عميد عرف وللمهمه عميدي

طي
X
 
  • التوقيت
  • إظهار
مسح الكل
المشاركات الجديدة
  • فهيد مقعد الرويس
    شـــاعــر
    • Sep 2005
    • 2284

    #1

    عميد عرف وللمهمه عميدي

    قصيده مهداه للاخ العميد نوار الرويس
    اخوك مدحه مثل مدحتك للذات
    شيٍ حميد وشي عكس الحميدي
    ان كان قولك له على الواقع اثبات
    مدح الكفو من واجبات القصيدي
    وان كان قصدك بالمديح الدعايات
    مهما تقول من الحكي مايفيدي
    الهرج ماعمّر طوال البنايات
    ولازاد في وسط الحساب الرصيدي
    تمثيل مع فرق الشبه فالعبارات
    احب دوم الاختصار المفيدي
    اليا مدحت امدح مواقف وقامات
    اتعب على الجزله مامد الزهيدي
    مبدأ وفاء مالي ورا المدح غايات
    تمجيد للطيّب ولو هو بعيدي
    وشلون مامجد عضيد الملمات
    وانا افتخر به ذخر جد وعضيدي
    لانه كفو معناي في صدر الابيات
    واقرب مثل على المفاخر شهيدي
    يوم ان ابومتعب ومر بالمعونات
    وتجهيز مشفى من رجال وعتيدي
    لهل مصر في فايت قريّبٍ فات
    تقريب عشر شهور علمٍ وكيدي
    نوار عمّد قايدٍ للمهمات
    عميد عرف وللمهمه عميدي
    مصخرٍ جهده لفعل الجمالات
    يستاهل الرتبه كعام الضديدي
    عدابها روس الطوال المنيفات
    المرجله تبغى حزامٍ جويدي
    والنعم ماينباع وسط المحلات
    ولا حصّله خطوا الهدان البليدي
    لو علق التاجين مع ست نجمات
    ينقص بعين المرجله مايزيدي
    ولا انت شبلك دايمٍ للجزيلات
    مع الكرم والطيب خلقٍ حميدي
    عسى حياتك كلبوها مسرات
    ومبروك فالحمرا المضيف الجديدي
    مشرّع البيبان لهل المروات
    لعل عمرك يالسنافي مديدي
    واقبل يابومحمد جزيل التحيات
    والتهنئه عمود بيت النشيدي
    شذاه عطر الطايفي والسلامات
    تنساق من فكر ولسان و وريدي
  • راشد النفيعي

    رابطة محبي الهيلا

    • May 2012
    • 2339

    #2
    صح لسانك يا فهيد
    قصيده جزله من شاعر جزل

    والف مبروك للعميد نوار يسناهل وعقبال فريق

    تعليق

    • فهيد مقعد الرويس
      شـــاعــر
      • Sep 2005
      • 2284

      #3
      تم النشر في الأصل بواسطة راشد النفيعي عرض المشاركة
      صح لسانك يا فهيد
      قصيده جزله من شاعر جزل

      والف مبروك للعميد نوار يسناهل وعقبال فريق
      الله يبارك فيك بالنيابه ولاهنت ياغالي ع التواجد

      تعليق

      • سعد بن مطلق المقاطي
        شـــاعــر
        • Feb 2006
        • 2908

        #4
        صح السانك يابومقعد ويستاهل من قيلة فيه
        [align=center]ديــــــــــــــــواني



        [/align]

        تعليق

        العمل...