مثل حبه الكوع

طي
X
 
  • التوقيت
  • إظهار
مسح الكل
المشاركات الجديدة
  • سعود حباب العتيبي
    عضو نشيط
    • Dec 2009
    • 43

    #1

    مثل حبه الكوع

    بلاك بيـري صـار للنـاس موضـوع = الـى جـاك واحدهـم تـقـول مخنـوعـي
    وإلى رفع راسـه علـى عينيـه دمـوع =تــقــول بــاكــي والـديـنــه سـبــوعــي
    مـعـاد لايـشـرب ولايـونــس الـجــوع = وان قـام يمشـي لـه شــوي ويتـوعـي
    واحلامنـا راحـت مـثـل حـبـة الـكـوع = وجلساتنـا صـارت سكـوت وميوعـي
    ومع الطريـق النـاس راقـع ومرقـوع = والنـاس مـع درب الحـوادث فزوعـي
    وقـت ٍ تغيـر واكثـر النـاس مـخـدوع = يحـرق ضميـر اللـي عليهـم جزوعـي
    الله يـاوقــت ٍ بـــه الـــراس مـرفــوع = ماينحـي فــي غـيـر حــال الركـوعـي
    اليوم صرنا نرخي الروس وخضوع = مثـل الفـراش الـلـي تسـاقـط وقـوعـي
    ياطيـر ياللـي تنهـظ الـريـش وتـنـوع = تبغى المطير وصار ريشك مزوعي
    وقتـك تغيـر وانـت بالطيـب مجـبـوع = قــل الـحـرار ولا بـقـى الا التبـوعـي
    الـحـر والله طـيـب الـسـاس والـنــوع = عبدالـعـزيـز الـلــي يـــدك الجـمـوعـي
    حر ٍ شهر فـي نجـد وطيـوره وقـوع = حتـى وصـل كبـد السـمـا بالطلـوعـي
    واشمل وغرب ثـم شـرق مـع القـوع = حتـى وصـل شـط البحـر بالفـزوعـي
    وامـن جوانبهـا مـن الخـوف والجـوع = مـن بعـد ماكانـت تخـاف و تجـوعـي
    يـوم استلمهـا كانـت اشتـات ومـزوع = والناس من خوف العصابـه نزوعـي
    كانـت صحاريـهـا متـاهـات وقـطـوع = والـيـوم واحــاة ٍ كستـهـا الـزروعــي
    عبد العزيز مهـدي الصعـب والـروع = وسـيـع حـلـم وحــد سـيـفـه قـطـوعـي
    ياللـي تنـادي وانـت مانتـه بمسـمـوع = خـل العبـث وانـعـم تــراك مخـدوعـي
    امن وطمـان وخيـر والديـن مشـروع = واخـذ العبـر مـن حولنـا لـو تجـوعـي
    تـرا الثمـن غـالـي وبالـكـاش مـدفـوع = تبـكـي العـيـون ولا تـجـف الدمـوعـي
  • عثمان الثبيتي
    شــــــاعــــر
    • Jun 2011
    • 1664

    #2
    ياللـي تنـادي وانـت مانتـه بمسـمـوع = خـل العبـث وانـعـم تــراك مخـدوعـي
    امن وطمـان وخيـر والديـن مشـروع = واخـذ العبـر مـن حولنـا لـو تجـوعـي
    تـرا الثمـن غـالـي وبالـكـاش مـدفـوع = تبـكـي العـيـون ولا تـجـف الدمـوعـي


    صح السانك ياسعود مددبلا عدد

    صدقت بما كتبت لله درك ايها الشاعر


    انكان طاب الوقت وانكان ماطاب=مايختلف نهج الشجيع وطموحه

    اما اقبلوني هكذا سلب وايجاب = والا ودعاً والعذر والسموحه

    اذا انقفل باب انفتح غيره ابواب = وكلً على ما قالوا ادرى بروحه

    تعليق

    • راعي القوافي
      عضو ذهبي
      • Feb 2011
      • 336

      #3
      سعود بن حباب... صح لسانك ولاهنت

      تعليق

      • سعد بن مطلق المقاطي
        شـــاعــر
        • Feb 2006
        • 2908

        #4
        صح لسااااااانك ياسعود

        على القصيده الطيبه
        [align=center]ديــــــــــــــــواني



        [/align]

        تعليق

        • عزارم

          رابطة محبي الهيلا

          • Dec 2010
          • 2691

          #5
          صـح لسانك لين ترضى

          تعليق

          • سعود حباب العتيبي
            عضو نشيط
            • Dec 2009
            • 43

            #6
            شكراً لكم ايها الزملاء ايها الاعزاء
            على ماابديتموه من اشاده واعجاب تجاه قصيدتي
            شكراً لكم لاهنتوا ولاعدمناكم

            تعليق

            العمل...