري
              الأخ/عبدالله محمد العصيمي
              الأخ/البدر2006
              الأخ/متعب العصيمي
              الأخ/مخلف الهقاوي

              لاهنتو على الرد.....
              وبيّض الله وجيهكم...
              وصح بدانكم جميعاً...
              والله يجزل حظنا وحظكم.....

              تعليق

              • مرزوق حمدان العتيبي
                مشـرف عام
                • Nov 2003
                • 20403

                #8
                ...
                .
                صح لسانك ياعبيد على هالقصيده
                الوافيـــــــــــــــــــــه
                [align=center]
                [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
                حط حبه في كياني ماتغيّره السنيني = وانثني من دون عرضه بالذراع وباللساني[/poem]







                @Marzouq_MHD
                [/align]

                تعليق

                • رشيد النقريني
                  عضو فعال
                  • Apr 2007
                  • 194

                  #9
                  صح لسااااااااااانك اخوي

                  وبيض الله وجهك

                  تعليق

                  • فيصل المسعودي
                    مشرف عام
                    • May 2005
                    • 8296

                    #10
                    صح لسانك يابن العم


                    على هالجزله


                    في انتظار جديدك ابو فهيد بكل شوق


                    تقديري

                    تعليق

                    • ابوبجاد الرويس
                      عضو مميز
                      • Feb 2006
                      • 4205

                      #11
                      .

                      الاخ عبيــــــــد المسعودي ..

                      أبياات في قمة الروعة والجزالة ..

                      صح لسانك والله يبيض وجهك ..

                      تعليق

                      • عبيد المسعودي
                        (مهتم باللغة والشعر)
                        • Jan 2007
                        • 87

                        #12
                        الاخوة
                        مرزوق العتيبي
                        رشيد النقريني
                        فيصل المسعودي(ابو منيف)
                        ابو بجاد الرويس
                        لاهنتو على المرور
                        وصح بدانكم وعلا شانكم
                        والله يجزل حظنا وحظكم دنيا وآخرة
                        تحياتي

                        تعليق

                        • صعوط المجانيين
                          عضو ماسي
                          • May 2007
                          • 560

                          #13
                          صح لسانك والله يبيض وجهك ..

                          تعليق

                          • عبيد المسعودي
                            (مهتم باللغة والشعر)
                            • Jan 2007
                            • 87

                            #14
                            تم النشر في الأصل بواسطة صعوط المجانيين عرض المشاركة
                            صح لسانك والله يبيض وجهك ..
                            صح بدانك وعلا شانك
                            وجهك أبيض
                            ياصعوط المجانين

                            تعليق

                            العمل...