باسم الشيوخ اللي لهم قدر وحساب

طي
X
 
  • التوقيت
  • إظهار
مسح الكل
المشاركات الجديدة
  • متعب ثواب الجعيد
    عضو فعال
    • Jun 2007
    • 122

    #1

    باسم الشيوخ اللي لهم قدر وحساب

    باسم الشيوخ اللي لهم قدر وحساب = من روس الاد جعيد ربعي هل الطيب
    ربعي هل الطـالات في كل هنداب = مـحجا و ملجاء فالــملاقا عواطيب
    يا مـرحبا عـداد مـا هلّ سـكـّاب = وعــداد ما يبـدي من نـجوم ويغيب
    اهلاً هلا حشـمه وقيمـه وترحاب = جـات القـوافي بالــمحبه مــناديب
    انتـم لكم تـقدير غــالـين وانساب = قــبيلةٍ فيـكم تــزين التـراحـيب
    لبيتوا الدعوه وطاب المساء طاب = يا ال الـمعافى يارجـال المـواجيب
    عزوة بني مالك صناديد واصلاب = ما يلحق الـوافـين طق وعــذاريب
    تمشون مع شيخ ٍ على العز ما هاب = ابو فهد من ساس حكمه وتهذيب
    وانتم على جنبه بني عم و اقراب = حي الـرجال اللي تــفك المــطاليب
    ومبروك يا مشعل تعلـيت مرقاب = وعــاداة مـثلك يــعتلي فالــمراقيب
    جاتك ثقه من عند ذربين الانساب = ال السعود مـطوعـين المـصاعيب
    حطوك في مركز كريمين الاشناب = وانـته كـفو وترتب الـعلم تـرتيب
    شرواك في كسب المكاسيب كساب = وحنا معك تامر على الطيب ونجيب
    شقصان مـركزنا له القـلب جـذاب = عد العشاير يـوم شح الـمشاريب
    يوم الحرايب يوم عسرات الانشاب = دونه تسوق الموت عكف المخاليب
    واليوم في وقت الرخاء نفتح ابواب = على التطور مع جديد الاساليب
    نطلب كريم ٍ من ترجاه ما خاب = يـديم عـز بلادنا دون تـخريب
    واختامها صلوا على سيد الاحباب = شـفيعنا في مـاقفٍ صعب ومهيب
    الشاعر / متعب ثواب الجعيد
العمل...