اهج عن كثر الخطا والزرايا

طي
X
 
  • التوقيت
  • إظهار
مسح الكل
المشاركات الجديدة
  • سند العتيبي
    شـــاعــر
    • Aug 2007
    • 227

    #1

    اهج عن كثر الخطا والزرايا

    السلام عليكم

    بعد انقطاع

    نعود

    [poem=font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    اهج عن كثر الخطا والزرايا=لكن يلحقني غثاها لو أغيب
    في وقتنا اللي مكتسي بالخطايا=مايسلم الرجال لو ماكره طيب
    حتى الخوافي فالصدر والنوايا=ماتسلم من الشك لو انها غيب
    وحتى عمود البيت وارسى الزوايا=ما تسلم السوس لو طقها الشيب
    هذا زمانٍ ما يسر الطنايا=حتى الغرير يذوق لفح الملاهيب
    ما يامن الشغموم كل العشايا=حتى عليه ترز هاك المناصيب
    دنيا الخنا ما تستوي بالسوايا=ياقل ما تصفي رسوس الغثاريب
    بالمختصر لو تنتحي فالنحايا=تلحقك من جيفة رزاها دباديب
    واخر دوا يا سامعي بالكوايا=اما صليب الراس والا مشاعيب
    وامسك لسانك لايزل ببلايا=وصك السموع ولا توحى الهناديب
    وفمقابل السيات زين العطايا=ترى اللطافة تطفي اعتى المشاهيب
    واليا لقيت الدرب كله لوايا=اقصر خطاك ان كان ابن عم وصحيب
    وان كان فالاجناب حث المطايا=واسلك طريقٍ غير خل الاجانيب
    ما تنومن دنيا الخطا والزرايا=لا بد ما يلحق غثاها لو تغيب[/poem]
  • سند العتيبي
    شـــاعــر
    • Aug 2007
    • 227

    #2
    وحتى عمود البيت وارسى الزوايا=ما تسلم من السوس لو طقها الشيب


    doPoem(0)
    تم التعديل الأخير بواسطة سند العتيبي؛ 21-Aug-2015, 11:33 PM. السبب: خطأ مطبعي في البيت

    تعليق

    العمل...