فخر بالقبيله ومناسبها

طي
X
 
  • التوقيت
  • إظهار
مسح الكل
المشاركات الجديدة
  • ابوجراح
    شاعرالهيلا
    • Jun 2006
    • 126

    #1

    فخر بالقبيله ومناسبها

    [frame="2 80"]كتبت هذه القصيده في مدح ربعي
    وقبيلتي اللتي تستحق ذلك ....واعجبتني فكرة احد الاخوان
    عندما قال نبغى 100 بيت في مدح عتيبه ------
    وكتبت هذه القصيده واتمنى ان تنال اعجابكم....



    [poem=font="Simplified Arabic,5,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
    ابدا بذكر منزل الما من السما = مسقي ديارن مجدبات(ن) احيودها
    الواحد الخلاق علام ما خفا = رافع سما الدنيا بليا عمودها
    ثم عقب ذكره درب الاشعار ينسمح = وتجذ مكنون الضماير اقيودها
    اقوله عقب ماهيض القلب طاري = جاب الهواجس يم قلبي يقودها
    جتني وانا داله وساه(ن)بمجلسي = وشبت شبايبها وصدري وقودها
    تضارب افكاري وتصفق بخاطري = بأرضن خلا قفرا هماجن اعدودها
    ويلاه من قلب(ن) كلنه روابعه = وحمنه كما تحم الطرايد اسودها
    كم رامعن بالقلب يسهج له القدم = يحي همومن مرمسه من ركودها
    ولاعاد اطيق الهرج ومجالس الملا = بي عقدة(ن)والوقت كثر اعقودها
    ماوالي المقعد ليا هاج هاجسي = ويحرم على عيني منامن يرودها
    ياكيف ابرقد والهواجيس تطحن = في وسط راسي وسعت من نفودها
    اقوم واجلس ثم اعود لماقفي = ارجي يهب من الليالي سعودهالل
    يامهجتي تبكيك عيني بدمعها = وتصيح صيحة جادلن مات عودها
    في مكمن النفس الخفيه تقانبت = ذيابن ضواري مشعني عضودها
    تلفت بالجيران وعيال عمي = ياشجرتن يبست وماتت فنودها
    غريب عصرن عاش في غير عصره = حباله تقطب لو سعى في مدودها
    مشكاي للي يسمع ادعاي والندا = مجييا ب الدعا رب الورى وامعبودها
    ماسر عيني في زماني مناظره = ليف ولاشاقها عذرا(ن)تنقض اجعودها
    اطرب لزين المثايل وجزلها = سواليف قومن عانهم في لحودها
    ذكرت ربعي عزوتي لابة الفخر = اللي على عد المراجل ورودها
    ياحيها من لابتن تنطح العدا = لياثارت الهيجا فربعي فهودها
    ويا حيها من لابتن تكرم الخوي = اتقدر الخوه وتكتم اسدودها
    وياحيها اللي تزبن الخايف الوجل = يبشر بأمانن دام هو في حدودها
    اللي تعز الجار وتعز جانبه = تحطه بروضن مخضرن لون عودها
    ون جوهم الخطار في مظلم الدجا = في ليلتن شتويتن هب نودها
    اول عشاهم طيب القول والنبا = وفنجال لاهل الكيف يبري لهودها
    ثم عقبها انقلط سمان الذبايح = حيل(ن) عليها من الشحم مايكودها
    اكرام اللحا لا جات نكرم لحاها = والا العدا ياكل قهرها اكبودها
    هاذي عوايد ربعي اللي عهدتها = توارثوها لابتي من جدودها
    قولن ببرهانن ولا فيه شكه = فعلن مورخ والقبايل اشهودها
    ربعي عتابه حاشو المجد والظفر = زادو وبين للمخاليق زودها
    زادو بزلم الروس في ساحة الوغى = بمصقلاتن في يماني زنودها
    وزادوبشلفن لاضربت تقصم العظم = ومسنناتن يفلج الصدر عودها
    وزادو بفرسانن على الموت جسره = ليا زمجر بجو المعارك رعودها
    وزادو بخيلن روضت للمعارك = لغارتن منها تعود ابفودها
    ليا اظلم بعز الضحى ساطع الضيا = عج السبايا حاجبه في طرودها
    عزي لقومن شرهو في نزالنا = عزيلهم لو كان كثرت اجنودها
    تطحن رحاالهيلا طحاطيح جمعهم = والارض ينخر عظم من مات دودها
    كم جندلو ربعي صميدع وفارس = تبكي وتنعى عقب موته عنودها
    من ذبحته طشت غطاها وخمرها = وتلطم عقب فقد الغوالي خدودها
    لارحم ابو من ذل والا توانى = اليا اقبلت جيش العدا مايذودها
    ولارحم ابو من لاخذته الحميا = في حزتن يفرح بربعه حقودها
    كم سربتن سيف العتيبي صدعها = من ضربته تسكن هيالى لحودها
    ليا دعى داعي المنيه بصايح = صوتن يشيب من رقد في امهودها
    لبى الندا شرابة الدم واعتزوا = في ساعتن ثار الفشق من فرودها
    ليا اعتلوا دهمن ووضحن امضمره = تروى الهنادي بالدما من ضدودها
    ليا اعتلوها واستجنت اجنونهم = دكوا اعداهم لو قوين اجهودها
    اهل الحميا لا برد دم غييرهم = واهل الجماله لو نكرها حسودها
    اهل الوفا وان خانو الناس عهدهم = حاشى عتيبه ما تنقض اعهودها
    اهل الشكاله والمراجل هواها = ترقى لها لوكان عسر صعودها
    ليا جادت الايام جادت بأهلها = وجادت عتابه فوق من جاد جودها
    ياجاهل بربعي ترى عندي الخبر = ونظم الدلايل مثل جوهر اعقودها
    ياجاهل بنا حنا خوال محمد = اللي دعى للشرع وارسى وتودها
    عتيبة هوازن قال عنها الخلاوي = تلطم معاديها وتكرم وفودها
    قومن عزايمها تسابق اسهومها = تصبر على مر الليالي وكودها
    عتيبه على الجيران حيدن مذري = ذرى المجلى عن لهايب لهودها
    سلم العرب هو سلمنا نفتخربه = ماهوب سلم الروم والا هنودها
    وسلم الدخيل اللي دخل بوجيهنا = عامين وشهرين نمنع ضدودها
    عتابه لها ديارن وساعن فجوجها = من اقصى الحجازلنجد هاذي حدودها
    غزت على نجدن وحلت دياره = بسفك الدما حتى رعت فيه ذودها
    وحمت حماها بسلات القنا = ودهم البلنزا اللي طويلن عمودها
    وقبن لطلاب الحرايب تنثني = تفجي شبا الشابوش لاقفى شرودها
    عينت قحطانن وحربن وغيرهم = وابن رشيد وقومه اللي يقودها
    ومطير حمران النواظر تقللوا = بأسباب ربعي معجلينن شدودها
    ابك العدو منا تراعد قوايمه = مايركب من الخيل الا شرودها
    حنا الذرى لا هب صلف الهبايب = وحنا قمر سمر الليالي وسودها
    وحنا سقم عين المعادي وعلته = يحرم على عين المعادي رقودها
    نطعن ولانخشى برمحن وحربه = وبيضن مقاطيف النفس في حدودها
    حط الوعد ياللي تبى الحرب واعلنه = وابشربربعن تلتزم في وعودها
    تجيك زرفاتن على الحرب مظميه = يفل الحديد وينصرم من بلودها
    من مثل ابن هندي وتركي ومسلط = في سربتن مثل القطامي هدودها
    وابن محيا وشالح الضيط يذكر = وفاجر ليا جا قوم ينهي وجودها
    والضيط مارق ذابح الترك جزر = تسعين فارس عدها وامعدودها
    وبخيت وشليويح ذوي عطيه = عن الحرا يب ما يطول قعودها
    وعقاب والعفار ياحي ذكرهم = ناسن رست مرسى شواهيق طودها
    من غيرهم ناسن كثيرن عددهم = يصعب عليه بالقصيده ورودها
    اذكر نهارن في طلال المسمى = تردم جيوشه في صحاصح جرودها
    جانا ثمان الاف تقرع اطبولهم = مع جملة الحضران تومي شنودها
    مز نن نشا ثعله ولاحت بروقه = هلت مخاييله وسالت خدودها
    مطرها الدمي ورعودها دهم القنا = منها دروع الجند كثرت اهرودها
    مسلط عقب ماشاب يرفع حواجبه = رد البرى والحرب يعلن وكودها
    يوم(ن)مضاوي هلت الدمع تنخى = اللي على الحارب سريعن ردودها
    اروى العطاوي كل مذلوق منهم = وغدو كما زرعن بحزة حصودها
    مالوم البعير يوم للمنع يطلب = شاف الرمك يهوي المصقل احرودها
    وقام الثبيتي ثم عقل ذلوله = وأوعد براس الشيخ زيزوم قودها
    ثمان القبايل ماحسبنا احسابها = لوجات بجيوشن تزاحم احيودها
    الاد روق لوحدهم ضدوالعدا = خذوا قلايعهم وسمحات قودها
    واذكر نهار فوق عروى خياله = اخذنا الاصايل في كدايش قعودها
    واذكر نهارن في سناف المطارد = من ذاق ضربه يندفن مايعودها
    واذكر نهارالضال يم الدوادمي = كل القبايل جامعينن احشودها
    واذكر نهار بالعويند مهول = دفق الدمي سيلن حدر مع سنودها
    واذكر نهار صاركونه بدلعه = مع اهل الجنوب اللي تهاذى قرودها
    برقا حدتهم في سيوفن مشرعه = وامست طيور الحوم تنهش جلودها
    والمجمعه ويوم الرحا مانسيته = نارالعدا ماتت وطول خمودها
    يالله تغفر للعتيبي ذنوبه = كم يتم ورمل من الغيد خودها
    وكم قطع سيفه رقاب ونسفها = عزيزقومن راح يبكيه عودها
    هذاه قول اللي تهيض كنينه = واركى عليه من الليالي صدودها
    قول ابن صقراللي تقلب مواجعه = لاعه من الدنيا صواديف سودها
    في منتدى الهيلا نوانا نشارك = بقصيدتن طيب المعاني تسودها
    واختامها صلوا على هادي الملا = على محمد عد مايل ملودها

    [/poem][/frame]
  • منصور بن فهيد
    مشرف سابق
    • Dec 2004
    • 3451

    #2
    يعطيك الف عافيه اخوي ..
    وصح لسانك ولسان شاعرها ..
    تحياتي وتقديري..
    man.9.our@hotmail.com

    تعليق

    • ابـن نـعـيـس
      مشرف سابق
      • May 2005
      • 5666

      #3
      لاهنت


      يعطيك العافيه



      تحيااااااااااااااااااااااااااااااااااااتي
      [align=center][/align]

      تعليق

      • ابوجراح
        شاعرالهيلا
        • Jun 2006
        • 126

        #4
        شكر

        لاهنتو يالربع ................

        ومشكور على هالكلام الرائع
        ..............................

        تعليق

        • مرزوق حمدان العتيبي
          مشـرف عام
          • Nov 2003
          • 20403

          #5
          ...
          .
          ملحمه رائعه بكل ماتعنيه الكلمه
          ولايجيدها الا كبار الشعراء ...
          صح لسانك وبيض الله وجهك ... في مدح قبيلتك ...
          بصراحه قصيده بهالجزاله حرام ماتكون بالاسم الحقيقي

          تثبت وتمنح ختم التميز
          تحياتي
          [align=center]
          [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
          فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
          حط حبه في كياني ماتغيّره السنيني = وانثني من دون عرضه بالذراع وباللساني[/poem]







          @Marzouq_MHD
          [/align]

          تعليق

          • ابن مشيب
            إدارة أقسام القبيلة
            • Nov 2002
            • 9791

            #6
            سلمت وسلم إبداعك , إجادة في النظم وحبك للبيت , بناء رائع , وتصوير متميز , وذكر مأثر عتيبة وابطالها , رحمهم الله رحمةً واسعة , صح السانك عدد احرف ابياتك يابوجراح

            وبيض الله وجه ابومحمد على تثبيت هذه الملحمة


            تحياتي

            تعليق

            • فيصل المسعودي
              مشرف عام
              • May 2005
              • 8296

              #7
              ابو جراح


              وش نقول اكثر من الاخوان


              قصيده عظيمه في قبيلة عظيمة


              صح لسانك على هالملحمه الرائعه التي تسطر تاريخ القبيلة المعروف من القديم


              تقبل شكر وتحيات


              أخوك


              فيصل النفيعي

              تعليق

              • خلف بن مرزوق
                مشرف سابق
                • Apr 2005
                • 2765

                #8
                ...
                ..

                ابو جرااااح


                مرحبا بالشعر مرحبا بالشاعر


                شاعر جزل جزل جزل وقصيدة ستبقى خااالدة

                صح لسااااانك مليووون ولافض فوك

                واول موضوع ينال ختم التميز في منتدى الهيلا منذ تأسيسه

                تستااااااااااهل القصيدة وتستاهل عتيبة هذا الشاعر


                مووووووووووودتي

                .
                اهداء لاعضاء وزوار الهيلا
                777
                77
                7

                ديوان الشاعرالعملاق / رشيد الزلامي

                ديوان الشاعر الكبير / حبيّب العازمي

                al3azmi@w.cn

                تعليق

                • الــوآفــي
                  عضو اداره
                  • Mar 2003
                  • 3629

                  #9
                  يالله تغـفـر للعتـيـبـي ذنـوبــه.... كم يتم ورمـل مـن الغيـد خودهـا


                  ابو جراح كتبت فأبدعت

                  صح لسانك مليااااااار

                  ملحمه رااااااائعه يجب ان تكتب تحت اسم صاحبها الحقيقي


                  وصدقني لن تبقى حبيسة منتدى الهيلا بل ستتناقلها الألسن وتتوارثها الاجيال


                  كل الشكر على الجزاله يابن العم

                  اخوك ذيبان
                  [align=center][flash=http://assa97.jeeran.com/azzoz.swf]WIDTH=450 HEIGHT=350[/flash]



                  [align=center]



                  [align=center]ليا جاء طاري الهيــــــلا يفز القلب فزة شوق[/align]






                  ألبوم صور



                  مدونه مميزه



                  [/align][/align]

                  تعليق

                  • اللطّــام
                    شـــاعــر
                    • Jun 2005
                    • 565

                    #10
                    بيـــض الله وجهـــــك يابو جــــــــــراح علـــى هالملحمـــــــــه التـــارخيـــــه العظيمـــــــــــه
                    وشكـــــــراً للاخـــــــــوان اللــــــــــي عطوهـــــــــــا حقهــــــــــا.

                    تعليق

                    • مقعد الدغيلبي
                      شـــاعــر
                      • Feb 2006
                      • 3502

                      #11
                      أبو جراح
                      صح والله اللسانك
                      على هالملحمه التارخيه
                      وعلى هالقصيده التي شرحت
                      فعول عتيبه بكل صدق
                      كتبت فابدعت يابو جراح
                      وياليت وضحت فيها ألاسم
                      الرباعي لاأنها رايح تنتشر
                      فالمنتديات الاخرى وغيرها
                      فحرام تكون بدون أسم صاحبها
                      ولايسعني الا أقول صح اللسانك
                      وللهيلا الفخر بمثلك وشرواك
                      وتقبل فائق أحترامي وتقديري


                      تعليق

                      • العتيبي
                        رئيس إدارة شبكة قبيلة عتيبة الهيلا
                        • Jul 2002
                        • 1325

                        #12
                        قصيدة تجعل الشخص يقوم من مجلسه اعجابا فيها وفي شاعرها



                        لله درك ما اروع ما قدمت للهيلا

                        وما أروع ما صاغ لسانك



                        تسجيل اعجاب وحضور



                        وسأعاود زيارة هذه الصفحة مرارا وتكرارا


                        =======

                        وانا مع الشباب في أن تكون بإسمك الصريح وليست الكنية فقط

                        =======



                        العتيبي
                        شبكة قبيلة عتيبة الهيلا
                        haif@otaibh.net

                        تعليق

                        • فيصل القثامي
                          مشرف سابق
                          • Apr 2006
                          • 1308

                          #13
                          اخوي ابو جراااح .

                          الله يعطيك العافيه .

                          كتبت وابدعت .

                          ونتمنى ان تكتب الاسم الحقيقي وليس الكنيه .

                          عضو جديد ولكن مدع مبدع لاعلى درجة .

                          امتعتنا بدقة وجزلة الابيات .

                          اجدد لك التحية يالغالي .

                          تحياتي واشواقي .

                          فيصل القثامي

                          تعليق

                          • فهدالعضياني
                            عضو فضي
                            • May 2006
                            • 261

                            #14
                            اخوي ابوجراح الله يعطيك الف الف الف عافيه وصح السانك وبيض الله وجهك على هذه القصيدة الرائعه والملحمة التاريخية العظيمة
                            تقبل تحياتي

                            تعليق

                            • ابواريام
                              عضو نشيط
                              • Apr 2006
                              • 85

                              #15
                              بيض اللة وجهك يــــــــــا أبوجراح وانت وامثالك من ابناء((الهيـــــــــــــــــــــــــــــــــــــــ ـــــلا)) هم اللي يرفعون سمعت ((الهيــــــــــــــــــــــــــــــــــــــــــــ ـلا))

                              تعليق

                              العمل...