الوسم

طي
X
 
  • التوقيت
  • إظهار
مسح الكل
المشاركات الجديدة
  • ضاوي العصيمي
    شاعر القنص
    • Apr 2003
    • 176

    #1

    الوسم

    [poem=font="Simplified Arabic,5,black,normal,normal" bkcolor="transparent" bkimage="" border="double,4,seagreen" type=0 line=0 align=center use=ex num="0,black"]
    بشـّرُوا بالوسم قنـّاية الناقه =والديار المبطيه في تحرِّيها
    جابه اللي يكرم الخلق بارزاقه =ويحيي الديره بعَد موت افاعيها
    أرسله رحمه لبدوٍ على فاقه =بالدعا ترفع يدَيها لواليها
    جاهزٍ سَرَّا بتدبير خلاقه= ليلته من عصر للفجر محييها
    بالبروق اللي على ساق لهّاقه =في مقاديم المزون ومثانيها
    تنتهب نوم المولع من احداقه =والقلوب تتلـّها من عروايها
    صبح غدرانه تطارخ وصَفـّاقه =والطيور مغرّده في شواطيها
    يصبحون البدو للطرش سوّاقه =والمزارع ما لهم لدّةٍ فيها
    في مجاكر والمغاتير سَبّاقه =كنـّها تطوي البسيطه بأياديها
    للبيد وشيلة الصوت لحاقه =ما تغث بسَوقها كبد راعيها
    قدمها السندا الشناح امّ خنـّاقه =فوق ورك الركبي ارخت لواحيها
    أشهد ان الوضح بالدلّ فرّاقه =وفوق زين طبوعها الرب حاليها
    ومن تمكن حُبّها داخل اعماقه =يرخص الغالي على شان يرضيها
    من غلاها لو يطق التعَب ساقه =ما وقف في نحورها عن مناويها
    من طلوع النور لين ادرق اشفاقه =مَرّ يسبقها ومَرٍ يباريها
    لين نبت الوسم تقطف من اوراقه =فى الرياض اللي تداحم مراعيها
    والتعَب ينساه ويضيّع ارهاقه =حين ترخي رُوسها في مفاليها
    ويلتفت للبيت ويشيّد اشناقه =في رفاع الارض ماهوب واطيها
    ولا استوى مبناه ثم دوكر ارواقه =وربعته رتب صبيّه مراكيها
    شبّ ناره والحطب عجّل احراقه =والمعاميل النظيفه مدنـِّيها
    وزيّن الدلـّه وفنجالها ذاقه =دلةٍ عَلى مزاجه مسوِّيها
    لا اختلط حاذق طعَمها بترياقه =سجّ عن حاضر همومه وماضيها
    واشترى اللي ما لها فى الشحَم طاقه =قطعةٍ من عند شاوىٍ مربِّيها
    حطـّها في الشبك ثم رزّ معلاقه =في حَرا رَبع ٍ تعزه ويغليها
    أو طروشٍ للمعازيب توّاقه =الطراقي يبشرون بنقاويها
    عند من لا جَوه ما تقفل اخلاقه =يبتهل واهل الريَا ما يراييها
    يذبح ويمنح ولا قلـّت اوفاقه =وحِلـّته ما دبّر الضيف شانيها
    متبع منهاج حَمّاية الساقه =الرجَال اللي بعيده مغازيها
    مثلهم رجم النقا بالقدَم واقه =ومن مكاسب كفه الروح مرهيها
    والعمر فاني والاقدار تفـّاقه =والحياة الله عليم بتواليها
    ضاوي العصيمي [/poem]
    يسعدني زيارتكم لصفحتي على تويتر على هذا الرابط

    https://twitter.com/#!/dawi_1

    وياهلابكم جميعا
  • عمرالروقي
    مشرف سابق
    • Jul 2005
    • 2728

    #2
    ضاوي العصيمي
    0
    0
    0
    صح لسانك يالجزل
    قصيده وصف
    في غاية الروعه
    0000
    شكرا لإمتاعنا
    بالجديد
    000000000000
    سجل اعجابي وتقبل تحياتي
    000000

    تعليق

    • أبو نجر النفيعي
      مشرف سابق
      • Jun 2006
      • 6683

      #3
      .

      الله الله يابو زيااد

      قصيده رائعه وجزله بمعنى الكلمه..

      وكل بيت اجزل من الثاني..

      فأهنئك عليها يابو زياد..

      وصح الساانك مدد بلا عدد.


      .
      اخووك



      ..
      .....




      تعليق

      • فيصل الحويماني
        عضو ماسي
        • Apr 2006
        • 513

        #4
        ضاوي العصيمي

        0
        0
        0
        صح لسانك يالجزل


        قصيده وصف


        وفي غاية الروعه




        اسجل اعجابي بكل تقدير واحترام



        تحياتي



        0000

        تعليق

        • مرزوق حمدان العتيبي
          مشـرف عام
          • Nov 2003
          • 20403

          #5
          ..
          .

          الله عليك ياشاعر القنص
          ابداع غير مستغرب .... ومن خلال مدحك للوضح
          والله الظاهر انك نويت تحط الذود ياضاوي
          .. بيض الله وجهك وانا اخوك على ابداعك المعتاد
          ....
          .
          [align=center]
          [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
          فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
          حط حبه في كياني ماتغيّره السنيني = وانثني من دون عرضه بالذراع وباللساني[/poem]







          @Marzouq_MHD
          [/align]

          تعليق

          • السميــــــري
            مشرف سابق
            • Jan 2006
            • 2524

            #6


            شبّ ناره والحطب عجّـل احراقـه والمعامـيـل النظيـفـه مدنِّيـهـا
            وزيّـن الدلّـه وفنجالـهـا ذاقــه دلـةٍ عَلـى مـزاجـه مسوِّيـهـا
            لا اختلط حـاذق طعَمهـا بترياقـه سجّ عن حاضر همومـه وماضيهـا



            صح لسانك ياضاوي
            شاعر عملاق
            شاعر الوصف .
            مبدع بمعاني الابداع ..

            دمت للهيلا ..
            [poem=font="Simplified Arabic,5,sienna,normal,normal" bkcolor="white" bkimage="" border="solid,4,sienna" type=2 line=1 align=center use=ex num="0,black"]
            ربيت في حضن الزمانُ وتربيتْ = وأخذت لي من مرّ الأيام قرطوع
            ومن دون حدي ماغلطت وتعديتْ = ولا آطى الخطاء لو كان للناس مشروع
            وأمشي على نهج الرجال النعاتيتْ = واتعب لها لو هي كما حبةَ الكوع
            ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع[/poem]

            تعليق

            • صعاط الجن
              عضو فضي
              • Jul 2005
              • 246

              #7
              صح لسانك يالجزل


              وبيض الله وجهك وجه من يقراء يابو زياد

              تعليق

              • عيضه الثبيتي
                شـاعــر محاوره معروف
                • May 2005
                • 877

                #8
                ضاوي العصيمي


                علمً على رأسه نار


                وقصيده عصماء حركت مشاعرنا


                وهيضتنا


                وشوقتنا للمطر والربيع



                لله درك


                تحياتي
                [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                البارحه كان اللقاء مابينا كله حلو=احلا من السكر وكلّك يابعد عمري حلا!!
                من يوم ماقلتي ياروحي يابعد عمريالو)=وأنا بخير وعافيه قدام لا اقلّك هلا)[/poem]

                للتواصـــ عيضه الثبيتي ــــل

                ezah_6@hotmail.com

                [align=center](ديواني)[/align]http://www.otaibah.net/m/showthread....131#post925131

                تعليق

                • مشاري
                  مشرف شؤون الأعضاء والتفعيل
                  إدارة قسم الشكاوي والاقتراحات
                  • Oct 2002
                  • 1831

                  #9
                  ضاااوي صح لساانك ملايين ولاهنت

                  اخوك مشاري..

                  تعليق

                  • الفراهيدي
                    مشرف سابق
                    • Jan 2005
                    • 3188

                    #10
                    ضاوي العصيمي

                    صح لسانك

                    قصيده رائعه وجزله بمعنى الكلمه..

                    وكل بيت اجزل من الثاني..


                    وننتظر ابداعك


                    AL-frahedi@hotmail.com


                    تعليق

                    • يوسف عبيد
                      عضو ماسي
                      • Dec 2004
                      • 487

                      #11
                      صح لسانك يا ضاوي العصيمي قصيدة رائعه

                      تعليق

                      • نواف العصيمي
                        مشرف عــام
                        • Sep 2006
                        • 10282

                        #12
                        الشاعر ضاوي العصيمي

                        قصيدة رائعة فيها من المعاني والجزاله

                        أسعدتنا بإبداعك وتألقك الدائم

                        لك التقدير والإحترام

                        تعليق

                        • نياف العتيبي
                          شاعر
                          • Dec 2004
                          • 156

                          #13
                          ابوعاااايض


                          شاعر لاتحتاج لاشادتي ..

                          حضوري للاستفاده منك والنهل من منهلك العذب


                          لاخلينا منك


                          الناااااايف

                          تعليق

                          • خالد اوصاهب
                            شـــاعــر
                            • Jun 2006
                            • 669

                            #14
                            صح لسانك ياضاوي

                            قصيده تهيض كل من هوجس

                            يازين السيل ليا هدم كل جحر ومسح الارض

                            تعليق

                            • بادي الرجم
                              عضو نشيط
                              • Jan 2007
                              • 46

                              #15
                              صح لساتك وبيض الله وجهك على القصيده الرائعه

                              وهذا الابداع مهو بغريب على مثلك وشرواك من الرجال الطيبين

                              تعليق

                              العمل...