الوصيه ( لبادي الرجم )

طي
X
 
  • التوقيت
  • إظهار
مسح الكل
المشاركات الجديدة
  • بادي الرجم
    عضو نشيط
    • Jan 2007
    • 46

    #1

    الوصيه ( لبادي الرجم )

    [poem=font="Simplified Arabic,5,black,normal,normal" bkcolor="transparent" bkimage="backgrounds/5.gif" border="inset,4,gray" type=0 line=0 align=center use=ex num="0,black"]
    بديت بسم اللي للأسرارعلام = الواحد اللي ماسجدنا لغيره

    رب الملا مجري الهبايب والأنسام = اللي بعث بين الخلايق نذيره

    سلام ياسامي عدد خط الأقلام = ياعزوتي يوم الليالي خطيره

    يامبعدن عنا ورا هاك الأروام = أمسيت في ديره وربعك بديره

    أوصيك في بعض الوصايا والأعلام = يطري على بالي وصايا كثيره

    على العلوم الطيبه حث الأقدام = واترك هزيلات العلوم الفقيره

    اتعب لها فالغرب والشرق والشام = واحسب حساب الأوله والأخيره

    لايخدعك زيف الليالي والأيام = ياعنك دنيانا رحن مستديره

    لو ضحكت يومن لنا والبخت قام = لابد من يومن يبيح السريره

    انصحك بالممشى على دين الإسلام = الوقت ما تعلم بشره وخيره

    واحذر تخاوي كل واشي ونمام = أهل العلوم الطايلات القصيره

    اليا بغيت تعيش في خير وأنعام = لا تصحب الرديان واعمى البصيره

    خاو الرجال أللي عزيزين وحشام = أهل المدايح والوجيه السفيره

    تلقى غلاهم زاد عامن بعد عام = وتلقى بهم نخوة حميه وجيره

    والضيف لاجا حلتك يبن الأ كرام= أ كرم سباله لين حزت مسيره

    وخوي جنبك كون له ستر وحزام = وعداك سللها السيوف الشطيره

    وخصمك ليا جاء حجتن بين الأخصام = افلجله الحجه وخله بحيره

    خلك صميدع فالمواقيف مقدام = واسبح بغبات البحور الغزيره

    وان كان ودك يمشي العلم قدام = دور صليب الراي ثم استشيره

    وان مال دولاب الدهر والزمن ضام = الرجل عزه باللتحام العشيره

    ترى البحر مايسبحه كل عوام = والعظم مايجبر بدون الجبيره

    للخيل ركابه وللنار شعام = وطيرن بلاجنحان يصعب مطيره

    هذا وصلى الله على خير الآنام = محمد اللي سيرته خير سيره[/poem]
  • خلف بن مرزوق
    مشرف سابق
    • Apr 2005
    • 2765

    #2
    ..
    .

    المبدع : بادي الرجم

    صح لسانك وعلى شانك

    جزززلة بكل معانيها

    دمت للاثراء

    مودتي
    .
    اهداء لاعضاء وزوار الهيلا
    777
    77
    7

    ديوان الشاعرالعملاق / رشيد الزلامي

    ديوان الشاعر الكبير / حبيّب العازمي

    al3azmi@w.cn

    تعليق

    • بادي الرجم
      عضو نشيط
      • Jan 2007
      • 46

      #3
      صح بدنك

      ياخلف مرزوق

      ويسعدني مرورك الدائم

      تعليق

      العمل...