((((((( معلقات الهيلا))))))))))

طي
X
 
  • التوقيت
  • إظهار
مسح الكل
المشاركات الجديدة
  • قرنــاس الصبيحي
    عضو فضي
    • May 2005
    • 283

    #1

    ((((((( معلقات الهيلا))))))))))

    السلام عليكم ورحمة الله وبركاته


    ياخوان الفكره نختار سبع قصايداجمل قصايد الهيلا اجمل ماقيل في الشعر


    ولكل يدلي ماعنده ولا احد يبخل علانا واو تقولون مسابقه نختار سبع قصايد الاكثر جزاله



    ارجوا المشاركه وشعار الهيلا اني محتار وش اختار من بينهم



    وش رايكم نبدا ؟
  • قرنــاس الصبيحي
    عضو فضي
    • May 2005
    • 283

    #2
    [poem=font="Simplified Arabic,5,,normal,normal" bkcolor="white" bkimage="" border="double,6,black" type=2 line=0 align=center use=ex num="0,black"]
    البارحه جتني اهجوسـي مراسيـل
    وشبيت ناري مـن زنـاد وفتيلـه

    قم يا فهـد قـرب علـي المعاميـل
    واسمع كلامـي والمعانـي جزيلـه

    هات الدلال وعطني البـن والهيـل
    والنجر دنـه ليـن نوحـي عويلـه

    ابا احكر الدلـه وهـات الفناجيـل
    للكيـف حـزه والنشامـا تجيـلـه

    والبـاب خلـه فاتـح ٍ للرياجيـل
    ما صك بـاب امزبنيـن الدخيلـه

    اما يجي ضيف يبا حايـل الحيـل
    في حلـة ٍ تكـرم ولا هـي بخيلـه

    بعيـد دار ويستـحـق التكامـيـل
    وانكملـه كـل العلـوم الجزيـلـه

    والا من الجيـران يبغـى التعاليـل
    في بيت من يفعل فعـول ٍ جزيلـه

    الجار له حشمـه وتقديـر بالحيـل
    حسن الجوار من الخصال الفضيلـه

    محمد المرسـول وصـاه جبريـل
    حتى من الميـراث كـاد يعطيلـه

    واللي بعدها شاهد الجـدي وسهيـل
    وافهم كلامي وانت ضلعـك يشيلـه

    بين النجوم البارزه في سماء الليـل
    دليلـة ٍ يـا وضحهـم مـن دليلـه

    ترى المراجل ما تجـي بالتساهيـل
    ما كـل رجـال يعـدي الطويلـه

    واحرص على خوة ازحول المشاكيل
    الرجل يعرف من ملامـح زميلـه

    ولا تسند الخوه على بـارد الحيـل
    عزمه ضعيف وحيلتـه مـا تحيلـه

    واحذر من خدوش العيال المهابيـل
    حتى ولو كانوا مـن ادنـى القبيلـه

    اهـل النفـاق مروجيـن الاقاويـل
    رجالهم ترثع علـى الهـرج خيلـه

    في وقت حاجتهم يجونـك مقابيـل
    واليا ادبروا ما عـاد فيهـم عقيلـه

    اضعاف الانفس خايبين المحاصيـل
    ما يكسبـون الا الـردى والفشيلـه

    يشنون راع الطيب راع المفاعيـل
    ينسـون معروفـه بيومـه وليـلـه

    ما يعرفون الحق والعـدل والميـل
    ولا يتبعـون الا مضـيـع دليـلـه

    لـو حللـو مـن دمهـم بالتحاليـل
    لقوا فصيلتهـم مـن اردى فصيلـه

    هـذي وصايـا قلتهـا بالتماثـيـل
    الكل منهـا فـا لاصايـل اصيلـه

    شرحتها لك يـا فهـد بالتفاصيـل
    واحفظ وصاتـي والوصايـا ثقيلـه

    والمعذره لن كان قصرت فـا لقيـل
    الهـرج يكفـي منـه زبـدة قليلـه

    واختامهـا منـي صـلاه وتهاليـل
    على النبي ما لاح بـرق المخيلـه






    وسلامتكم...[/poem]



    لشاعر/ نشاط الزلامي



    [poem=font="Simplified Arabic,5,black,normal,normal" bkcolor="transparent" bkimage="backgrounds/33.gif" border="double,4,deeppink" type=2 line=0 align=center use=ex num="0,black"]
    بسم الله الرحمن مبداء كلامي=مبدا القصيد ومطلع القيفان
    ولا خاب من يبدا بذكره كلامه=رب العباد الواحد الرحمان
    واردّ من حلو المثايل واغنّي=كلام موزونً على ميزان
    هبت هبوب الشعر منّا زمنّا=ببيوت مثل الطرقي العجلان
    تسابقنْ مابينهم في ضميري=الكل ودّه يصبح العنوان
    واخترت من زين المعاني معاني=وبنيت مبناها على سيسان
    بيوت شعرً في ضميري تزاحم=تارد مثل ما يارد الضميان
    ارسم معانيها وارتّب حروفها=صنعة عقود الول والمرجان
    وانا لياجات المواقف عتيبي=واسعد منهم ربعه العتبان
    العزوه اللي من خيار العزاوي=اللي لهم بين القبايل شان
    قومً يعرفون القبايل فعولها=زبن الدخيل وسم للعدوان
    كم نزّحو لابه وعاشوا مكانها= يوم أنها سيف وفرس وعنان
    تربعوا في وسط نجد وخذوها=يوم إدراج الخيل فالميدان
    قحص المهار اللي عليها رجالها=تـقضّب المديون للديان
    ومصقلاتً عشت النمر والفهد=والطير منها ماضوا جيعان
    ربعي هل الطالات لطّامة العدا=لا زادت الشعله على الدخان
    أهل الفعول اللّي تبيّض وجيها=لا عدّت الأفعال كان وكان
    أفعولها يزري لساني يعدّها=والله مايحصيها كلام لسان
    ولو تكتب الأقلام مايكفي الحبر=ويمدي الورق خلّص من الدكان
    برقا وروق أهل السلوم العريبه=تاريخهم بالمرجله مليان
    سمّوهم الهيلا لكثرة جموعهم=هيل المطر من رايح الأمزان
    وذباحة الحائل لكثرة كرمهم=قومً كرام تكّرم الضيفان
    ولطامة العايل للطمة عدوهم= قولً على فعلً على برهان
    أمجادهم مثل النجوم المطلّه=ماتختفي ياكود للعميان
    وحصونهم مثل الجبال الرواسي=امرسّيه مارسّت الضلعان
    وأديارهم في قلب نجد الموقّر=وقلب الحجاز الشامخ الفتان
    هذي منازلهم وهذي ديارهم=وهذي مسيرة ربعي العتبان
    ووالله مايكفي قصيدي بحقهم=لو أنّي اكتب لي 100ديوان[/poem]


    شعر عيضه الثبيتي
    اختيار مرزوق العتيبي

    تعليق

    • *جزء من عتيبة*
      عضو فعال
      • Mar 2006
      • 154

      #3
      فكرة جيدة اخووي قرناااااااااس

      والله يعطيك العافية نريد ان نرى مجهودك

      شاكر لك هذا الفكر الطيب المنير

      للرقي بمنتدى الهيلا

      تحياتي

      تعليق

      • أنس النفيعي
        عضو نشيط
        • Apr 2006
        • 53

        #4
        تدري وش هو الأزين ياقحص الخلفية
        ههههه
        لاهنت أنت ولا قرناس
        يعطيكم ألف عافية

        تعليق

        • قرنــاس الصبيحي
          عضو فضي
          • May 2005
          • 283

          #5
          قحص قصيده جزله صح لسانك وصح لسان من قالها




          نتظر من الباقين المشاركه



          انس مشكور على مرورك الكريم

          تعليق

          • مرزوق حمدان العتيبي
            مشـرف عام
            • Nov 2003
            • 20403

            #6
            ...
            .

            لاهنت ياقرناس .. اشهد انك رائع بهالفكر ..
            يثبت الموضوع ... وراح ننقل السبع قصائد ...
            في الموضوع الاول ... ولي عوده .....
            تحياتي
            [align=center]
            [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
            فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
            حط حبه في كياني ماتغيّره السنيني = وانثني من دون عرضه بالذراع وباللساني[/poem]







            @Marzouq_MHD
            [/align]

            تعليق

            • خلف بن مرزوق
              مشرف سابق
              • Apr 2005
              • 2765

              #7
              000

              الاخ الغالي / قرناس


              فكره رااائعه..ولاتستغرب منك


              ولكن حبيت توضح هل المقصود شعرا المنتدى

              ام القبيله عموما؟


              ولي عوده بالاختيار ان شاء الله



              تحيتي
              اهداء لاعضاء وزوار الهيلا
              777
              77
              7

              ديوان الشاعرالعملاق / رشيد الزلامي

              ديوان الشاعر الكبير / حبيّب العازمي

              al3azmi@w.cn

              تعليق

              • قرنــاس الصبيحي
                عضو فضي
                • May 2005
                • 283

                #8
                الشاعر الجزل مرزوق العتيبي الغالي مشكور على تثبيتك للموضوع

                وانتظر دورك ومساعدتك ومساعدة عيال العم لاندمت


                الاخ العزيز صقر العوازم خلف بن مرزوق اقصد شعراء الهيلا من المنتدى فقط




                كثر الله من امثالكم

                تعليق

                • خلف بن مرزوق
                  مشرف سابق
                  • Apr 2005
                  • 2765

                  #9
                  000
                  00


                  اليكم هذه المعلقه

                  ياهجوسي لارهجتي وردي عذب البيوت
                  -----------------طمعتي جزل المعاني ياضــميري هاتــها
                  الكلام اللي يفيد الناس اخير من السكوت
                  ---------------يوم بعض الناس اخير من الكلام اسكاتها
                  القصيده لو يموت اللي كتبــــها ماتمـوت
                  -----------------اثبت الواقـــع قصـــايد خلــــدت لامواتها
                  طاعة الله في حياتي معتبرها خير قــوت
                  ----------------والحقـــيقه قوت يغني عن جميــع اقواتها
                  مطلبي فعل الشــكاله وان بدالي مايـــفوت
                  ----------------تنقهر روحي على فعــــل الوفا لا فـاتها
                  والمراجل سلم ابوي وسلم عالين السموت
                  -----------------الرجال اللــي على الطاله علت هامـاتها
                  والنميمه ماعشقــــها كرهها عـندي ثبوت
                  -----------------اكره اللي يقــــولها واكــره بعد جلساتها
                  مجلس ٍ فيه النميمه ينبت الحسره نبوت
                  ------------------قبح الله وجــه ناس ٍ هالردى غاياتها
                  راعي النمه مريض وكـــم في قوله بهوت
                  -------------------البشر كنّه تخصص في كشـــف نياتها
                  لاسمع له هرجة ٍ عنون لها فاجمل كروت
                  ------------------ثم نشرها والمكر والخــــبث في طياتها
                  كم يفــرق من جموع ولا يلملم من شتـوت
                  -----------------مهنته شذب المقــــفي في جميع اوقاتها
                  مذهب ٍ ربي حلاه ودايـم السانه فلـــــوت
                  ----------------- نفسه القـشراعلى ضر البشر مشهاتها
                  مايحط النفس في موقف ردا رجلٍ صموت
                  ---------------الرجال اهـــــل الحمــــيّه تنعرف وقفاتها
                  الرجوله والشهــــامه طبع زاكين البخوت
                  -----------------والرديّه للــــردي والنــاس من عاداتها




                  للاستاذ / مرزوق العتيبي
                  اهداء لاعضاء وزوار الهيلا
                  777
                  77
                  7

                  ديوان الشاعرالعملاق / رشيد الزلامي

                  ديوان الشاعر الكبير / حبيّب العازمي

                  al3azmi@w.cn

                  تعليق

                  • قرنــاس الصبيحي
                    عضو فضي
                    • May 2005
                    • 283

                    #10
                    خلف بن مرزوق الله يعطيك الف عافيه مايلحقهاشك اشهد انها جزله صح لسانك ولسان راعيها


                    من شاعر الهيلا في المرتبه المعروفه


                    اسجل اعجابي

                    تعليق

                    • خلف بن مرزوق
                      مشرف سابق
                      • Apr 2005
                      • 2765

                      #11
                      000
                      0


                      اين البقية؟؟؟
                      اهداء لاعضاء وزوار الهيلا
                      777
                      77
                      7

                      ديوان الشاعرالعملاق / رشيد الزلامي

                      ديوان الشاعر الكبير / حبيّب العازمي

                      al3azmi@w.cn

                      تعليق

                      • نشاط الزلامي
                        شـــاعــر
                        • Mar 2006
                        • 179

                        #12
                        السلام عليكم

                        اخوي قرناس اشكرك على الفكره الرائعه لهذا الموضوع

                        اليكم اختياري

                        [poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
                        هذي طبوعي كل ما عسعس الليل
                        أصلّـح الدلـة وأجـر اللحونـي
                        بريـةٍ موزونـة البـنّ والهيـل
                        والماء بوزن وحيّ هاك الوزونـي
                        منهـا تكيّفنـي ثلاثـة فناجـيـل
                        وأرتاح ويطير السهر من عيونـي
                        وأراجع الذكرى وأجـرّ المواويـل
                        والذكريـات بكـلّ شكـلٍ ولونـي
                        البعض منها يشرح الصدر بالحيل
                        والبعـض لا والله يجـدد طعونـي
                        وأرجع وأفكّر في الليال المقابيـل
                        لعل وقتـي مـا يخيّـب ظنونـي
                        وأدخل على الله من حياة الغرابيـل
                        حيث إن همّي ما تشيلـه متونـي
                        كنّك مفصّل فوقي الهـمّ تفصيـل
                        لين إلتبسني مثل لبـس الجنونـي
                        حالي كما حال القلوب المشاغيـل
                        اللي من أطرف شـيء يتأثّرونـي
                        لو يشتكون الغبن والجور والميـل
                        للغيظ وسط صدورهـم يكتمونـي
                        فكّرت الا الموضوع يحتاج تحليـل
                        وفنّ الدراسة واحدٍ مـن فنونـي
                        عرفت وش عكّر مزاج المشاكيـل
                        يوم إنهم مـن وقتهـم يشتكونـي
                        أول سبب: نقالـة القـال والقيـل
                        الطغمة اللـي جعلهـم يذهبونـي
                        قلوبهـم بالحقـد سـودٍ مغاليـل
                        ومن طبعهم بالمشكلة يفرحونـي
                        وثاني سبب: ناسٍ على مثل ما قيل
                        لا يقطعـون الشّـر ولا ينفعونـي
                        والله ما يرفع ضغطك إلا المهابيل
                        العالم اللي في النحـر ينشبونـي
                        وثالث سبب: ناسٍ سوات المخاييل
                        على سلوم الطّيب ما يحرصونـي
                        خلّو سلوم أجدادهم رغو مع سيل
                        وفي عالم التقليد جو يركضونـي
                        طشّوا عمايمهم ولبسـوا بناطيـل
                        والموس فال أشنابهـم والدقونـي
                        وأرقابهم ما سلمت من السلاسيل
                        تطبّعـوا بطبـوع هيـم البطونـي
                        في ذمتي ماعـاد باقـي رياجيـل
                        إلا القليـل وجعلهـم يثبتـونـي
                        صفّة بعد صفّة وجيلٍ بعـد جيـل
                        كلٍ من اللي قبله أنقص وأدونـي
                        هذي هي الأسباب من دون تفصيل
                        شرحت روس أقلام بس أعذروني
                        واللي يبي تفصيل بالحيل بالحيـل
                        يقـدر يكلمنـي علـى تيلفونـي [/poem]

                        للشاعر وصل العطياني

                        تعليق

                        • أبو مرحبا
                          مشرف عــام
                          • Jan 2005
                          • 8037

                          #13
                          [poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
                          لو انهـا منكـم علـى غيـر معنـى=حنّـا لوآآآآمركـم سمعنـا واطعـنـا

                          حنـا لوآآمركـم علـى مـا تحبـون=من حبكم نسعى على ما استطعنا

                          فـيـكـم محبـتـنـا ومـنـكـم هـوانــا=واشواقـنـا معـكـم وفيـهـا ولـعـنـا

                          الـيــا نـزلـتـو بالمـحـبـه نـزلـنــا=والـيـا طلعـتـو بالمحـبـه طلـعـنـا

                          واليـا عطيتونـا صغـيـره شكيـنـا=والـيـا عطيتـونـا كبـيـره طمعـنـا

                          والـيـا تركـتـونـا قـبــال اللـيـالـي=رحنا ترى في دربهـا مـا رجعنـا

                          يـا مشيـن الدنيـا ليـا غـبـت عـنـا=ويا مزيـن الدنيـا ليـا كنـت معنـا

                          ويا مشين الآيآم من غيـر زولـك=حتى ولـو انـا مـع النـاس ضعنـا

                          ويـا مـا حـلا الأيـام وانتـم معانـا=كن الوسيعه ... يومها مـا تسعنـا

                          يامـا شربنـا مـن همـوم ورويـنـا=يامـا كلينـا مــن هـمـوم وشبعـنـا

                          يـامــا تحمـلـنـا ويـامــا صـبـرنـا=حتـى نفـذ كـل الصبـر مـا نفعـنـا

                          يـامـا عـلـى يـامـا ويـامـا ويـامـا=يـامـا ويـامـا زاد منـكـم وجـعـنـا

                          آسالـكـم بالـلـي عطـاكـم حـلاكـم=واعطاكم احلا زول في مجتمعنا

                          لا تجرحون اللي بلش في هواكم=لا تمنعـونـا والـزمـن قــد منعـنـا

                          ليت الزمان اللي يخـرب يسـوي=وليت الزمان اللي يفـرق جمعنـا

                          والله لو تطلب صعيب(ن) نجيبه=ووالله لـو تطلـب غـوالـي دفعـنـا

                          ووالله لـو دار الزمـن مـا ندعكـم=وبالله لا دار الـزمــن لا تـدعـنــا [/poem]




                          للشاعر العضو
                          الازوري
                          [align=center]



                          [/align]
                          [align=center]إن قلَّـت الوزنـه وربعـي مشافيـح ** أخلـي الوزنـه لربعـي واشـومـي[/align]
                          [align=center][/align]

                          تعليق

                          • قرنــاس الصبيحي
                            عضو فضي
                            • May 2005
                            • 283

                            #14
                            الشاعر نشاط الزلامي احسنت الاختيار قصيده جزله من شاعر جزل وصل العطياني



                            الاخ العزيز قحص بيض الله وجهك الازوري شاعر جزل احسنت الاختيار



                            باقي قصيدتين ياخوان ونكمل النجاح شدوا على حيلكم

                            تعليق

                            • قرنــاس الصبيحي
                              عضو فضي
                              • May 2005
                              • 283

                              #15
                              اعلنت الاغلاق00

                              --------------------------------------------------------------------------------



                              [[poem=font="Traditional Arabic,6,indigo,bold,normal" bkcolor="skyblue" bkimage="" border="double,4,green" type=1 line=0 align=center use=ex num="0,black"]
                              مادامـك انتـه مشـركٍ بالمحـبـة
                              اليـوم لازم تؤمـن بصـد وفـراق
                              شخصٍ هواك وكنت بالقلـب حُُبّـه
                              ماعـاد يهواكـم ولاعـاد يشـتـاق
                              ماعادلـك بالقلـب مثـقـال حـبّـة
                              من لهفة الماضي ومن زود الاشواق
                              اللي يخـون احبابـه الهجـر طبّـه
                              وش فايدة حبٍ علـى غيـر ميثـاق
                              كـم قلتلـك قلبـي يناديـك لـبّـه
                              قلبٍ تمنى منك لـو لحضـة عنـاق
                              كان الوله في ضامري ضـو اشبّـه
                              ابغى الدفى واثره يسببلـي احـراق
                              واثر غرامك فـي طريقـي مطبّـه
                              اكلتهـا والقلـب مـن بعدهـا فـاق
                              كنت احسبك عشقي واثرنـي مشبّـه
                              آسف على عشقٍ سكن جوف الاعماق
                              حبيـت قبـل اروح اذكّـر وانـبّـه
                              قلبي ترى عن حبك (اعلنت الاغلاق)
                              ان كان باقي شوق انا ارجوك خبّـه
                              اكيد تحتاجـه مـع اللـي لكـم لاق
                              مادامـقلبـك مـشـركٍ بالمحـبـه
                              اليـوم لازم تؤمـن بصـد وفـراق
                              وانا عتيبـي مارجـى غيـر ربـه
                              عزيز نفـس لعـزة النفـس عشّـاق
                              ]وتقبلوا تحياااااتي[/poem] لشاعر /خلف بن مرزوق

                              تعليق

                              العمل...