كل يبا الأرباح في رأس مالــه

طي
X
 
  • التوقيت
  • إظهار
مسح الكل
المشاركات الجديدة
  • سفر الغبيوي
    شــاعر
    • Jul 2005
    • 147

    #1

    كل يبا الأرباح في رأس مالــه

    من دفاتري القديمة
    قصيدتان مرتبطتان ببعضهما البعض
    *****

    [poem=font="Times New Roman,4,black,bold,normal" bkcolor="transparent" bkimage="backgrounds/17.gif" border="double,4,gray" type=0 line=0 align=center use=ex num="0,black"]
    خاب الرجا بالصاحب اللي نودّه = خاب الرجابه قاصراتٍ حباله
    خيّب رجا من قاسي الوقت حدّه = لاواحسايف وين راع الشكاله
    مير المثل مقيول وايضا نعدّه = اللي ورا الأشناب صعبٍ مناله
    وصعبٍ على الرّجّال لاباح سدّه = وبيّح كنين الروح للي عناله
    يرجع بليّا فود ولاشٍ يعدّه = لاواخسارة من تعنّا وجاله
    محشوم ياراع الوفا والمودّه = ياكاسب الثنتين جود وجماله
    ماقد عنالك صاحبٍ لك تردّه = في عسّر والا اللّين كلٍ مشاله
    مذكور ياراع الجماله بشدّه = والا الرخا كلٍ طوالٍ حباله
    تمشي مع المحتاج سيفك تحدّه = ماينّثلم والحق يثبت مقاله
    والقلب قبل أسبوع بيّحت سدّه = بيّحت مكّنونه "لمقعد" عماله
    وأخذت من هدّاج تيماء مردّه = قولٍ عليه اشهود لاجا مجاله
    وأمسيت أنا في كل مجلس وأردّه = وأقول جيبي طالعٍ من وكاله
    جديد ياأهل الصنّف توّه ابجدّه = ماداره السّوام ماطبّ صاله
    وأمجهّزٍ مافيه عيبٍ ولدّه = منّوة اغلامٍ محتسيه وسعاله
    مير البلا طيري على ويش أهدّه = لاصار ماله صيدتٍ في خياله
    ونجم السما صعبٍ على الناس عدّه = وتصّعب على يمناي قطّعت شماله

    سفر مشعان العتيبي[/poem]

    ************

    [poem=font="Times New Roman,4,black,bold,normal" bkcolor="transparent" bkimage="backgrounds/17.gif" border="double,4,gray" type=0 line=0 align=center use=ex num="0,black"]
    قم ياطلال إكتب لعمك ارساله = إكتب على القرطاس وإحذر ميلها
    إكتب لأبن "مشّيب" سنام الشكاله = ووضّح "لبو غازي" حروفي وقلها
    قله ترا ماني براعي جهاله = أعرف سلوم القوم وأدّراخملها
    أحذر من الزلات في كل قاله = من خوف لايمسك عليّه زللها
    من خلقتي محدٍ ذكرني بعاله = ولا والله أعرف حيلةٍ من حيلها
    أمشي على وضح النقا بأعتداله = وأعرف ميول الناس وأعرف عدلها
    والرجل يا "مقعد" لسانه عقاله = إليا عقل ملزوم باللي عقلها
    وأنا سطرّت القاف وأنقا جزاله = في مدح من يمناه ينطف عسلها
    عون الرفيق اللي لفاه وشكاله = من عقب مادنياه درّهم جملها
    مما جراله برّكت به جماله = ومنولٍ جلّ الثقايل حملها
    ماقدّ شكا للناس سيّات حاله = مغنيه ربي يوم ناره شعلها
    *****
    ياواثقٍ بالمال مسّرع زواله = يزول جلّ المال يبقا عملها
    محدٍ ضمن دنياه لوّ كان ماله = كثّر الجنان المثمرات بنخلها
    المال والأعمار تقفي رحاله = وتبقا فعولٍ طيباتٍ لأهلها
    وياسعد منهو طيباتٍ فعاله = يذكر مع الأجواد باللي فعلها
    ون قسمت الأذكار قسمه يناله = بافعاله اللي بالمكارم شملها
    ون ذكرت الأجواد يذكر لحاله = حيثه زما رأس المعزّه نزلها
    *****
    واعود للي سمّ حالي سؤاله = وخطرٍ على رجلـي يجيها شللها
    من عقب ماأوحيته يفسّر مثاله = ويعاف حدّ السيف يبغا بدلها
    اللي طرالي غير واللي طراله= لبّس يدين الريم فاني حلّلها
    فكّره شطحّ لبعيد باللي بداله = وصوّر تصاويرٍ لنفسه فصلها
    *****
    وكلٍ يبا الأرباح في رأس ماله = محدٍ يداري في التجارة عللها
    المشترا والبيع حلّل حلاله = وحرّم على المسلم يرابي هللها
    لزّمٍ على المسلم يربي عياله = من ماله الطيّب ويبني فللها
    ما فالربا طيّب ولا طاب فاله = من يوكل عياله زوايد غللها
    *****
    ياعمّ قلبي زاد فيه إشتعاله = من عقب ما أوحيتك تفنّد مثلها
    وتفسّر الأبيات هاقن مياله= وخليت حدّ السيف يفني جزلها
    والله رفيع الشان منشي خياله = منبت ابوسط الفيافي نفلها
    الواحد اللي كل خلقه تساله = عالم خفيّات النوايا وأجلها
    إني فلالي مقصدٍ بالرساله = غير الوفا للي عطاني فحلها
    من بعد ماقلبي تضارس محاله = جيته وعني شال حامي مللها
    وصلاة ربي عدّ ماأمطر هماله = وعدّ الجراد وعدّ ساعي نحلها
    واعداد مابدر ظهر في كماله = على نبي شال عنـّـا جهلها

    سفر مشعان العتيبي[/poem]
  • ((الدلبحي))

    رابطة محبي الهيلا

    • Mar 2003
    • 6010

    #2
    ابوطلال صح السانك مليون

    بالعون ماقصرت وابداع متجدد

    نورت المنتدى ياغالي

    تحيااااااااااااااااااااااااااااااااااتي

    تعليق

    • الطير
      عضو فعال
      • Feb 2004
      • 148

      #3
      [align=center] السلام عليكم ورحمة الله وبركاته

      ابو طلال صح لسانك وبيض الله وجهك

      قصائد في غايه الجزاله

      وننتظر منك الجديد
      [/align]

      تعليق

      • فيصل المسعودي
        مشرف عام
        • May 2005
        • 8296

        #4
        صح لسانك


        ابو طلال


        على القصيديتين


        الرائعتين الجميلتين


        تحياتي لك

        تعليق

        • ابـن نـعـيـس
          مشرف سابق
          • May 2005
          • 5666

          #5
          سفر

          صح لسانك على هالقصايد الرائعه يالمبدع


          تحيااااااااااااااتي
          [align=center][/align]

          تعليق

          • معــ المرقاب دي
            عضو فضي
            • Oct 2005
            • 202

            #6
            صح السانك
            جزايل من جزل

            تعليق

            • خلف بن مرزوق
              مشرف سابق
              • Apr 2005
              • 2765

              #7
              000

              الاخ الغالي / سفر

              صح لساااانك مليون

              على الابيات الوافية

              ولاهنت يالقرم

              تحيااااتي
              اهداء لاعضاء وزوار الهيلا
              777
              77
              7

              ديوان الشاعرالعملاق / رشيد الزلامي

              ديوان الشاعر الكبير / حبيّب العازمي

              al3azmi@w.cn

              تعليق

              • علي الثبيتي
                النشمي
                • Oct 2005
                • 6033

                #8
                صح لسانك على هذه الابيات
                ولاهنت يا سفر
                [poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
                ماني بلا روقي ولا برقاوي = انا ثبيتي جد روق وبرقا [/poem]

                تعليق

                • الفراهيدي
                  مشرف سابق
                  • Jan 2005
                  • 3188

                  #9
                  صح لســـانك ...

                  جزل وتمتعنا دائم بالجزل ...

                  لا هنت يالغالي..


                  AL-frahedi@hotmail.com


                  تعليق

                  العمل...