أبيات في حب الجار وبكا لفراقه وتوجد لعودته

طي
X
 
  • التوقيت
  • إظهار
مسح الكل
المشاركات الجديدة
  • سفر الغبيوي
    شــاعر
    • Jul 2005
    • 147

    #1

    أبيات في حب الجار وبكا لفراقه وتوجد لعودته

    [poem=font="Simplified Arabic,5,white,bold,normal" bkcolor="transparent" bkimage="backgrounds/37.gif" border="groove,10,teal" type=0 line=0 align=center use=ex num="0,black"]
    إهداء لكل جار عزيز على قلبي

    يالله يامنشي صدوق المخيلي=يامجيب موسى يوم صلى وناداك
    طالبك أنا عفوك بيوم مهيلي=طالبك أنا يارب رحمتك ورضاك
    يامحيي الميت ومشف العليلي=يارازق المخلوق وامدير الأفلاك
    طالبك ترزقنا برزق جزيلي=لا صرّ عنا خايب الناس الأبواك
    *****
    يالآدمي لن كان حظك امحيلي=أدع الذي خالقك من ماش وأحياك
    يعطيك ربي من عطاه الفضيلي=مامنّ مثل الناس لا أعطاك مذاك
    يالآدمي لياك تنصا البخيلي=لو تطلبه ماأعطاك لو عود مسواك
    أنص الذي بالجود كفه يسيلي=لا ضامتك دنياك بالعون شافاك
    اللي ليا ثقلت حمولك يشيلي=راع الوفا حطه على الدوم يمناك
    واليا طرا المقيال ظله ظليلي=ون هبت النكبا عن البرد ذرّاك
    واليا نخيته فز.. سيفه صقيلي=حطه على اليمنى ولو كثروا اعداك
    *****
    ياجار قررت السفر والرحيلي=الله من سوّ المقادير ياقاك
    يحماك ربي كل يوم وليلي=اللي حمى يوسف دعيناه يحماك
    صعب عليّ امفارقك ياخليلي=وأقسى عليّ اليوم ياجار فرقاك
    ياجار أنا لك مالقيت البديلي=يحرم ولا يوجد مثيلك وشرواك
    بعدك أروح لمن.. منهو يجيلي=من هو ونيسي بعدكم لاعدمناك
    ياجار عقبك صار ليلي طويلي=ساهر وأخايل نجمتينن بالأفلاك
    أنشد نجوم الليل وين الزميلي=وأقول ماعينت ذيبان ماجاك
    كانك تشوفه قله إني عليلي=وشفاي بعد الله بشوفك ولاماك
    شوف الصديق اللي لهمي يزيلي=ويزول هم القلب لاجات ذكراك
    ياجار عقبك صرت كني هبيلي=ماغير أنشّد عنك ذولا وذولاك
    أنشّد الجيران وأبن السبيلي=وأدوّر الأخبار من يوم مسراك
    روحت من عندي وحملك ثقيلي=جاوبت ذيب عاوين يوم ناداك
    ياجار جاوبته طويت الصميلي=واسعد دار يالعتيبي تضّواك
    أنشهد إنك يالمشبب دليلي=لا عمست أريا الناس ماعمست أرياك
    عندك ملاذ لكل جال ذليلي=لا صكته بقعا تذكرك ثم جاك
    يلقى ذرا له يازبون الدخيلي=وأنت الذي مابعت دينك بدنياك
    *****
    ياجار كيف أنساك وأنته عميلي=حلفت أنا ماأنساك ياجار ماأنساك
    ياجار كثر الناس عندي قليلي=من بدّهم قلبي يعزّك وخاواك
    خاويت أنا سرحان راع العويلي=اليا عوا غداك دسمن وعشاك
    ذيب اطبوعه مايدان المقيلي=دايم على روس المراقيب سمّاك
    يسر الليالي دوم يهذل هذيلي=وكم واحدن ياذيب جاوبك بعواك
    *****
    ياجار غيرك ماحدن يستويلي=أنت الذي ياجار قلبي تمناك
    الجار نعم الجار ماله مثيلي=جار السعد ون جاك ياقلب هناك
    ليتك أتعوّد يالحصان الأصيلي=ترجع لدار فيه حيك ومرباك
    مالك بدار الحسد دار الهضيلي=دار بها تاس تحط الك الأشراك
    ياجار عوّد يمنا لاتحيلي=ليّاك تنسى دار الأكرام ليّاك
    دار بها الكعبه بناها الخليلي=وفي وسطها ياجار عرقك ومجناك
    بين الهضاب وبين عرق النثيلي=ربّاك عود ماخسر يوم رباك
    وأمك برور لك لبنها يسيلي=ترجي نهار فيه مدّتك بيداك
    لاتقطع الرجوى تميل وتعيلي=هاذي وصية من تهيض ووصاك
    وأنته فهيم ماتتوه الدليلي=ترقى المعالي للطويلات مرقاك
    مرقا صعيب عنّه عجز الذليلي=كبار العلابي مامشت ربع ممشاك
    لا جا نهارن فيه قدح الفتيلي=رمحك امضرا دوم ماأخطيت مرماك
    وصلاة ربي عد وبل المخيلي=واعداد ماغنى حمام على راك
    على نبي يوم جمع الحصيلي=شفيعنا المختار في يوم الأدراك
    *****

    سفر بن مشعان الغبيوي[/poem]
  • فيصل المسعودي
    مشرف عام
    • May 2005
    • 8296

    #2
    صح لسانك يالغبيوي


    قصيده رائعه في الجار


    تحياتي لك

    تعليق

    • سفر الغبيوي
      شــاعر
      • Jul 2005
      • 147

      #3
      شكرا

      صح بدنك أخو فيصل ،،

      لك تحيــاتــــــــــــي

      تعليق

      • مرزوق حمدان العتيبي
        مشـرف عام
        • Nov 2003
        • 20403

        #4
        ....
        عزّالله انك اجزلت يالغبيوي
        صح لسانك
        قصيده كتبت بحروف ذهبيه..
        تحياتي
        [align=center]
        [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
        فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
        حط حبه في كياني ماتغيّره السنيني = وانثني من دون عرضه بالذراع وباللساني[/poem]







        @Marzouq_MHD
        [/align]

        تعليق

        • سفر الغبيوي
          شــاعر
          • Jul 2005
          • 147

          #5
          شكرا

          شكرا لك يامرزوق على هذا الأطراء الفذ والذي يدل حسن ذوقك
          والعين ماتعلى على الحاجب يابن العم

          تحياتي لك

          تعليق

          • ((الدلبحي))

            رابطة محبي الهيلا

            • Mar 2003
            • 6010

            #6
            سفر بـن مشعـان الغبيـوي

            بيض الله وجهك وصح السانك

            تحياااااااااااااااااتي

            تعليق

            • طير الهيلا
              عضو فعال
              • Jul 2005
              • 114

              #7
              [glow=666633]سفر بن مشعان الغبوي صح لسانك وانا اشهد بالله انك اجزلت بالقصيده وقصيده ترف لها القلوب [/glow][glow=666633]وتحن لها الاسماع[/glow]
              [move=left][glow=0033FF]وتقبل تحياتي واعجابي[/glow][/move]

              تعليق

              • (العــ{شــ}ــم)
                عضو نشيط
                • Aug 2005
                • 72

                #8
                شكر اً على القصيدة أخوي سفر متعتنا بالقصيدة لله درك

                وصح لسانك

                تحياتي

                تعليق

                • سفر الغبيوي
                  شــاعر
                  • Jul 2005
                  • 147

                  #9
                  شكرا للجميع

                  أشكر لكم جميعا طيب الكلمات

                  دائما مايخرج من القلب من كلمات تكون معبره وتكون أصدق

                  لكم تحياتي

                  تعليق

                  • الــوآفــي
                    عضو اداره
                    • Mar 2003
                    • 3629

                    #10
                    صح لسااااااانك ياسفر


                    جزله

                    والجار الطيب يستااااااااهل

                    تقبل تحيااتي
                    [align=center][flash=http://assa97.jeeran.com/azzoz.swf]WIDTH=450 HEIGHT=350[/flash]



                    [align=center]



                    [align=center]ليا جاء طاري الهيــــــلا يفز القلب فزة شوق[/align]






                    ألبوم صور



                    مدونه مميزه



                    [/align][/align]

                    تعليق

                    • الشاهر2000
                      عضو فضي
                      • Aug 2005
                      • 212

                      #11
                      [grade="FFA500 FF6347 008000 4B0082"]سفربن مشعان الغبيوي بيض الله وجهك على هذه القصيده الجزله من شاعر جزل،،[/grade]

                      تعليق

                      • سفر الغبيوي
                        شــاعر
                        • Jul 2005
                        • 147

                        #12
                        الأخ ذيبان والأخ الشاهر

                        شكرا لكم جميعا وصحت أبدانكم ولكم وافر وأزكى تحياتي

                        أخوكم / أبو طلال

                        تعليق

                        • الحويماني
                          عضو نشيط
                          • Jul 2005
                          • 32

                          #13
                          مشكور على هذه القصيده الرائعه

                          تعليق

                          • عناد جزاء
                            عضو
                            • Aug 2005
                            • 17

                            #14
                            مشكور قصيده جميله

                            تعليق

                            • الفراهيدي
                              مشرف سابق
                              • Jan 2005
                              • 3188

                              #15
                              صح لسانك

                              وبيض الله وجهك

                              قصيده تستاهل الاعجاب والشكر


                              AL-frahedi@hotmail.com


                              تعليق

                              العمل...