أقفا عن الدنيا وقفت ركايبــه ( مرثيـه)

طي
X
 
  • التوقيت
  • إظهار
مسح الكل
المشاركات الجديدة
  • سفر الغبيوي
    شــاعر
    • Jul 2005
    • 147

    #1

    أقفا عن الدنيا وقفت ركايبــه ( مرثيـه)

    مرثيه في والدي رحمه الله رحمة واسعه وأسكنه فسيح جناته


    [poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="groove,2,gray" type=0 line=0 align=center use=ex num="0,black"]
    بسم الله الرحمن منشي مخايله=بديت بدع القاف وأنقى جزايله
    أبدع غزير القاف وأرفع مقامها= وأمس طنب البيت وأركز بتايله
    وأقول يالمخلوق دنياك فانيه=لو شفتها بالعين يالعبد هايله
    مادامت الدنيا ولا هيب دائمه=وأعمارنا لو طوّل العمر زايله
    تضحك لك الدنيا بالأقبال ثانيه=وساعات تحذف بك بحامي صلايله
    واليا أقبلت باليسر لاتنخدع بها=حذراك منها لاتصيدك حبايله
    وإن أدبرت خلك صبور لبأسها=إصبر على كيات حامي ملايله
    إصبر على صكات بقعا ولو هي= كبر الجبال السود ماهيب طايله
    ماقدر المولى على العبد شايفه=هاذي مقادير وربي يكايله
    مايأخذ المخلوق مقدار ذرّها=من رزق غيره لا ولاهوب شايله
    في لوحك المحفوظ رزقك كتب بها=وتكتب به الأعمال دق وجلايله
    من يأمن الدنيا طوته بمحالها=أقولها والعين بالدمع سايله
    تسكب عبايرها على غايبٍ لها=بعيد الضحيه مات وأقفت رحايله
    أقفى عن الدنيا وقفت ركايبه=ولا رافقه بالقبر الا حصايله
    مات ورحل والنفس زادت حزونها=والقلب زادت بالمحاني غلايله
    وضاقت بي الدنيا وضاقت فجوجها=ولا عاد تسوا حبة من نثايله
    وأعذرت بالأموال والحور والضنى= وأعذرت بالمأكل وصافي زلايله
    لاشك ماتنفع ولاهيب مانعه=ولحدن يرد الموت لاأطلق نصايله
    اليا رماك الموت بالسهم صايبك=ماتخطي سهومه ولا هيب عايله
    ولحدن يموت الا بيومه وساعته=مذكور بالقرآن والرب قايله
    يالله طلبتك ياجزيل الوهايبي=يالواحد اللي ماتعدد فضايله
    طالبك يالمعبود يالواحد الذي= تملك مالا نملك وعندك جلايله
    ترحم عريب مات وأقفت ضعاينه=عنا توارت مابقى الا فعايله
    اليا بغيت أحصي فعوله وأعدها=يعجز لساني ماتعدد عمايله
    منها ولي العرش بالفعل طايعه=مدّن فروض الله ليل وقوايله
    وللوالدين مطيع والرب شاهدي=وتشهد على قولي سلايل قبايله
    ويمناه بالخيرات دايم يمدها=في مدت الجزلات تندى شمايله
    يعطي ولا يتبع عطاياه بالمنن=والجود دربه واضحات دلايله
    ومنها لجار البيت صاين كرامته=الجار عينه عورته ماتخايله
    ولا يوم جاله يشتكي من مشاكله=هاذي موار الطيب وهاذي شعايله
    ومنها ضيوفه لا لفت له ركابهم=يضحك لهم قدام يبدي مسايله
    يكرم ضيوف الله هاذي عوايده= يكرم مساييره بكبش وحايله
    ومنها قوي البأس وقت الشدايدي=لا هبت النكبا وثارت فتايله
    ماهوب عنها ينثني مايهابها=يوم إن ولد اللاش تنضّح صمايله
    ومنها حكيم الرأي كلٍ يشاوره=له كلمة بالحق ماجات مايله
    يحل عسرات العظايم وكودها=يحلها لوهي من أثقل ثقايله
    هاذي فعايل كاسب الجود والثنا=هاذي رموز وباقياتٍ جلايله
    ماأحصيت كل أفعال هداج تيما=نبع الوفا الفوار ملياً عدايله
    وصلاة ربي عد ماامطر سحابها=واعداد نجم عاليات نزايله
    على النبي الهاشمي سيد البشر=والآل والأصحاب وأيضا سلايله


    سفر بن مشعان العتيبي[/poem]
  • ابـن نـعـيـس
    مشرف سابق
    • May 2005
    • 5666

    #2
    صح لسانك اخوي سفر



    والله يرحمه ويسكنه الجنه




    تحيااااااتي
    [align=center][/align]

    تعليق

    • ((الدلبحي))

      رابطة محبي الهيلا

      • Mar 2003
      • 6010

      #3
      صح لسانك يا سفر



      والله يرحمه ويسكنه الجنه




      تحياااااااااااااااااااتي

      تعليق

      • سفر الغبيوي
        شــاعر
        • Jul 2005
        • 147

        #4
        الأخ بن نعيس
        الأخ الدلبحي

        أشكركم على المرور وجزاكم الله خير

        تحياتي لكم

        تعليق

        • فيصل المسعودي
          مشرف عام
          • May 2005
          • 8296

          #5
          صح لسانك ياسفر


          والله يرحم الوالد ويسكنه فسيح جنانه


          تحياتي يالغالي

          تعليق

          • صـويب الرمـــش*
            عضو ماسي
            • Jan 2004
            • 419

            #6
            صح لسانك يالغالي ,, قصيده تستااهل الشكر
            والله يرحم والدك ويرحم اموات المسلمين وأسكنهم فسيح جناته

            تعليق

            • {{ الـــــمــــرشـــدي }}
              عضو مهم
              • Aug 2005
              • 1003

              #7
              صح لسانك يا سفر



              والله يرحمه ويسكنه الجنه




              تـــــحـــــيـــــاتـــي.....

              تعليق

              • سفر الغبيوي
                شــاعر
                • Jul 2005
                • 147

                #8
                الأخوان

                فيصل المسعودي

                صويب الرمش

                المرشــدي

                أشكركم على مروركم

                وصحت ابدانكم

                ولكم تحياتي

                تعليق

                • بندرالجعيد
                  عضو
                  • Oct 2005
                  • 2

                  #9
                  عظم الله اجرك ورحم الله موت المسلمين

                  تعليق

                  • غشام نجد
                    مشرف سابق
                    • Aug 2005
                    • 2631

                    #10
                    [frame="4 80"][align=center]صح لسانك اخوي سفر



                    والله يرحمه ويسكنه الجنه انه سميع مجيد

                    تحيااااااتي[/align][/frame]

                    تعليق

                    • سفر الغبيوي
                      شــاعر
                      • Jul 2005
                      • 147

                      #11
                      الأخ بندر الجعيد
                      الأخ غشام نجد

                      أشكركم على المرور وجزاكم الله خير

                      تحياتي لكم

                      ابو طلال

                      تعليق

                      • القطامي
                        عضو نشيط
                        • Sep 2005
                        • 43

                        #12
                        صح لسانك ورحمه الله رحمة واسعة

                        كلام عذب يعبر عن ماتكنه مشاعرك تجاه ابوك رحمة الله عليه

                        تعليق

                        • سفر الغبيوي
                          شــاعر
                          • Jul 2005
                          • 147

                          #13
                          الأخ القطامي

                          أشكرك على مرورك

                          وجزاك الله خير

                          تعليق

                          العمل...