الحريم انواع

طي
X
 
  • التوقيت
  • إظهار
مسح الكل
المشاركات الجديدة
  • محمد بن سوعان الربيع
    عضو نشيط
    • Feb 2013
    • 44

    #1

    الحريم انواع

    (الحـــــريــــم انـــــواع )

    تــرا الحــريــم اصنـــاف واشــكال يا ذيــاب =مثــل الــزهـــر مـــن كـل نـوعً لقــوبــه
    فيهــن عـفيــفه خـيّــبت كــــل نـصــــــاب = عــنـيــدةً واقنـــاعـهـــا بـــه صـعـــوبــه
    ديــن وعقــل واســلـوب وافـــي وجـــذاب= صـانـت شـــرفهــا والعــرب مــا حكـوبــه
    وفيـه الـذي فـي راســهــــا بـليس لعــاب = مـلقــوفـةً مــرجـــوجـــةً ثـــــم كـــذوبـــه
    غشـــاشــةً فـي ضـحكــة السـن والنـاب = هـي بالشــــمال وتــوهمــــك فـي جنــوبــه
    مـغـزا . هـواهـا وعشـقها ملــي الاجنـاب = خــداعــــةً لـــو جـــا بـقـولــه اعــذوبـــه
    تـقــول : احـبـك لـكــن الحـــب بحســاب = واهــدافـهـــا مـكشـــــوفــةً ومحســــوبـــه
    جــوالـهـــا يـبـغـــي رصيـــدً مــع اجـــراب = وتـبـغـــى مـن العـطـار نـادر اطيــوبـــه
    الحـُـب فــي مـفـهـــومهـا لبـس واثـيــاب = واهـــم شـــــيً مـــا تـكــــون مــغـلــوبــه
    وليـــا تـحـقـق مــا بـغــت وقـتـهـا طــــــاب = طـابــت ليـاليــهـا وصــافـي شــــروبــه
    ومـن عـقبـهـا شــعر الـغـزل فيـك ينســاب = مــن مـنبــعـه لين ان ياصل صبــــوبـــه
    وتخشـى عليـك مـن الحسـد فيـه تنصـاب = وتـغـــار حتــى مــن نســــايـــم هبـــوبــه
    زود الـرصيــد يـــزّود الشـــوق يــا ذيــاب = وليـّــا قـطعتـــه تـنـقطعبـــك ادروبـــــه
    ومــن عـقبــها تنـكـــر وحـــذراك تــرتــــاب = لاشـــك ؟ ذا طبــع اللئـيـمــه وثـــوبـــه
    تشــــناك مــــابيــن القــرايــب والاجنــــاب = وتصــير لك عنـــد النهـــايه اعقــــوبــه
    ويــامـكثـــر اللــي واقفيـــنً علــى البـــاب = يــوخــذ مـحــلك وانـت تـصبـــح جــلـوبه
    وان طـعتـنـي يـاذيــاب جـنــب عـن الـدّاب = تكســــب ســــلامه ثــم تكســب مثــوبـــه
    تـكسـب رضـى وغفـران مـن رب الاربـــاب= واللــوم يـبـعـــد واتـــلاشـى اعيــــوبــــه
    واختــامهــا مــا قلـت شـــيً بـلا اســباب= وعســى انــا احظــى بالصــدور الرحــوبــه

    بـقـلمــــــــــــي
    .......
  • ابورازن فالمريخ

    رابطة محبي الهيلا

    • Sep 2009
    • 1558

    #2
    صح لسانك يالشاعر

    تعليق

    • محمد بن سوعان الربيع
      عضو نشيط
      • Feb 2013
      • 44

      #3
      هلا اخوي الكريم اسعدني مرورك

      تعليق

      • ابو طارق الشمري
        عضو نشيط
        • Feb 2013
        • 76

        #4
        [poem=font="simplified arabic,6,white,bold,normal" bkcolor="darkblue" bkimage="" border="double,6,darkblue" type=2 line=0 align=center use=ex num="0,black"]
        ويــامـكثـــر اللــي واقفيـــنً علــى البـــاب = يــوخــذ مـحــلك وانـت تـصبـــح جــلـوبه
        وان طـعتـنـي يـاذيــاب جـنــب عـن الـدّاب = تكســــب ســــلامه ثــم تكســب مثــوبـــه
        تـكسـب رضـى وغفـران مـن رب الاربـــاب= واللــوم يـبـعـــد واتـــلاشـى اعيــــوبــــه
        واختــامهــا مــا قلـت شـــيً بـلا اســباب= وعســى انــا احظــى بالصــدور الرحــوبــه[/poem]

        [align=center]صـــدقت يابوفهــــــــد وصح لسآنك ملاااايييين ولله درك
        أسأل الله تعالى أن يجعل حظنا من النسآء الصآلحآت العفيفآت

        تقبل تحيآتي وتقديري لاعــــــــدمنا وجووودك.
        [/align]

        تعليق

        • محمد بن سوعان الربيع
          عضو نشيط
          • Feb 2013
          • 44

          #5
          هلا وكل الغلا
          باخوي الغالي والصديق الوفي
          ابو طارق
          نورت متصفحي لاخلا ولا عدم

          تعليق

          • منبر اعلامي
            عضو ذهبي
            • Sep 2011
            • 352

            #6
            صح منطوقك ..

            تعليق

            • محمد بن سوعان الربيع
              عضو نشيط
              • Feb 2013
              • 44

              #7
              منبر اعلامي
              عضو ذهبي

              نورت بمرورك
              هلابك لاهنت .

              تعليق

              العمل...