جديد الشاعر : بجـاد أبوديه .

طي
X
 
  • التوقيت
  • إظهار
مسح الكل
المشاركات الجديدة
  • بجاد ابوديه
    شــــاعــر
    • Oct 2009
    • 115

    #1

    جديد الشاعر : بجـاد أبوديه .

    [align=center][poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    البارحه واللي بعد قبلها كان = لي خاطرٍ بين النديم و ندِّيمه
    الصاحبيِّن اللي على شكل خلان = الطيبيِّن ليا دعوا للوليمه
    الناصحيِّن لبعضهم بعض الأحيان = في غير دعوىَ للثناء و الغنيمه
    وجهانّ وجهٍ يملكه قدر وإحسان = والوجه الآخر له سماتٍ ذميمه
    وجهٍ تشوف بِه السخاء شوف الاعيان = وجهٍ على متنه تموت اليتميه
    هي حاجةٍ وحده لها قلب واللسان = وعلى الضعيِّف لو ملكها عظيمه
    قَد لا تكون وقد تكون أصل وأركان = ويمكن تشيّخ وفوق علياء وريِّمه
    قبل يتقسم كامل الرأي لأثنان = بين الحلال وبين مثل الجريمه
    واحد يقول العلم لو زان لك شان = وأنته وانا مثل الزعيم وزعيمه
    والثاني المقهور من سيف راكان = وضعه ضعيف و مُرغماً بـ الهزيمَه
    يالأدمى مايلحق الراس حقران = راسٍ هدم بيداّه بيت الظليمه
    حطّم مقامه وانتهى منه و إنهان = وانصَك باب مروجين النميمه
    ناسٍ تدس السم في صحن الاخوان = لولا الردى مالا الرديّين قيمه
    ياقيمة النقصان وحده وثنتان = منتي لوافين الرياجيل شيمه
    واللي يقول الناس بُنيه وسيسان = ميراث جدٍ عن جدودٍ مُقيمه
    معادنٍ متجانسه وزن و أثمان = كانت كذا مُمكن سنينن قديمه
    لطيّب عشاقه ولأشيّن قشران = كلٍ عطى وادي غرامه يهيمه
    كم شفتلك من واحد شهَم وإحصان = راعي مقام وله صفاتٍ وسيمه
    البيَّنه والخافيّه للونها ثان = ماتظهر الاّ ياصل العلم تَيَمه
    يضفي عليها مشلحه لجل ماتبان = في مذهبه سلعة خصيم لخصيمه
    كم واحدٍ من نظرتك فيه غلطان = عجٍ قفى دربه من الغيث ديّمه
    وأخضر جناب القاع و القاع ظميان = ولولاك يالماء ماتجدد هشيمه
    حنّا نرام المجد من غير نقصان = في غيرنا ويدينا به كريمه
    نسمو عن الهين ليا شانّ مازان = الله عطانا علو شان و عزيمه
    شاره تحقق حق في كل ميدان = تبني على رؤس الطويلات خيمه
    في مُعتلى روسٍ عليات وأزيان = روسٍ تحيط بها الجبال الطميمه
    وعلى بعيد الدار مانيب بلشانّ = كم لليلةٍ فيها قطعت الخريمه
    خليت ابو مُره ومُره ومَران = يموت وقته طايحٍ مع حريّمه
    والاّ ترى خطوَ السنافي ليا بانّ = ماينثي طوعاً لفعلٍ يظيمه
    لين يتبيّن كل شيءٍ بوكدان = أما طناخة راس والا غنيمه
    هذاك والله كامل العقل : فيّحان = غيثً من المشرق يطقه نسيمه
    يمطر من لحرّه الى الجو ساقانّ = برقه جلا ليّله ويرزم رزيمه
    لاتحسبونه عند هاك الجوا هان = لا والله الا يحجب الشمس غيّمه
    متمثنيّن نجد العذيّه والاوطانّ = وَبَلَهَ حقاقَ وُجَهته مُستقَيمَه
    غاد تحت كبد السماء عدة اللوان = وبين الزراق وبين مثل العتيّمه
    وصفٍ كتبته لأبيض الوجه عنوانّ = اللي على غيّره وصوفه عديمه[/poem]

    الشاعر : بجـاد ابوديه .

    [/align]
  • شفاي ابن بشيّر
    عضو
    • Oct 2012
    • 28

    #2
    الله الله

    هذا الشعر اللي ليا قريته يشدك من مبداه

    صح لساااااانك يا بجاد اشهد بالله انك شاعر متمكن

    ويكفي هذا البيت الذي يحمل صوره قوية التعبير


    وجهٍ تشوف بِه السخاء شوف الاعيان = وجـــــهٍ عــلـــى مـتــنــه تــمـــوت الـيـتـمـيــه

    صح لسانك لين ترضى

    تعليق

    • حاكم الغنامي

      مشرف منتدى المحاوره

      • Jun 2006
      • 5026

      #3
      الله اكبر


      وأخضـر جنـاب الـقـاع و الـقـاع ظمـيـان///ولــــــولاك يــالــمـــاء مــاتــجـــدد هـشــيــمــه


      وهذي خمس نجووووووووووم



      صح لسانك لين ترضى يالجزل
      سبحــــان الله وبحمدهـ

      hakem81@live.com

      تعليق

      • مهنـا العتيبي
        عضو ذهبي
        • Nov 2010
        • 305

        #4
        قمه يابجاد

        صح لسانك

        ولله درك

        تعليق

        • حمود بن خيشوم العصيمي

          رابطة محبي الهيلا

          • May 2010
          • 2107

          #5
          شاعر وجزل صح لسانك وعلا شأنك يا بجاد

          ولاهنت ياحاكم على التقييم

          قصيده تستاهل التمييز وتروي الذائقه ويصعب الاقتباس من بيوتها لجودتها وقوتها
          تحيتي

          تعليق

          • بجاد ابوديه
            شــــاعــر
            • Oct 2009
            • 115

            #6
            الاخ الكريم شفاوي بن بشير مرورك شرف لاهنت اخوي بيض الله وجهك

            تعليق

            • فيصل المسعودي
              مشرف عام
              • May 2005
              • 8296

              #7
              صح الله لسانك

              جزالة اللفظ والمعنى

              غير مستغربة منك

              لا تحرمنا الجديد اللي مثل كذا يا أبو نايف

              تحياتي

              تعليق

              • حافي عسيلة
                عضو
                • Aug 2011
                • 10

                #8
                الشاعر بجاد صح لسانك

                جزالة غير مستغربة وقصيدة محبوكة

                ولكن عندي استفسار .. من هو (فيحان) الوارد ذكره في القصيدة ؟


                صح لسانك مرة اخرى واعتلا شانك

                تعليق

                • بجاد ابوديه
                  شــــاعــر
                  • Oct 2009
                  • 115

                  #9

                  الاخوه الكرام : اشكركم ع مروركم ويشرفني ذلك
                  واثني ع كل حرف كتبتموه في سبيل الاشاده بهذه الابيات ....

                  اما بنسبه للاستفسار حافي عسيله عن ماهو فيحــــــــــــــــــان :
                  هواللواء الشيخ فيحان بن جعيلان بن مروي حفيد شيخ قبيلة الحفاه قاطبه اطال الله بعمره,,

                  تعليق

                  • سقم المعادين
                    عضو نشيط
                    • Nov 2010
                    • 99

                    #10
                    مآشآء آلله يآبججآد آلله عطآك هآجوسً قلِ مآجآء عندهـ
                    يستآهل آللوَآء : فيححآن بنَ جعيلآن آلححآفيَ ( رئيس ممركزَ آلتدريب آلغربيَ } ، علىَ حسسب علميُ ،
                    مَ ززلنآ { نطلب آلجديد } يـ أبو نايف

                    تعليق

                    • سعد بن مطلق المقاطي
                      شـــاعــر
                      • Feb 2006
                      • 2908

                      #11
                      صح لسااااااانك على هـــــ القصيده الوافيه وليس غريبه من بجاد وافي ولا يجيب الا وافي


                      تحيتي
                      [align=center]ديــــــــــــــــواني



                      [/align]

                      تعليق

                      • الكرمان
                        عضو ماسي
                        • Jun 2012
                        • 416

                        #12
                        صح لسانك كعادتك مبدع وننتضر جديدك المميز

                        ونعم في الشيخ فيحان وجدانه هم اساس الاماره في الحفاه وهم الي يطلق عليهم شيوخ العزل والشداد

                        ماهي شيخة الوهام الى طلعت هاليام الي مال جدانهم شداد وللهم فعول تذكر طايحين في اخذ قصايد الناس ونسبها الى جدانهم واذو الناس في المنتديات ويقولون جدانهم شيوخ الله يرحم حالهم
                        والمشكله ينكرون شيخة عياد وشيخة جعيلان التي هي اشهر من نار على علم
                        تم التعديل الأخير بواسطة الكرمان؛ 17-Oct-2012, 07:44 AM.

                        تعليق

                        • الكرمان
                          عضو ماسي
                          • Jun 2012
                          • 416

                          #13
                          صح لسانك كعادتك مبدع وننتضر جديدك المميز

                          ونعم في الشيخ فيحان وجدانه هم اساس الاماره في الحفاه وهم الي يطلق عليهم شيوخ العزل والشداد

                          ماهي شيخة الوهام الى طلعت هاليام الى مل جدانهم شداد واذو الناس في المنتديات حاطين جدانهم شيوخ الله يرحم حالهم

                          تعليق

                          • الزعييييم
                            عضو
                            • Oct 2011
                            • 10

                            #14
                            صح لسانك يابو نايف ويستاهل بن جعيلان

                            تعليق

                            • راعي القوافي
                              عضو ذهبي
                              • Feb 2011
                              • 336

                              #15
                              سلمت يابجاد على القصيده الجزله ولاهنت

                              تعليق

                              العمل...