كـــن في صدري لواهيز الرهاف ....

طي
X
 
  • التوقيت
  • إظهار
مسح الكل
المشاركات الجديدة
  • عـايض النفيـعي
    عضو نشيط
    • Mar 2007
    • 35

    #1

    كـــن في صدري لواهيز الرهاف ....

    [align=center] قصيده اتمنى أن تنال شي من رضاكم [/align]



    [poem=font="Simplified Arabic,4,black,bold,normal" bkcolor="transparent" bkimage="" border="none,4,white" type=1 line=0 align=center use=ex num="0,black"]
    كن في صدري لواهيز الرهاف المستحدّه = حدّها العظم الدقاق وفصّت جلال العلابي
    ماعدنها الصانع اللي راس مـاله من محـدّه = ماقناها كود قرم ٍ وسط روس القوم رابي
    محتزي له بـ أبلج ٍ واليا زعل يضرب بحـدّه = ماتسدّه فالزعل عكف الشباري والجنـابي
    إن غدى له حق جابه فايض الحق استردّه = العذارى في ضريبه داربن شق الثيـابي
    شوق بنت وعوق بنت ٍ شوقها بالسيف حدّه = ورّده عد المنـايا ياعذابي ياعذابي
    كل مـاحلّ المسا بيّح لي الماخوذ سدّه = نابي ٍ جوف الضلوع وكل شر ٍ فيه نابي
    لا توسّدت الذراع ولا توسدت المخـدّه = شايل ٍ صم الرضم عن راس طحطوح الهضابي
    آه من هم ٍ ياظنـّي لو يجي سكـّان جدّه = صدّروه لـ (حسني امبارك ) وزكـّاه ( الترابي )
    رد هم ٍ جاك غادي ود هم وهم ردّه = الجوادّ اللي تخالف وش نزل بي وش رقابي
    كلّها في كل حزّه مستعدّه مستعدّه = والفتني ولفة ٍ تزهد عساها للذهابي
    كل ماقلت الفرج قالوا لي أنه جاك بدّه = والله أنـّي مانهمت اللا نوابيح الكلابي
    عزّي لحال ٍ تنسـّل كل مكروه ٍ يشدّه = عزّتي للي شبابه قطعة ٍ كنه شبابي
    كل يوم أقول يالله بالعلوم المستجدّه = والبلا في مستجدّه وأعظمه ماكان غابي
    مابناه اليوم صبري هالزمن بكره يهدّه = كومة أنقاض ٍ تخلّي فالفضا مثل الضبابي
    حكم الاستعمار قمع وكل فال الشوم ضدّه = والله أنـّه همّي اللي إعتمى بي والتوى بي
    أفترد بي كنـّه اللي ماتعشـّى واله مدّه = أدهم عشاه نوّخ مثل تنويخ الركابي
    مايحل ولا يحرّم مايبا اعضوده تسدّه = وش يبا السرحان دمّي له تعشـّى من صوابي
    مخبل اللي قال ورّه مخبل اللي قال قدّه = من شبع من كف غيره وش يهمّه لو يبابي
    وش يهمّه ماضرب بحر ٍ يروع القلب مدّه = وش يهمّه ؟ جل همّه هم ورع ٍ فاللعابي
    واللا أنا ماكنـّي اللا من كتب همزه وشدّه = ياضحوك الوقت وافهق إقر ( ممنوع اقترابي )
    أسرح بخمس ٍ تقطــّع وأضوي بعشر ٍ وودّه = كانسات ٍ منوة اللي وأن دفنها للنصـابي
    أدرج الأفكار وأدله فالفجـوج المجـرهدّه = بين ذيدان الخطايا وسط ريضان الصـوابي
    قالوا الجهـّال شدّه ؟ قلت لا عشرين شدّه = قالوا العرّاف دونك ! قلت ياللي ما درى بي
    كل شي ٍ له مقاس مفصّله وقمه وقدّه = والثمين اللي يعيّب مادرجته في حسابي
    اليدين أوكت صميل ٍ نافخه لو ذار خدّه = مايرد الفايته ملح ٍ على الخدّين ذابي
    الفتى يـُقطع يقينه بأمه وخاله وجدّه = قاله الأول تمنـّح وأرتجه وأبليس هـابي
    لا تقول الاصل فالخبيث أبا أستهدّه = الله أنـّه لا يبارك فالخبيث امن الضرابي
    والزمـان اللي يغض الطرف وأحيان ٍ يلدّه = ماكلفته طق بابي ، وأدري أنه حول بابي
    أدري أنـّه ودّه أنـّه يطلق الحجـّان ودّه = والولد وسط العباه وبندقه وسط الجرابي
    تحسب أنـّه لو يجي للصدر نشمي ٍ يقدّه = ويش ظنـّك وش يحصّل مع طعامي مع شرابي
    دارق ٍ فالعوج مدلول الدهور المستبدّه = كنـّها نحت الصفى ونقوش حمران العلابي
    ماتبيد اللا ياربي باضتينك يامصدّه = تستوي مثل العبل حزم ٍ مثل خد الكتابي[/poem]




    [align=center]عايض النفيعي[/align]
  • أبو صقر

    مشرف انساب وديار قبيلة عتيبه

    • Oct 2005
    • 1710

    #2
    صح لسانك صح لسانك صح لسانك
    صح لسانك صح لسانك
    صح لسانك

    قصيد ماهو تنال الرضا تعجب اللي مايعجبه العجب


    تحيتي ........

    تعليق

    • مرزوق حمدان العتيبي
      مشـرف عام
      • Nov 2003
      • 20403

      #3
      ...
      .
      جزاله وابداع ياعايض...
      صح لسانك الى ماله نهايه
      .. اخوك ....
      [align=center]
      [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
      فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
      حط حبه في كياني ماتغيّره السنيني = وانثني من دون عرضه بالذراع وباللساني[/poem]







      @Marzouq_MHD
      [/align]

      تعليق

      • متعب العصيمي
        مشرف سابق
        • Aug 2006
        • 4855

        #4
        صح لسانك ياعايض قصيدة جزله..

        بيض الله وجهك..

        موودتي..

        تعليق

        • البدر2006
          عضو ماسي
          • Jun 2006
          • 944

          #5
          صح لسا نك
          قصيده جزله ومن جزل

          تعليق

          • ابوبجاد الرويس
            عضو مميز
            • Feb 2006
            • 4205

            #6
            الله الله

            صح لسانكـ

            وبيض الله وجهكـ

            وتقبل مروري يالغالي

            تعليق

            العمل...