الله من اللي في الهواجيس عساس//لامن طرى طيفه على البال عسيت

طي
X
 
  • التوقيت
  • إظهار
مسح الكل
المشاركات الجديدة
  • عبدالله الـعتيبي
    عضو فعال
    • May 2011
    • 117

    #1

    الله من اللي في الهواجيس عساس//لامن طرى طيفه على البال عسيت

    السلام عليكم ورحمة الله وبركاته

    بإختصار شديد انتقدوا القصيده والجزاله...الخ

    [poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    الله من اللي في الهواجيس عساس=لامن طرى طيفه على البال عسيت
    عايش على ابساط الوسيعه مع الناس=ولامن غفيت ابصورته اشوي سجيت
    اخايل المنظر من اشعور واحساس=وليا انجلى ثلثٍ من الليل غنيت
    فعايل لي يشهد هل الطيب نوماس=ماني على مسلك هل العوج ظريت
    من يوم يومي ماتوطيت الادناس=من طيب ابويه صاير اليوم لي صيت
    واليوم انا بنصاك ياطيب الساس=ياللي على كسب المراجل تربيت
    حبيت بنتٍ وصفها يتعب الراس=غروٍ ملك قلبي وفي حبه ادميت
    هذي ثلاث اسنين والفكر محتاس=يوم الهقا خابة انا فيك هقويت
    اشقيت روحي في مجارير الامراس=وياليت روحي في هوى الطير ما اشقيت
    من صغر سني جاري ابعرق جساس=تكفى يابو ريان ماينفع الليت
    عاشق ولا بيدي ترى العشق قساس=واليوم انا في غبة العشق ونيت
    اعدل خطا قلبٍ من الضيم وسواس=نوبٍ يجي ضده ونوبٍ على ايت
    كروة عيوني ماتجي الا بهوجاس=الحب بلوى والمفارق دناميت[/poem]

    وسلامتكم والله الله في الانتقاد
  • عبدالله الـعتيبي
    عضو فعال
    • May 2011
    • 117

    #2
    المعذره خطا مطبعي

    في القصيده أقول
    فعايل لي يشهد هل الطيب نوماس

    والتعديل
    فعايلي يشهد هل الطيب نوماس
    ماني على مسلك هل العوج ظريت

    تعليق

    • ياسين
      عضو نشيط
      • Aug 2012
      • 45

      #3
      صح لسانك ، قصيدة جميلة ..

      تعليق

      • راعي القوافي
        عضو ذهبي
        • Feb 2011
        • 336

        #4
        صح لسانك ياعبدالله

        تعليق

        العمل...