يالــهيـــــــــــلا وداعيه

طي
X
 
  • التوقيت
  • إظهار
مسح الكل
المشاركات الجديدة
  • ابوجراح
    شاعرالهيلا
    • Jun 2006
    • 126

    #1

    يالــهيـــــــــــلا وداعيه

    السلام عليكم ورحمة الله وبركاته
    اخواني في منتدى الهيلا,لقد كانت اول مشاركه لي بهذا الصرح الشعري الشامخ(شبكة الهيلا)عباره عن قصيده
    في مدح القبيله>>وماهو الا شيئًا يسير في حق هذه القبيله العريقه<<وكانت هي اول مشاركه لي بهذا المنتدى
    واردت ان تكون اخر مشاركه ..قصيده بنفس الموضوع(مدح القبيله) ولكن قبل ايراد القصيده
    بغيت اودع الهيلا بهالثلاثة ابيات
    يامنتدى الهيلا عليكم سلامي=ياساحة الشعار حان الوداعي
    واخص منهم طيبين الاسامي=خلف ولد مرزوق وايضا النفاعي
    واللي سواهم كل حرن قطامي=سلايل الهيلا بيوم النزاعي
    واعذروووووونا يا شغاميـــــم الرجاااااااااااال
    اما القصيده فهي:

    [poem=font="Simplified Arabic,4,black,normal,normal" bkcolor="transparent" bkimage="backgrounds/5.gif" border="none,4,gray" type=0 line=0 align=center use=ex num="0,black"]
    يقول العتيبي يوم غنى بربعه=من لابة ٍفالضيق ياطيب طيبها
    من لابتن تروي ظما السيف والقنا =لاشرعوها في ملاقى حريبها
    قومن بنت في سامك المجد عرشها=ترفعت عن كل شي ٍيعيبها
    صقورًا لها روس الطويلات مدهل=ماوقعت باللي وطى من جذيبها
    ربعي سوات النجم في ربعة السما=ليا هوى دك الرجوم وهضيبها
    ربعي سوات البدر في حالك الدجا=يسري به الساري ويقطع كثيبها
    رامت ونالت ماتعايو به الملا=عظايمن كل ٍ قصر عن صعيبها
    وطاعت لها الروس العظام وتذللت =بعزم الرجال اللي يكسر صليبها
    ماهددت بالذل والا الهزايم =يثني رمكها في معاقل طليبها
    عتيبه تعاتب خصمها في سيوفها=هلي دموعك يالعدا واذرفي بها
    ليا علقو للحرب سيفه وحربته=تجلي شكوك النفس ووهوم ريبها
    في همة اسود الشرى يوم تنوي=بغارة ٍيشكي المعادي عطيبها
    من دون حلوات اللبن شمخ الذرى=ردينية ٍمن شالها يتقي بها
    مزرّجه عود البلنزا قناتها=شمس العدا تنحي بها في مغيبها
    كم طامعن فينا لنا صار مطمع=حيام الوغى ياسرع جفلة رعيبها
    اخصامنا بحد العوالي نذودها=نحدهم بين المنايا وقليبها
    نرهي على الطامع بحد الصيارم =وحزة شبابه قام يدني مشيبها
    يرد بيض الهند قبضة انصابها=اليا غرز بين الحنايا قضيبها
    واللي زرق مسلوبة العود جوفه=مافاد بجروحه معالج طبيبها
    كم طيبن قدمه توسد نصايبه=حليلته شقت بفرقاه جيبها
    طبنا وقام الحظ وانفج بابه= وانصك دون اللي تردى نصيبها
    نمشي وممشانا على العز والنقا=وصدورنا ماتعلم الناس غيبها
    جبنا من الامجاد للعرب مفخره=وكل القبايل عاجزه لاتجيبها
    فعايلن لوينطق الصخر قالها=وبين من اهوال المواقف رهيبها
    في مدح ربعي يطربني مثايلي=طويلة اعنانن وضاف ٍسبيبها
    وكم جاهلن يمدح ومدحه مذمه=دون الطويله يزعج الصوت ذيبها
    لايحذف الشاره ولايجمع الحصى= هو شارتن واللي رماها يصيبها
    الطيب عسرن كايداتن موارده=ويكود غيرك فدم قوم وهليبها
    طولت ياوقتي عليه مذارعك= واشيب عيني منك واشيب شيبها
    ولوكان في زين العواقب تمدها=مااشكي ولايشكي بخيرن لبيبها
    تبطش بيمنى عقب بطش ٍبيسرى=حتى دهاني بالليالي عجيبها
    بين السراجيف وحواني اضلوعها=شبيت حمرًا قمت اصالي لهيبها
    اشعلت همن مثل كسرن من الغضا= شبت به الوديان واكتظ شعيبها
    هم الزمان وهم ضيم الرفاقه=وهمن خلق وسط الحشا ثم نشيبها
    هاذي هموم القلب واوصاف لوعته=بدا بها قلبي واظن ينتهي بها
    وصلاة ربي عد ماخط بالقلم =على شفيع العالمين وحبيبها[/poem]

    [align=center]وسلامتـــــــــكم[/align]

    [align=center]نوح صقــر العتـــــــــــيبي[/align]
  • مرزوق حمدان العتيبي
    مشـرف عام
    • Nov 2003
    • 20403

    #2


    واردت ان تكون اخر مشاركه ..قصيده بنفس الموضوع(مدح القبيله)
    ...
    ابو صقر بقدر مافرحنا
    بهذه الدره والنادره من نوادرك
    بقدر ماحزنا من كلمات الوداع التي كتبتها وحزت في نفوسنا
    عسى خير يابن العم ؟
    ان كانها ضروف فالجميع يتقاسمون معك هذا الشي
    وليس لك العذر ان تقاطعنا على الدوام
    حين ماتسنح لك الفرص لابد ان تشرفنا بتواجدك
    وتتحفنا بابداعك
    ...
    لاهنت ياشاعر الهيلا
    ونسأل الله ان تكون فتره ثم تعود الى سابق هدك..
    ..
    اخوك
    ......
    [align=center]
    [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
    حط حبه في كياني ماتغيّره السنيني = وانثني من دون عرضه بالذراع وباللساني[/poem]







    @Marzouq_MHD
    [/align]

    تعليق

    • فيصل المسعودي
      مشرف عام
      • May 2005
      • 8296

      #3
      [align=center]شاعر الهيلا بيتركنا


      مو معقول هالكلام


      يالغالي يعلم الله انه يحزنا فراق الرجال الطيبين


      والصراحه بدون مجامله انت من ضمن الرجال الذين نفخر بوجودهم بيننا ويحزننا فراقهم


      اخوي نوح صحيح الزم ما على الرجال مصلحته ولكن لا بد يجي للواحد وقت فراغ او وقت يحتاج انه يخفف عن نفسه فيه من مشاغل الحياه وهمومها


      ففي هذا الوقت مر على منتدى ربعك وقبيلتك وشارك باللي تقدربه


      نتمنى ان تتراجع عن قرارك


      مع تمنياتنا لك بالتوفيق في حياتك


      تحيات وتقدير


      اخوك


      فيصل النفيعي[/align]

      تعليق

      • مشعل بن حويد
        شـــاعــر
        • May 2003
        • 372

        #4
        ابو جرّاح اولأ صح لسانك على هالجزاله ..


        ثانيا يالغالي

        ماحنا بعاذرينك عن الغياب


        كل عنده ظروف .. وتزول بشاية الله .. ,


        واكرر تراك منت معذور



        تقديري يالامير

        تعليق

        • السميــــــري
          مشرف سابق
          • Jan 2006
          • 2524

          #5
          ..

          ابو جرراح صح لسانك..

          ولا نسمح ابداا ابداا ولنت بمعذوووور..ان تتركناا..
          وان كان عندك اشغال او ضروف ان شاء الله تعدي هالضروف وتعوود لنا
          مافيه مشكلة خلك مع ضرفك اللي منعك ولكن مااترووح مرة ..

          وترى كل وااحد من اعضااء الهيلا وشعااره وضيوفه
          اناا اقوول انهم كلهاا ماهم عاااذرينك ..

          نتمنى بقاااءك يابو جرااح ..

          تقبل ودي ..
          [poem=font="Simplified Arabic,5,sienna,normal,normal" bkcolor="white" bkimage="" border="solid,4,sienna" type=2 line=1 align=center use=ex num="0,black"]
          ربيت في حضن الزمانُ وتربيتْ = وأخذت لي من مرّ الأيام قرطوع
          ومن دون حدي ماغلطت وتعديتْ = ولا آطى الخطاء لو كان للناس مشروع
          وأمشي على نهج الرجال النعاتيتْ = واتعب لها لو هي كما حبةَ الكوع
          ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع[/poem]

          تعليق

          • خلف بن مرزوق
            مشرف سابق
            • Apr 2005
            • 2765

            #6
            [align=center]...
            ..
            شاعر الهيلا
            و
            استاذنا الغالي: نوح بن صقرالجداعي

            تفاجأت بإعلانك الوداع لهذا الصرح الذي شيّد

            لك ولي ولكل ابناءالقبيله لندعمة ولانبخل عليه ولانذخر عنه

            من جهدنا ووقتنا ...

            وكنت من الاوفياء لهذا الصرح

            وتعتبر اكثرشاعر قدم للهيلا من عطاءه

            فقدمت مايقارب الف بيت في سته اشهر

            وكنت شاعر الهيلا ومازلت الشاعر الذي ننتظر حضوره دائما

            فكيف تودعنا..

            جميع اعضاء الهيلا لن يعذروك ونتمنى ان تزول ظروفك وتعاود العطاء
            كما عهدناك

            فلو اطعنا ضروفنا لمااستمرهذا المنتدى

            اتمنى ان تتراجع عن قرارك ..

            ولانقول وداعاً ولكن الى اللقاء

            تلميذك : خلف

            مودتي

            .
            [/align]
            اهداء لاعضاء وزوار الهيلا
            777
            77
            7

            ديوان الشاعرالعملاق / رشيد الزلامي

            ديوان الشاعر الكبير / حبيّب العازمي

            al3azmi@w.cn

            تعليق

            • الأمــير

              رابطة محبي الهيلا

              • Aug 2005
              • 5162

              #7
              ابو جرراح صح لسانك..

              ولا نسمح ابداا ابداا ولنت بمعذوووور..ان تتركناا..
              وان كان عندك اشغال او ضروف ان شاء الله تعدي هالضروف وتعوود لنا
              مافيه مشكلة خلك مع ضرفك اللي منعك ولكن مااترووح مرة ..

              وترى كل وااحد من اعضااء الهيلا وشعااره وضيوفه
              اناا اقوول انهم كلهاا ماهم عاااذرينك ..

              نتمنى بقاااءك يابو جرااح ..

              تعليق

              • عتيبي النجدي
                عضو نشيط
                • May 2005
                • 53

                #8
                صح لساانك
                ولاهنت يالذيب
                واما انها ودااااعيه
                كثرر منهاا
                ولن نسمح لك بمغادرة المنتدىى
                تقبل تحيااتي

                تعليق

                • ماجد الرويس
                  شـــاعــر
                  • Dec 2005
                  • 281

                  #9
                  اللة اللة

                  صح لسانك قصيدة جزلة ورائعه يابو جراح بيض اللة وجهك

                  ولكن لن نسمح لي شاعر مبدع مثلك بترك منتدى الهيلا ونطالبك بالتواصل .....

                  تحياتي لك

                  تعليق

                  • بليهان
                    شـــاعــر
                    • Mar 2003
                    • 249

                    #10
                    صح لسانك يالقرم والوداع قلي وشلون تودع ربعك ووين تبى تروح عنا ؟؟
                    ابو جراح صح لسانك والوداع , نحن لا نرضى الوداع

                    تعليق

                    • نواف العصيمي
                      مشرف عــام
                      • Sep 2006
                      • 10282

                      #11
                      صح لسانك يالقرم

                      ابيات جزله . وأتحفتنى يالقرم

                      وإن شاء الله لنا لقاء .. وليس وداع يابوصقر .

                      في إنتظار مشاركتك القادمه بإذن الله

                      ولك التقدير والإحترام

                      تعليق

                      العمل...