يانايف الروقي همومي غزتني

طي
X
 
  • التوقيت
  • إظهار
مسح الكل
المشاركات الجديدة
  • ابو عبيــد
    عضو نشيط
    • Oct 2007
    • 97

    #1

    يانايف الروقي همومي غزتني

    يانايف الروقي همومي غزتني
    من هاجسٍ تواق والفكر داعيه

    على هنوفٍ في صباها دعتني
    على الشرف والعز محلى مباديه

    الشاهد الله بالجفى ماجفتني
    لكن سلم البدوا ياصاح جافيه

    اضعانها وديارها فارقتني
    واليوم يامشكاي مبعد حراويه

    ياما برمش عيونها خاطبتني
    رمشٍ لبيب القلب يجهل معانيه

    بين البشر بعلومها جاهلتني
    والقلب مني جوهر الحب كاويه

    ياليتها في دنيتي رافقتني
    الجادل اللي كنها بكرة التيه

    سجيت معها والحوادي حدتني
    والرونق المكنون في دار راعيه

    سفرجلٍ ناطع وفيه اسحرتني
    السلسبيل مع اعذب الهرج تهديه

    تفتن عشاشيق الهوا وفتنتني
    والرامي التفاق تخلف هقاويه

    لوشافها القاضي بدر ماشمتني
    والله لينظر بالمحاسن ويفتيه

    ويقول شفت الفارهه وابهرتني
    واليوم انا ياناس بالشرع باغيه

    في نهر درياق المناوي رمتني
    وبنات فكري بالغزل هيجنت فيه

    العب هجيني ذرب في كل حتني
    والدرسعي نحذف شوايب معانيه

    في رنقها ديدان الخجل عذبتني
    وراع الهوا ياناس بان الخلل فيه

    خذت سحر هاروت ماقابلتني
    من كف شخصٍ بحمر المال شاريه

    بقمارها وفنونها شوقتني
    عزي لعيد بجاد ماهوب ناسيه


    الشاعر عيد بن شده العتيبي
  • بن ابنين
    عضو فعال
    • Mar 2012
    • 141

    #2
    اخوى عيد بن شده لاهنت ياا حصاان
    وصح لساانك

    تعليق

    • ابو عبيــد
      عضو نشيط
      • Oct 2007
      • 97

      #3
      صح الله بدنك يابن ابنين مليون

      تعليق

      • ابو طارق الشمري
        عضو نشيط
        • Feb 2013
        • 76

        #4
        تسلم يابوفهـــد وصح لسآنك ملاااايييين
        تعجبني قصائدك وأستمتع بقراءتها
        وأتمنى أن يكون عندي صلاحيات حتى أقوم بتنسيقها وتعديل الأخطاء الإملائية

        تحياتي وتقديري لك لاعــــــــــدمنا وجووودك.

        تعليق

        • ابو عبيــد
          عضو نشيط
          • Oct 2007
          • 97

          #5
          الاخ الفاضل ابو طارق الشمري تحياتي لك
          لاهنت اخوي وصح بدنك

          تعليق

          العمل...