الله يستر لا يموت الزلامي !!!!

طي
X
 
  • التوقيت
  • إظهار
مسح الكل
المشاركات الجديدة
  • سراب الدمع
    أخو مدين سابقا
    • Jan 2006
    • 104

    #1

    الله يستر لا يموت الزلامي !!!!

    رشيد الزلامي شاعر اشهر من نار على علم يعتبر من اساطير وملوك الشعر فالعصر الحاضر خاض بحور الشعر وروضها فلا أحد ينكر شاعريته فالخليج العربي أتمنى له التوفيق وأطالة العمر....

    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black"]
    الله يستر لا يموت الزلامي = وتصير فوضه في جميع الميادين

    ويصير جو الشعر مثل العسامي = وإيجيك ناسٍ ما تعرف القوانين

    أحدٍ يشيل الصوت شرقٍ وشامي = ومن زين صوته قلدوه الو راعين

    وأحدٍ يغني مثل برد وسلامي = فاضي قصيدة من جميع الموازين

    مايدري إن الشعر زرق السهامي = ماهوب ضحكة في زمان التلاحين

    الشعر ينبع من جزيل الكلامــــــي = وتقطف زهوره من عراض البساتين

    الشعر معنى من رفيع المقامــــي = ويبقى رشيد موثقٍ فالدواوين

    الشاعر اللي فالمعارك عصامي = خاض المعارك مع كبارالسلاطين

    يوم المجلة في ديار الصرامي = وقف حدود الخبل لجل الميامين

    خلى الشواوي مثل فرخ النعامي = صنفر هجوسه ثم روّح على وين

    خلى المعوّكس غصب يرجع نظامي = ويقدم وياطى فوق روس الثعابين

    وعند القصايد مثل جرد الحسامي = و حروف شعره غاليات المثامــين

    وياهل القصايد كان فيها وسامي = يبقى رشيد موثقٍ فالدواوين [/poem]
    الشاعر / نواف بن سلطان بن نوير بن فهيد الشيباني
  • أبو نجر النفيعي
    مشرف سابق
    • Jun 2006
    • 6683

    #2
    ..
    الله الله يا سراب الدمع ..
    قصيده في قمه الجزاله ...
    .
    وصح لسانك مليوووووووووووون..
    ..
    وبيض الله وجهك..

    .
    اخووك
    .....




    تعليق

    • سراب الدمع
      أخو مدين سابقا
      • Jan 2006
      • 104

      #3
      ابو نجر النفيعي صح بدنك و ياهلا بك ومرحبا في حضورك وتشريفك الصفحة والجزالة هو مرورك يالغالي


      تقبل تحياتي ......

      تعليق

      • أبن مسلم
        شـــاعــر
        • Apr 2006
        • 415

        #4
        سراب الدمع

        صح لسانك وبيض الله وجهك

        والله يطول عمر الزلامي على الطاعه

        تعليق

        • ماله امان
          موقوف لمخالفة الأنظمة
          • Apr 2007
          • 581

          #5
          سراب الدمع صح لسانك وقصيدتك جزله وفي جزل(ولكن حبيت اجاريك بهذه الابيات والسموحه

          لانني قلتها على عجاله رغبة ٍمني للمجاراه000

          [poem= font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
          شفت المثايل ساريه فالعدامــي=وإلها قوافي مايله فالمعاطـــــــين

          الشاعر الولهان حط المرامـــي=مكتوبها لثنين والناس عاريــــــن

          اما صحى وإلا تراهم انيامــــــي=لهم طريق يسار واقرب له يميــن

          ويابن نوير جرها من ظلامـــــــي=وارفق على وسم الجماعه شايبن

          تبك الزلامي قدم موته بعامـــــــي=جوت اله مرصود باللبن والطيـــن

          وانته ذكرت وسوم للطيب حامـــي=وعلمك قديم ولأ لقينا عناويــــــــن

          دور رموز العرف وقت الزحامــي=في ماقف ٍ مافيه دور المدوديـــــن

          شف الصقور الحايمه فالغمامــــي=يوم السهوم تحد قوم ٍ شجيعيـــــن

          يثنون دون الخرب ويأ الجهامـــــي=على ظهور القوم بالسيف نكديــن

          وحرك يروح وينثني بالهمامــــــــي=صيده على المخلاب مهوب يازين

          عسى خلف يعيش سبعين عامـــــي=ابن هذال مطوع الهند والصيـــــن

          يبني ويعمر والقبيله تمامـــــــــــــي=يوم الرجال تسوق رؤس النياشين

          وحزامنا موجود بكرب الحزامـــــي=اله مواقف حاضره فالملاعيــــــــن

          كديميس صالح ماسك ٍ فالسنامــــي=راعي مواقف طايله يأ مغنيـــــــــن[/poem]
          وسلامتكم/ماله امان

          تعليق

          • مرزوق حمدان العتيبي
            مشـرف عام
            • Nov 2003
            • 20403

            #6
            ...
            . الله يطول بعمر ابو جميل
            .. رشيد مدرسه شعريه وقامه شامخه ..
            وعتابه قبيله مليئه بالشعراء الافذاذ ....
            بيض الله وجهك يانواف وصح لسانك ...
            [align=center]
            [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
            فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
            حط حبه في كياني ماتغيّره السنيني = وانثني من دون عرضه بالذراع وباللساني[/poem]







            @Marzouq_MHD
            [/align]

            تعليق

            • السميــــــري
              مشرف سابق
              • Jan 2006
              • 2524

              #7


              راااااااااااااائع .. ياسراب الدمع ..
              صح لسانك ..
              واطال الله عمر الزلامي .. على الطاعة ..
              بيض الله وجهك ..
              [poem=font="Simplified Arabic,5,sienna,normal,normal" bkcolor="white" bkimage="" border="solid,4,sienna" type=2 line=1 align=center use=ex num="0,black"]
              ربيت في حضن الزمانُ وتربيتْ = وأخذت لي من مرّ الأيام قرطوع
              ومن دون حدي ماغلطت وتعديتْ = ولا آطى الخطاء لو كان للناس مشروع
              وأمشي على نهج الرجال النعاتيتْ = واتعب لها لو هي كما حبةَ الكوع
              ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع[/poem]

              تعليق

              • سراب الدمع
                أخو مدين سابقا
                • Jan 2006
                • 104

                #8
                صح بدنك يابن مسلم وبيض الله وجه الجميع

                شكرا على المرور وتقبل تحياتي

                تعليق

                • سراب الدمع
                  أخو مدين سابقا
                  • Jan 2006
                  • 104

                  #9
                  الاخ ماله امان يا مرحبا فيك وقصيده طيبه وذكرت شعراء عمالقه اتمنى لهم التوفيق كما اتمنى للشاعر الكبير رشيد الزلامي ما اتمناه لهم ولكن في قصيدتك بعض التشتت ولوانك درت حول الموضوع كما ان القصيده لاتخلو من الكسر فالوزن في اكثر من ثلاث ابيات.

                  شكرا

                  تعليق

                  • سراب الدمع
                    أخو مدين سابقا
                    • Jan 2006
                    • 104

                    #10
                    الاستاذ مرزوق كم انا فخور في مرورك المميز دائما وقلمك الصريحه وصح بدنك يالغالي

                    ورشيد شاعر عملاق يستحق مناالكثير لوقفاته الصادقه للقبيلة ولااختلف مع كلامك بوجود شعراء اخرين اتمنى لهم التوفيق


                    تحيتي لك

                    تعليق

                    • سراب الدمع
                      أخو مدين سابقا
                      • Jan 2006
                      • 104

                      #11
                      الرااااااااائع مرورك يالسميري ويا هلابك ويا مرحبا

                      وصح بدنك يالغالي والله بيض وجه الجميع

                      تعليق

                      • ماله امان
                        موقوف لمخالفة الأنظمة
                        • Apr 2007
                        • 581

                        #12
                        تم النشر في الأصل بواسطة سراب الدمع عرض المشاركة
                        الاخ ماله امان يا مرحبا فيك وقصيده طيبه وذكرت شعراء عمالقه اتمنى لهم التوفيق كما اتمنى للشاعر الكبير رشيد الزلامي ما اتمناه لهم ولكن في قصيدتك بعض التشتت ولوانك درت حول الموضوع كما ان القصيده لاتخلو من الكسر فالوزن في اكثر من ثلاث ابيات.

                        شكرا
                        الاخ الغالي سراب الدمع /منك الاستفاده وانا قلت لك قصيدتي قلتها على عجاله ولكن لم اجد ما

                        اشرة اليه بكسر ثلاثة ابيات 0امل تحديدها يوجد اكثر من بيت نطقها يختلف عن الكتابه ففعلاً يكون

                        هناك عجز اوثقل(مثل)جودة اله مرصود باللبن والطين)اللبن هو شق من الطين؟غيرها اذا قلنا لبن؟
                        ====
                        مثل بيتك ادناه شطره الاول فيه عجز واضح؟ والاخطاء وارده 0وكلاً قصيدتك جميله جداً وشرف لي
                        مجـــــــــــــاراتك فيها 0دمت بخير(اخوك ماله امـــــــــــــــان)
                        خلى المعوّكس غصب يرجع نظامي=ويقدم وياطى فوق روس الثعابين
                        =================
                        ؟؟؟؟

                        تعليق

                        • صنداح الزلامي
                          عضو ذهبي
                          • Apr 2007
                          • 365

                          #13
                          أخـــوي ســـــــراب الدمــــــع مشـــكور على هـذا القصيدة الجزلة
                          وسوالي هنا هل وصلك رد من رشيد نبي الرد واٍذا ما وصلك الرد أنتظر الرد قريب
                          بيض الله وجهك ومدحك لرشيد صيحيح وشعراء عتيبة كثيرين ونفتخر فيهيم كذالك
                          مع العلم أن مجارات ماله أمان طيبة جدأ ولكن تختلف عن واقع القصيدة ونص الموضوع
                          التي تطرقته في قصيدتك

                          تحياتي

                          تعليق

                          • صنداح الزلامي
                            عضو ذهبي
                            • Apr 2007
                            • 365

                            #14
                            ماله أمان صح لسانك مجاراتك طيبه لكن لاتستعجل العجلة تفقدك التركيز
                            وجميع الشعراء التي ذكرتهم يستاهلون وانت كذالك شاعر ولك كل الاحترام
                            والتقدير والشعر له عمالقة في القبيلة معروفين بأسماهم والمتذوقين أكثر فهل
                            المتذوق كا العملاق كلٍ يحاول ولكن مثل ماقال رشيد الزلامي

                            ياصاحبي درب العلاء عسر بلحيل********** دونه مسافة جرهدية وجرداء
                            وان كان ما تقدر علوم الرياجيل ********** عود وتلقاء واحــدٍ منك ورداء

                            تعليق

                            • سراب الدمع
                              أخو مدين سابقا
                              • Jan 2006
                              • 104

                              #15
                              الاخ ماله امان شكرا على مرورك الثاني وانت شاعر جزل اتمنى لك التوفيق راجع القصيده ثاني مره واعرضها على شاعر ويمكن يقول نفس كلامي اما بالنسبة للبيت الذي اشرت اليه

                              خلى المعوكس غصب يرجع نظامي يقدم وياطى فوق روس الثعابين اذا كان فيه خلل فلن اطرق القصيد مره ثانيه

                              تحيتي الك

                              تعليق

                              العمل...