قصيده فكاهيه / امنعونا من الشرهه

طي
X
 
  • التوقيت
  • إظهار
مسح الكل
المشاركات الجديدة
  • راشد النفيعي

    رابطة محبي الهيلا

    • May 2012
    • 2339

    #1

    قصيده فكاهيه / امنعونا من الشرهه

    فيه شاعر كان معاي في منتدا اسمه الشاعر بدر العتيبي . من اصدقائي واحب شعره
    وتزاعل مع اصحاب المنتدا وخرج منه , وجلست ادور عليه اكثر من 4 شهور وعجزت
    احصله وفي الأخير استخلف الله وعذرت منه وقبل يومين رحت على محرك البحث قوقل ادور فيسات , ووداني المحرك على
    منتدا واول واحد صادفني بالمنتدا هو الشاعر البدر . وفرحت يوم حصلته وعلى طول
    جتني هذه القصيده مثل الماء من المخيله وعودت سجلت في المنتدا ونزلت القصيده
    وخرجت منه

    وللمعلوميه
    ام عفاش عجوز تبيع حليب فالسوق والعالم اذا انتهت من صلاة الفجر اخذت نعولها في
    يديها الله يكرمكم وراحو يتسابقون على حليب ام عفاش
    عاد مدري هي تحط لهم عسل مع الحليب والا تحط من العلوم الثانيه بس الأكيد ان
    الرياجيل ادمنت على حليب ام عفاش , واخلاقها شينه ياكافي البلا
    . وهـ اليومين سمعت انها تبي تشتري
    الراجحي او المتحد
    وسمعت ان عندها ارقام شاغره مسمى وضيفتها تجميع كاسات
    الي يبي يجمع كاسات ويشرب حليب بلاش غيره ماراح يلاقيها

    القصيده تقول


    [poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    سـلام مــــن حـــي/ن علــــى ميـــت/ن عـــــاش=مـــــيـــــت بـــــعـــــد دفـــــنـــــه يـــقـــولــــون عـــــاشـــــي
    ســــلام/ن احــــلا مــــن حـلــــيــب ام عــفـــــــــاش=الــــــــــي لـــــهـــــا بـــالـــســــوق دايـــــــــــم هـــــواشــــــي
    وعــفـــاش قــــبـــل امـــــه تــنـــادي بــعـــــد هــــــاش= ورحــــنـــا مــــــن الـــراعــــــه ســــــوات الــفــــــراشــي
    واطـلــق شـنــب يـالــبـــدر. قـدامـــي انــــحــــــاش= اســــــرع مــــــن الـلـمــعــــه بـــــوســـط الــفــــــلاشــي
    ويالبدر ابن عمــك علـــى صــالي الــجـــــاش=وحـبــه طـحــن يـالـبـــدر واصــبـــح دشـــاشــــــي
    يــشــقــــى مـــــــع الايـــــــــام والـــوقــــت غـــشــــاش= والــيــاذبـــح عـــقــــرب طــــلــــع لــــــــه حــنـــاشـــي
    واصـحـابـنـا بــاعــت شـيـمـهـا عــلــى مـــــــــاش=والــثــلـــب يــقــتـــاده مــــــــع الــــــــدرب حــــاشـــــي
    بـــيـــوتـــهـــا غــــــيــــــران وســـقـــوفـــهـــا عــــــشــــاش=ونـــــا حـلــفــت ايــمـــان مــاســكــن عــشــاشـــــي
    ويـالـيـدر لـــي يـــومـيـــن والــــــــــــزاد فــشــفـــــــاش=ومـــن الــتـــــعــــب راحـــت عظامــي قشاشـــــي
    افــــــــزع لــــنـــــا بـــالـــمـــا وحـــطـــولـــي افـــــــــراش= الـــــنـــــوم فــــــــــي راســـــــــــي تـــــــرزم ونـــــاشــــــي[/poem]
  • راشد النفيعي

    رابطة محبي الهيلا

    • May 2012
    • 2339

    #2
    عشان انزل صوره لابد من تعديل الصندوق ياليت الي يعرف طريقة تعديل الصندوق يعلمنا

    تعليق

    • الكرمان
      عضو ماسي
      • Jun 2012
      • 416

      #3
      اشكرك ياراشد
      ولاكن لم تفعل هذه العجوز مافعلت الا من الحاجه وستر نفسها وابنائها وبناتها بالمل الحلال
      وهي اخير واشرف من الرجال بياعين المخدرات
      فلا تضحك بمبتلا فيعافا فتبتلا

      خالص تقديري واحترامي لك ياراشد

      تعليق

      • الكرمان
        عضو ماسي
        • Jun 2012
        • 416

        #4
        الى كل شاعر غيور على وطنه وابناء المسلمين
        اجد فيه اناس يمدحون رجل لاجل ماله وهوم يعرفون ان مصدر ماله من المخدرات ويحترمونه كانه شيخ قبيله
        هذا الرجل التاجر وتجارته على حساب ضياع ابنأنا وتفكك الاسر وهذا التاجر الذين يحترمونه هو من احد اسباب انتشار الفحشاء والمنكر والفقر
        كم من طالب ترك مدرسته وضاع واسبب المخدرات التي يجلبها هذا التاجر الذي يقدر ويحترم
        وكم من موضف ترك وضيفته والسبب المخدرات وباتو ابنائه من قائمت الفقراء الذين يستعطف عليهم
        وكما نسمع الكثير عن المدمنين الذين يبيعون شرفهم لبيعين المخدرات للحصول على بعض المخدرات

        بياع المخدرات حتى ولو ملك مال قارون حقير لا فرق بينه وبين الذي يكسب المال من الدعاره بالنساء

        فواجب على كل شاعر رساله ان يحقر هااولا الاذله للمال من شياطين الانس المفسدين لابناء المسلمين

        المعذره من اخي راشد دخلت بموضوع مخالف

        ولاكن العشم فيك ياراشد انت واخواني الشعار
        تم التعديل الأخير بواسطة الكرمان؛ 11-Jun-2014, 04:39 PM.

        تعليق

        • فهد بن جميل العتيبي
          عضو ماسي
          • Jun 2012
          • 733

          #5
          الله الله تمنيت البيت هذا لي

          يشقى مع الايام والوقت غشاش
          وليا ذبح عقرب طلع له حناشي

          صح لسانك
          تم التعديل الأخير بواسطة فهد بن جميل العتيبي؛ 17-Jun-2014, 09:43 PM.

          تعليق

          • راشد النفيعي

            رابطة محبي الهيلا

            • May 2012
            • 2339

            #6
            تسلمون ع المرور
            وبيض الله وجيهكم

            تعليق

            • منبر اعلامي
              عضو ذهبي
              • Sep 2011
              • 352

              #7
              هههههههههههههه
              صح لسانك

              تعليق

              • راشد النفيعي

                رابطة محبي الهيلا

                • May 2012
                • 2339

                #8
                صح بدنك يالكرمان لاهنت

                تعليق

                • راشد النفيعي

                  رابطة محبي الهيلا

                  • May 2012
                  • 2339

                  #9
                  ياجميل يفداك البيت والقصيده
                  تسلم شاعرنا جميل لاهنت

                  تعليق

                  • راشد النفيعي

                    رابطة محبي الهيلا

                    • May 2012
                    • 2339

                    #10
                    يالربع علموني كيف اعدل الصندوق

                    تعليق

                    العمل...