من بعد ماشالت المرباع ........................

طي
X
 
  • التوقيت
  • إظهار
مسح الكل
المشاركات الجديدة
  • نايف الحميدي
    شـــاعــر
    • May 2005
    • 1052

    #1

    من بعد ماشالت المرباع ........................

    اخواني

    اعضاء المنتدى

    هاذي القصيده للشاعر الكبير/مشعان بن نايف القبع قالها عندما سندت
    للصيف اباعر الشايب


    واباعر عمي عبدالله 0


    والحقيقه اعجبتني وجاريته بقصيده ولاكن ماهيب في مستوى قصيدة ابونايف


    وارجو ان تنال على اعجابكم






    [poem=font="Simplified Arabic,5,white,bold,normal" bkcolor="green" bkimage="" border="double,4,sandybrown" type=2 line=0 align=center use=ex num="0,black"]
    من عقب ماشالت المرباع=جانا على الصيف مازعها
    ابوعتابه طويل ذراع=سود العشاير مدلعها
    ماهوب عيه ولاقرقاع=وان خاصم اخصام يقنعها
    الصارم النادر البتاع=ماردها في مزارعها
    وسم الرويكب عليه اقناع=على مقادم متالعها
    راع البل المهتم الجزاع=بالقيٌد ماهو مذرعها
    يقطع افجوجٍ طوال وساع=والارض تقرب مراتعها
    من نازح البعد تقل اوجاع=قامت تكابع ضوالعها
    يرعى الزهر مايبا الزراع=والشرشره في مناقعها
    مثل الحميدي بذكره شاع= اغرف ووضحٍ مسنعها
    وضحٍ كما البارق اللماع=بيضٍ مزونه زوابعها
    ربعٍ لهم فالجهل مصراع= فالقوم مكبر مقالعها
    سلايل الفارس القطاع=للظبي شايع مراجعها
    ماقالها واحدٍ خداع= ذي كلمة الحق واطلعها
    دغالبه غالبه واسباع=والخيل تنقا طلايعها
    يوم الشرود انخلع مرتاع=جزل الغنايم قلايعها
    لوهاب من سرجها الرعراع=النار دايم نولعها
    الهم على النايفه مطلاع= ماضاق بالطيب شارعها
    وكل القبايل تكيل الصاع=وتاريخها في مرابعها
    والطيب عند العرب نباع=والمخطيه مانشجعها
    من فرق الربع قالو ضاع=بين النجوم ومطالعها
    حنا العصا قاضبات اصباع=وجذورها كف جامعها
    وافعال ربعي خبرها ذاع=العزوه الي يزعزعها
    يالشعر اباخذ معك ملواع= مني ولانيب طامعها
    ماهيب للمشترى والباع=من قدح الافكار مبدعها
    واشفق على المشكل الصعصاع=واضفي ثيابي مامزعها
    قصيدة تلحق النجاع=يسمع سعد ثم يسمعها[/poem]



    وهذي هي مجاراتي له...


    [poem=font="Simplified Arabic,5,black,bold,normal" bkcolor="sandybrown" bkimage="" border="double,4,black" type=2 line=0 align=center use=ex num="0,black"]
    مشعان غنا وانا سماع=قصيدة القبع ماروعها

    محكومة القاف والابداع=ايهيض الفكر مطلعها

    سمعتها حزة المهجاع= والعين عافت مهاجعها
    عبر البلاتوث والمذياع=جزلات الابيات يصنعها
    تصخير من شاعرٍ طلاع=دايم عن الهزل رافعها
    فزيت في ردها بسراع=وعاداتنا مانضيعها
    بنات الافكار لي خضاع=مانيب بلي يرقعها
    والشعر لاهل الوفاء مطواع=شرد المعاني نطوعها
    بحرٍ غزيرٍ ولاله قاع=غبه ولاكل يقطعها
    ياكود قرمٍ لها مولاع=سود الليالي يصارعها
    يالشعر لو مادعاني داع=حبيت اجاري رفايعها
    لاهنت يالشاعر المفزاع=الطيبه منك منبعها
    دايم على الوافيه بداع=مبدع وتصخر روايعها
    يانسل ربعٍ لهم مرماع=انكان شبت ولايعها
    الطيب والعز والاسناع=طبايعٍ من طبايعها
    وقفاتهم تشفي الاوجاع=ماهيب تذخر فزايعها
    وفعول جدك طويل الباع= لاغارت القوم يردعها
    سيفه لروس العداء شلاع=بالسيف مشعان يشلعها
    دغالبه فالوغاء قضاع=لا ماتغير روابعها
    ياكم حريبٍ لها ينصاع=القوم تشهد وقايعها
    يوم الردي للغبن جراع= وسموم الايام يجرعها
    حنا لخيل العداء قلاع=الخيل بالسيف ننزعها
    والطيب عند العرب بجماع=من ماضي الوقت يجمعها
    وفعول ربعي ماهيب اطماع= امثبته في مراجعها
    واليوم امنٍ وزين اوضاع=امن ورخاء والسعد معها
    في ضل من سيفهم نزاع=حكامنا الي نبايعها
    تمت وقافٍ بنيته طاع= ابيوت شعرٍ موقعها[/poem]
    وسلامتكم
  • مرزوق حمدان العتيبي
    مشـرف عام
    • Nov 2003
    • 20403

    #2
    ...
    .

    فالحقيقه قصائد شامخه
    كشموخ شعراءهاااا
    ابدع ابو نايف وهذي عوايده
    وابدعت يانايف ولاهوب مستغرب..
    .. اسجل اعجابي بهذه الروائع .
    ....
    [align=center]
    [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
    حط حبه في كياني ماتغيّره السنيني = وانثني من دون عرضه بالذراع وباللساني[/poem]







    @Marzouq_MHD
    [/align]

    تعليق

    • أبو نجر النفيعي
      مشرف سابق
      • Jun 2006
      • 6683

      #3
      ..
      الله الله الله
      قصائد جزله ورائعه جداً .

      .
      فصح السان ابو نايف..
      وصح السان الشاعر الرائع نايف

      ونطالبك بالمزيد يالغالي..


      اخووك.
      .
      .....




      تعليق

      • نايف الحميدي
        شـــاعــر
        • May 2005
        • 1052

        #4
        تم النشر في الأصل بواسطة مرزوق العتيبي عرض المشاركة
        ...
        .

        فالحقيقه قصائد شامخه
        كشموخ شعراءهاااا
        ابدع ابو نايف وهذي عوايده
        وابدعت يانايف ولاهوب مستغرب..
        .. اسجل اعجابي بهذه الروائع .
        ....


        مديرنا الفاضل


        الابداع وجودك هنا


        لاخلى ولاعدم


        مودتي

        تعليق

        • نايف الحميدي
          شـــاعــر
          • May 2005
          • 1052

          #5
          تم النشر في الأصل بواسطة أبو نجر النفيعي عرض المشاركة
          ..
          الله الله الله
          قصائد جزله ورائعه جداً .

          .
          فصح السان ابو نايف..
          وصح السان الشاعر الرائع نايف

          ونطالبك بالمزيد يالغالي..


          اخووك.
          .


          ابونجر



          صح بدنك




          وابشر بالخير انشاالله


          المحزم مليان هههههههههههههههه




          لاعدمناك اخوي

          تعليق

          • مقعد الدغيلبي
            شـــاعــر
            • Feb 2006
            • 3502

            #6
            ابن العم والشاعر المميز

            نــــايــــف الحمـــــيدي

            قصيدة ابو نايف جزله

            والمجاراه مبدعه ومذهله

            ولاهي غريبه من شعراء

            بحجمكم

            لله دركما ياعصاااابة

            راسي مبدعين وجزلين

            لكم شكري وموووودتي


            تعليق

            • فيصل المسعودي
              مشرف عام
              • May 2005
              • 8296

              #7
              قصائد جزله


              استمتعنا بقرائتها


              صح لسان ابو نايف


              وصح لسانك يانايف


              تقبل تقديري


              أخوك


              فيصل النفيعي

              تعليق

              • ناصر الدغيلبي
                عضو فعال
                • Dec 2005
                • 155

                #8
                صح لسانك يا نايف وصح لسان الشاعر الكبير ابو نايف قصائد تكتب بماء الذهب وتستاهل الذود يا نايف الله يطول بعمر راعيها الحميدي

                تعليق

                • نايف الحميدي
                  شـــاعــر
                  • May 2005
                  • 1052

                  #9
                  تم النشر في الأصل بواسطة مقعد الدغيلبي عرض المشاركة
                  ابن العم والشاعر المميز

                  نــــايــــف الحمـــــيدي

                  قصيدة ابو نايف جزله

                  والمجاراه مبدعه ومذهله

                  ولاهي غريبه من شعراء

                  بحجمكم

                  لله دركما ياعصاااابة

                  راسي مبدعين وجزلين

                  لكم شكري وموووودتي



                  الشاعر الكبير


                  ابوفيصل


                  الشكر لله



                  نورت الصفحه يالغالي





                  مودتي

                  تعليق

                  • نايف الحميدي
                    شـــاعــر
                    • May 2005
                    • 1052

                    #10
                    تم النشر في الأصل بواسطة فيصل المسعودي عرض المشاركة
                    قصائد جزله


                    استمتعنا بقرائتها


                    صح لسان ابو نايف


                    وصح لسانك يانايف


                    تقبل تقديري


                    أخوك


                    فيصل النفيعي






                    فيصل المسعودي



                    صح بدنك


                    يالغالي



                    شرفتنا بطلتك

                    تعليق

                    • نايف الحميدي
                      شـــاعــر
                      • May 2005
                      • 1052

                      #11
                      ابن العم


                      ناصر الدغيلبي




                      صح بدنك


                      يالغالي



                      وتستاهل الطيب الله يحييك




                      والله يطول عمر راعيه والرياجيل الي شرواك




                      لاهنت اخوي

                      تعليق

                      • ناصر بن محمد العتيبي
                        شـــاعــر
                        • Mar 2005
                        • 278

                        #12
                        نايف بن الحميدي

                        صح للسان الشاعر لكبير ابو نايف

                        ولاهنت على المجاراه

                        ويستاهل الطيب وقليل في حقه اللي قلت

                        وصح للسانك

                        ولاهنت على كتابتها

                        لاعدمك يا نايف

                        اخوك

                        تعليق

                        العمل...