جعل السحاب

طي
X
 
  • التوقيت
  • إظهار
مسح الكل
المشاركات الجديدة
  • مساعد حمود العضياني
    عضو
    • Jun 2011
    • 29

    #1

    جعل السحاب

    [align=center]السلام عليكم ورحمة الله وبركاته [/align]


    [align=center]قصيدة جديدة اتمنى ان تنال الاعجاب [/align]




    [align=center]جعل السحاب اللي نشا تالي عصير
    يمطر على ديرة هل الطيب والجود


    يمطر على البكري ويمتد للنير
    تكاشف بروقه ونسمع له رعود


    ويسيل منه غثاه واوحي تباشير
    يزفها اللي من عنا الوقت مضهود


    ويعم خيره كل من يرجي الخير
    وتزايد الخيرات من زود في زود


    وتربع الديره وتصبح مخاضير
    ومن خير ربي يبتهج راعي الذود


    ويفرح بعد ذيك الليال المدابير
    واحلام عمره بعد ماراحت تعود


    وانا هوى بالي ليا غرد الطير
    في جو يبهج خاطرن كان ملهود


    احب شوف النوق شعل ومغاتير
    واحب شوف الحمر والصفر والسود


    في مرتعـ ن يملاه نبت النواوير
    ويهب ريحه كل ماذعذع النود


    واحب شوف اللي يقف فالمعاسير
    اللي يحل الحبل لاصار معقود


    واللي يمد الطيب من دون تقصير
    وطيبه مع اهل الطيب يذكر ومعدود


    اللي يـــرحــب لا لـفـوه المسايير
    وبابه عن الضيفان ماهوب مردود


    والعود الازرق والدلال المباهير
    ماتنقطع لحظات والضيف موجود


    والحيل تـذبـح ماحسبها مخاسير
    طيب وكرم ماهيب من شان مردود


    ياجعـل تـفـداه الـرجـال الـمثابير
    اللي على حياض الردا دايم ورود


    وانا تــشجعنـي فـعـول المناعير
    اللي مايـلحق فـعلهم اي مـنقـود


    مالي ورى مدح النشاما مداوير
    غير ان لي وقفه على قمة الطود


    هذا هوى بالي واحب التعابير
    وعبرت يوم ان القوافي لي جنود


    ويالله يامنشي المزون المزابير
    رحمتـك يالـمعبـود ياخير مـعبـود[/align]




    [align=center]مساعد العضياني[/align]
  • محمد البرقاوي .
    عضو نشيط
    • Jan 2012
    • 51

    #2
    مساعد العضياني

    صح لسانك وبيض الله وجهك
    قصيده تعج بريح الأصالة
    شكراً على هذا الأبداع
    تحياتي وتقديري

    تعليق

    • ابن ركيبين
      عضو نشيط
      • Jun 2010
      • 88

      #3
      عزالله انك شاعر
      صح الله لسانك
      اخوك خالد غزاي الحبردي
      ابن ركيبين

      تعليق

      • عبدالرحمن المبطي
        عضو نشيط
        • Jan 2011
        • 99

        #4
        وانا تــشجعنـي فـعـول المناعير
        اللي مايـلحق فـعلهم اي مـنقـود



        [align=center]مساعد العضياني

        صح لسانك وبيض الله وجهك

        قصيده من الطراز الاول

        مفعمه بكل انواع الطيب والاصاله

        لاهنت[/align]
        تم التعديل الأخير بواسطة عبدالرحمن المبطي؛ 12-Nov-2012, 07:35 PM.

        تعليق

        • مساعد حمود العضياني
          عضو
          • Jun 2011
          • 29

          #5
          [align=center]صحت ابدانكم جميعاً
          والاجمل والاروع تواجدكم
          لاهنتو[/align]

          تعليق

          العمل...