عتيبة من الطايف إلى ساحل الدمـّام ..

طي
X
 
  • التوقيت
  • إظهار
مسح الكل
المشاركات الجديدة
  • سليل سيوف
    عضو
    • Nov 2005
    • 23

    #31
    تم النشر في الأصل بواسطة وصل العطياني؟؟؟ عرض المشاركة
    السلام علاكم

    أسعد الله أوقاتكم بكل خير ...

    في الحقيقة لا أحب كتابة المقدّمات لقصائدي ولكن ..!!

    بلغ بنا الأمر إلى درجة إن نتعرّض للظلم عياناً بياناً ...

    دون مراعاة لمشاعر وعقول كلّ شخص ملمّ بالشعر ...

    ولعلّي اختصر كلامي في أن ماتعرّض له الشاعر : يوسف العصيمي

    يعتبر ظلماً صريحاً < تصحي منه السماء >

    ولكن ليعلم كلّ أولئك أن ذلك لن ينقص من مكانة هذا الشاعر بل يدعو إلى الإلتفاف حوله ..

    كما أننا ومن خلال هذا الصرح الشامخ سوف نقدّم كلّ مايثلج صدوركم وهذا أول الغيث :


    [poem=font="Simplified Arabic,4,darkblue,bold,normal" bkcolor="sienna" bkimage="backgrounds/15.gif" border="groove,4,darkblue" type=2 line=0 align=center use=sp num="0,black"]
    يا يوسف عداك اللوم يالشاعر المقدام=تجمّلت عز الله وحنا تجملنا
    كسبت القلوب اللي لجزل القصيد حيام=ولن روّح المليون عساه ما ثنـّى
    دراهم ماغير حطام دنيا وأخسّ حطام = ماتسوى قدم واحد من أطرف قبايلنا
    عليّ الملازيم إن رزّاق جاب غلام=رفع رأس ابوه وروسنا يوم مثلنا
    وسلام على التحكيم يا لجنة الحكام= فشيلة يا رب تجيرنا لا تفشلنا
    عرضتوا ذممكم للمحرّج وللسوّام=تقال إنكم تبغون شيٍ يزعلنا
    رضينا بالأولى والرضا سيّد الأحكام=وصبرنا على الظلم العظيم وتحملنا
    صبرنا عسا تحيا ظمايركم النيـّام = ولكنها ما عاشت , الله يامنــّا
    خبصتوا سوالفكم ولخبطتوا الأرقام=مثل قصّة اللي تخلط الكحل والحنـّا
    وبعد إنها زادت عن الحدّ ما نلاّم = عسا الله يهين أرواحنا لن تهاونــّا
    لا والله نردّ الصاع صاعين للظلاّم = ونعلن مع المظلوم كامل تضامنــّا
    قبيلة بكاملنا نقول الوعد قدّام=ويا جاهلٍ فينا نعلّمك من حنــّا
    ترانا عتيبة واسمنا يرعب الأخصام=هل الأولة من يوم كنـّا ولا زلنا
    صناديد , ضربتنا تخلّ الجموع أقسام=لو إنّ الجبال رجال تعجز تقابلنا
    اجل كيف يوم إنــّـا نحوّل على الاقوام=ما كنــّا سوى عذابٍ الله منزّلنا
    كسبنا مراجلنا من الواحد العلاّم= عطانا وتالينا ورثها عن أولنا
    وراثة عن الجدّان ماهي حلال أيتام =نبيع العمـار ولا نضيّع مراجلنا
    وحتى التـّراب ليا وطيناه بالأقدام = يفحفح بريح الطّيب والهيل والبنـّا
    وحنا بحورٍ موجنا يغرق العوّام = وحنا الرعود اللي يزلزل تزلزلنا
    حزامٍ لمن خلاّه وقته بدون حزام = ومن ضدّته صكـّات الأيام يزبنــّا
    وعلى قمـّة الشعر الجزل نرفع الأعلام=وبنينا لنا حصنٍ حصين وتمكـّـنــّا
    من أيام كان الشعر وسيلة الإعلام=شيوخ العرب تشتاق تسمع مثايلنا
    مثايل نسخّرها وتخضع للإستسلام=ما تقدر على المنحاش منـّا ولا منــّا
    لو إن الشعر حرٍ يرامح بدون خطام=معفــّى يدقّ الرّقص في الروض ويحنــّا
    ليا شاف له شاعر عتيبي ؟ برك ما قام = دقيقة فقط تلقاه مخطوم ومثنــّى
    ولوّ أجزل الأبيات كفــار بالإسلام = بنظرة وإشارة واحدة قالوا آمنــّا
    ولو الأدب والشعر يعطى له إستحكام = أخذناه بالغصبا عن الإنس والجنــّا
    ليا صار فرعون إمتلك مصر والأهرام = ترانا على شبه الجزيرة تفرعنــّا
    هذا حالنا الحاضر ومن ماضي الأعوام = على العزّ ودروب المعزّة تفنـّـنــّا
    ولا غيـّرت فينا الليالي ولا الأيام = مرسـّين بأعلى مرتبة مثلما كـــنّا
    تزول الجبال اللي حصاها تقول خيام=وحنا على الامجاد باقين ما زلنا
    ولا همنا الاقزام ما ادراك مالأقزام = قطعنا لهم مشعاب من طايل الفنــّا
    عصاً كنــّها عجرود حاشي ولاد العام = نحامي قليلين الحلا بالعصا عنــّا !
    وحنا رياجيلٍ نعيش ونموت إكرام = وعدواننا ما تأخذ الزايدة منــّا
    عتيبة من الطايف إلى ساحل الدمّام=لو إنــّا نعيش أفرع تغطرس يحقّ إنــّا
    يموت العتيبي رافع الراس ما ينظام = مانخضع سِوى للي خلقنا وفضّـلنا[/poem]



    تحياااااااااااتي

    [align=center]

    ول

    ول

    ول


    عسى الله ما يعوقــك بشــر ...


    انت ونعــم و يوســف ونعـم ..


    تحيتي لبوحك العذب وصح الله لسانك مدد بلا عدد ..



    اخوك
    سليــل سيـــــــــــوف

    [/align]

    تعليق

    • مرزوق حمدان العتيبي
      مشـرف عام
      • Nov 2003
      • 20403

      #32
      قبيلة بكاملنا نقول الوعد قدّام
      ويا جاهلٍ فينا نعلّمك من حنّا
      ترانا عتيبة واسمنا يرعب الأخصام
      هل الأولة من يوم كنّا ولا زلنا
      صناديد , ضربتنا تخلّ الجموع أقسام
      لو إنّ الجبال رجال تعجز تقابلنا
      اجل كيف يوم إنّا نحوّل على الاقوام
      ما كنّا سوى عذابٍ الله منزّلنا
      كسبنا مراجلنا من الواحد العلاّم
      عطانا وتالينا ورثها عن أولنا

      ....
      .
      وش اقول يابو مشهور
      رايي وسمعته اثناء المكالمه ...
      .. راية الشعر ايوه الجهبذ
      ... جزاله لاتضاها ... بيض الله وجهك
      الى ماله نهايه ...
      ...




      [align=center]
      [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
      فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
      حط حبه في كياني ماتغيّره السنيني = وانثني من دون عرضه بالذراع وباللساني[/poem]







      @Marzouq_MHD
      [/align]

      تعليق

      • ابو غصين
        عضو
        • Nov 2005
        • 12

        #33
        [افتخر بهذه القصيدة والتي تدل علي الوقفة بجانب اخونا يوسف واتمنا من شعراء عتيبه ان يتحركوا لنصرةاخونا يوسف

        تعليق

        • ابو غصين
          عضو
          • Nov 2005
          • 12

          #34
          رايتك بيضاء ياإبن مشهور وبيض الله وجهك على هذه الوقفه بجانب أخونا يوسف واتمنى من شعراء عتيبه ان يتحركوا

          لنصرة شاعرنا

          وتقبلوا تحياتي

          تعليق

          • ابن مشيب
            إدارة أقسام القبيلة
            • Nov 2002
            • 9791

            #35
            [align=center]عصماء وفي الصميم , متميزة كتميز شاعرها , صح السانك ودام إبداعك ياوصل

            تحياتي
            [/align]

            تعليق

            • سالم المقاطي
              عضو نشيط
              • Mar 2007
              • 77

              #36
              ترانا عتيبة واسمنا يرعب الأخصام
              هل الأولة من يوم كنّا ولا زلنا
              صناديد , ضربتنا تخلّ الجموع أقسام
              لو إنّ الجبال رجال تعجز تقابلنا
              ليا صار فرعون إمتلك مصر والأهرام
              ترانا على شبه الجزيرة تفرعنّا
              ولا غيّرت فينا الليالي ولا الأيام
              مرسّين بأعلى مرتبة مثلما كنّا
              تزول الجبال اللي حصاها تقول خيام
              وحنا على الامجاد باقين ما زلنا

              بيض الله وجهك يا ولد العم

              تعليق

              • ابوفهد العتيبي
                عضو ذهبي
                • Feb 2007
                • 309

                #37
                صح لسانك

                مار تركو القصيد وركزو على التصويت تكفون ياعتابه

                تعليق

                • خبروها بالغلا
                  عضو فعال
                  • Mar 2007
                  • 100

                  #38
                  [poem= font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                  يموت العتيبي رافع الراس ما ينظام=مانخضع سِوى للي خلقنا وفضّلنا[/poem]


                  [align=center]وانااااااااا اشهد يالقرم


                  صح قلبك وكل كلك


                  استاااذ ياوصل استااااااااذ
                  [/align]

                  تعليق

                  • العسيلي @
                    عضو فعال
                    • Oct 2006
                    • 119

                    #39
                    عزلله جزلله من راس جزل
                    اخوي اوصيك في العام الجاي ادخل شاعر المليون

                    تعليق

                    • فهد القثامي 1
                      عضو نشيط
                      • May 2005
                      • 83

                      #40
                      كفوا يا ولد العم

                      وبيض الله وجهك

                      تعليق

                      • قناص العتيبي
                        عضو نشيط
                        • Mar 2007
                        • 60

                        #41
                        صح لسانك .... اشهد انك شاعر متميز .... بيض الله وجهك .

                        وذكرتني بقول أحد شعار عتيبة .... حيث يقول عندما حاول أحدهم ان ينتقص من قبيلته بقوله ( من هم عتيبة لا اعرفهم )

                        قال الشاعر العتيبي :

                        من يبا يعرف عن أهل المجد سيرة ... ينشد أهل العرف عن سيرة عتابه
                        قوم واحدهم يســـاوي له عشــيرة ... كنهـم غيـــثٍ تنـثـر مــن سـحــابه
                        ثابـتين مثبـتين أمـــن الـجــزيـرة ... لو يجـــي فالوقت ميــله وانقـــلابه
                        ويوم بعض الناس راسه ما يديره ... العتيـبي لا بغــى دربٍ مشــــــى به

                        وشكراً

                        ...

                        تعليق

                        • الزراقي2
                          عضو نشيط
                          • Jan 2006
                          • 49

                          #42
                          وجهك ابيض ياوصل وترى عتيبه كثر شعب قطر والامارات مجتمعين صوتو وخلوهم يموتون بغلهم

                          تعليق

                          • الوليد الاسعدي
                            مشرف عام
                            • Jul 2003
                            • 2336

                            #43
                            الله الله ... صح لسانك ...
                            كل بيت يقول الزود عندي !!!

                            كسبنا مراجلنا من الواحد العلاّم ... عطانا وتالينا ورثها عن أولنا
                            وراثة عن الجدّان ماهي حلال أيتام ... نبيع العمـار ولا نضيّع مراجلنا
                            وحتى التـّراب ليا وطيناه بالأقدام ... يفحفح بريح الطّيب والهيل والبنـّا

                            اجمل ثلاثة ابيات منذ عام 354هـ يعني بعد وفاة المتنبي
                            [bdr][/bdr]
                            و أنا عتيبي من سلالة هـوازن *** ربعي عوايدها الفخر من جدودها
                            ما نوشي الفتنه ولا نحرث الردى *** ولا نهاب اليا تسامت وقودها
                            ان ميل الميزان من قوم يمنا *** صبرنا لها لوكان كبرت لهودها
                            وان ميل الميزان منا على العدا *** نروي من السم السقطري كبودها

                            تعليق

                            • شبابه1
                              عضو نشيط
                              • Mar 2007
                              • 34

                              #44
                              يموت العتيبي رافع الراس ما ينظام
                              مانخضع سِوى للي خلقنا وفضّلنا
                              بيض الله وجهك
                              صح لسانك

                              تعليق

                              • فارس الوصيص
                                عضو نشيط
                                • Jan 2006
                                • 71

                                #45
                                بيض الله يوجهك ياوصل واصل والله معك
                                بردت كبدي باالقصيده لوسمعتها اللجنه ما تظلم عتيبي

                                تعليق

                                العمل...